ACTS 10
WBT1 Kainaêa daonaiora mashaapauzo Caesarea ii, uêuu Cornelius. Uruu Rome soldyaannao zowaunaa, Italy ikiinaouz. 2 Wuruêu Cornelius aonaa Jew mani, mazan upuêu zii uruu, naêiki udapu ainao, naêiki ipai uiribannao kida, Tominkaru-tapauzonao paêidiwaru, naêiki ipai Ä©shaêapatinauzon Tominkaru aipan kawanaêati. Karikaonan ukaminkaêutauzon kapam patakaêutinainao kida Jewnao. Naêiki karikaonan utoriinpauzon Tominkaru ati. 3 Baudaêapa kamoo wachuupun uaêii, Tominkaru tukapa-kidan paêangelin Cornelius ati. Kaimanaiman Cornelius tukapanuz. Angel kian uêati, “Cornelius!" 4 Sariapa uawunuupaêakan angel diêiti, patarian biiêi. Ukian uêati, “Kanom puaipan õêai, õnaobanaa?” Angel kian uêati, “Tuukii Tominkaru naudapan putoriinpauzon paêati, naêiki utukapa naêapam pukaminkaêutauzon patakaêutinainao. Uruu idaêan putukapa-kidan mishi putaainan uêati. 5 Aizii pudyuuda paêi pidannao Joppa iti Ä©dapadanaka kizi pidan, Simon Peter kiaêoraz uêuu. 6 Kainaêa uruu tawarai nii Simon dapu ii, wuzadapauzoz madai kida. Maonapaêo udapu paran danoma ii." 7 Angel makoêokan daunaêan, uruêu naa Cornelius dapadaêakan dyaêutam papoitorunao naêiki baudaêapa soldyaa karikaonanuêoraz ukaudinauzon utuma, naêiki uruu Tominkaru-tapauzo kapam. 8 Ukowaada Ä©êati ipai aimaakan patukapaniaz aidinan. Udaunaêan udyuudaêakan naa Ä©dyaun Joppa iti. 9 Atii baêoran kamoo Ä©maonapatapaanan naa Joppa iti. Upuêu Peter zaidan kabaun paawa iti, utoriinpaêanan Tominkaru ati. Naêapain sakitapa kamoêoraêa naa wuruêu. 10 Uruu idi uabatan pazamaziêi naa. Mazan Simon poitorunao, Ä©warakinpan zii. Aizii Peter toriinpan puêaêa naa, mashaêapakiaka Tominkaru aida-kidan aimaakan uêati. 11 Peter tukapan aokazi daêatinan naêiki aimaakan waêatin imiêi baara ati aokazi iki, naêapa kazoaêo kamicha madanaa zaamatapa-kao kawanuêo padanoma tokon iki kida. 12 Wuruêu kamicha madanaa zoêo, Peter tukapan pabiêinaakaêo aimaakan, uzainao, naêiki wuniinao kaduz kida, naêiki ipai wuruêu kozootinainao kidaz Ä©chiêikapan, naêiki pabiêinaaka kotuêuznao. 13 Sariapa parada-karu kian uêati, “Peter! Aushaa puzowii punikan nii." 14 Peter kian, “Aonaa turuu, õNaobanaa. Aonaa naêapainim zii õnikauzon Ä©nao kaduz aimaakan, wuruêu aonaêoraz waunao kakinaorinaa taapadan wanikan." 15 Powaêa koshan aokazi ikiêo parada-karu kian uêati, “Manaêa pudakotaêanaêa aimaakan kaniribaêo nii, wuruêu õgaru Tominkaru saabaaniaz naa naêiki õtomaniaz naa kaimanaêo nii." 16 Idikinau parada-karu naêapan uêati. Udaunaêan ukiwa-kidaêaka-kaoaêa naa aokazi iti. 17 Aizii Peter diêitinpan tuukii, uaitapaêazon kanom manawun wuruêu tukapa-kida-kariwaiz paêati. Udiêitinpan puêu zii kabaun zowau ii, upuêaêa naa Cornelius dyuudaniinao pidannao pishautan naa naêiam Simon dapu, atii Ä©kaawan kabaun korarannaa paniinomizinaa ati. 18 “Tosh,” Ä©kian. “Kainaêa tawarai daêaêa, Simon Peter kiaêo uêuu?" 19 Peter pakawan zii utiwaan paaitapan kanom manawun wuruêu aimaakan aida-kida-kariwaiz paêati. Sariapa Kaimanaêo Doronaa kian uêati, “Puabata, kainaêa idikinaudaêu daonaioranao kaidaêaêa Ä©dawatapan pugaru. 20 Putoka, putukapaêan kizi Ä©dyaun, naêiki pumako paêi Ä©tuma, manaêa putariaêanaêa. Ãgaru wuruêu dyuudaêoraz Ä©dyaun." 21 Uruu idi Peter tokaêakan naa, sariapa utukapan daonaioranao naêiki ukian Ä©êati, “Ãgaru wuruêu unao dawatapaniaz. Naêapaêoram ukuwaa wuruêu uwaêatinuz?" 22 Ĩkian uêati, “Wanaobanaa Cornelius, soldyaanao zowaunaaz, dyuudan waunao puêidaêati. Uruu kaimanaêo pidan, izoêatiêo Tominkaru. Uruu aonaa Jew mani padamata, mazan ipai Jewnao naudapan uruu. Tominkaru dyuudan paêangelin uêidaêati naêiki udyuudan udapada-kidan pugaru padapu iti, uabata kizi pukuwaa,” Ä©kian. 23 Udaunaêan Peter morota-kidan naa Ä©dyaun. Baudaêapa marutaêo Ä©daêawuêukan naêii. Baêoran kamoo Peter minziiwan, naêiki umakoêokan naa Caesarea iti Cornelius poitorunao tuma. Naêiki pabiêi kida mishidainao Joppa sannaouz mako kapam Ä©tuma. 24 Baêoran kamoo Ä©kaawan naa Caesarea iti. Aizii Cornelius, uzaudapaniêi naa Ä©dyaun. Kainaêaêa naa uiribannao, naêiki upaonarunao, udapadaniinao padapu ati. 25 Peter kaawan donoêo naa, sariapa Cornelius ikodapanuzu, udawukan naêiki ukodoruêukan ukanaapu iti. 26 Mazan Peter kadishita-kidanuzu. Ukian uêati, “Ãgaru, soo pidan karikaonan naêapaêo pugaru kawan." 27 Upuêaêa naa Peter morotan udawuêati kabaun nazo iti, pakadakotinaanan puêu utuma. Naêiaêa naa utukapa iriba pidannao baokopatinpan. 28 Sariapa ukian Ä©êati, “Ipai unao, uaitapanii waunao Jewnao kaduz, aonaa wakakinaorinaa kashaapan wamorowautan oo wabaokopatinan unao Gentilenao bii iti. Mazan kaimanaiman Tominkaru kainaabatan õêati, aonaa kizi õdakoopan oo õdakotan shaêapaêoram pidan dikaudaêo nii. 29 Aizii diêi pudapada-kidan õgaru, sariapa õnyukunuu naêapaêakan, minziiwa õwaêatin pugaru idaêati. Aizii Cornelius, pukowaadaêa naa kanom niêo pudapada-kidan õgaru daêatiêi." 30 Cornelius kian uêati, “Kotuêikiêi donoiman kaikapaimanaêa, õtoriinpan õdapu nazo ii Tominkaru ati. Mashaêapakiaka daonaiora kadishitan õkanaapuêu, wiziêiêo ukamichan. 31 Ukian õêati. ‘Cornelius! Ipai Tominkaru abatan puparadan putoriinpauzon kawanaêati, naêiki utukapa naêapam pukamunanuuzon patakaêutinainao ati. 32 Pudyuuda paêi pupoitorunao Joppa iti Ä©dapadanaka kizi pidan, Simon Peter kiaêo uêuu. Kainaêa uruu tawarai nii Simon wuzadapauzoz madai dapu ii, maonapaêo udapu paran danoma ii,’ ukian. 33 Uruu idi kadiman õdapada-kidan pugaru. Kaiman manawun waêati puwaêatin daêatiêi. Ukauêan ipai waunao diêi, wazaudapan naa pugaru Tominkaru awun zaêa. Waabataêazon ipai naêapaêoram kuwai kida, wuruêu waNaobanaa dyuudaniaz pukowaadan waêati." 34 Peter kian Ä©êati, “Aizii õaitapaêakaêa naa, aonaa Tominkaru manaêidiipan shaêapaêoram kaduz pidan, umarainapa ipai pidannao patumaaka. 35 Uzaamata shaêapaêoram kaduz pidan, Ä©izoêatin idi uruu, naêiki Ä©mashaapan idi kaiman uaipan kawanaêati. 36 Unao, uaitapaniêi naa kuwai tawuruêu Tominkaru dyuudauzoniaz waunao Israelitenao ati. Kaimanaêo Kuwai, pidannao ikoda-kinaa niêo kaimanaaka-karu Tominkaru tuma, Jesus Christ idaêan, dyuuda-kariwaiz ipai pidannao naobanaa nii. 37 “Unao, uaitapaniêi naa ipai aimaakan Jesus shaêapatanii waunao Jewnao wiizi Israel Baara an. Usakadinan Galilee Baara iki, John kakinaopan daunaêan pidannao Ä©tanawatin kizi paêoian ai naêiki Ä©chikaawunuin kizi. 38 Uabataniêi naa naêapam Tominkaru taan Jesus Nazareth san ati Kaimanaêo Doronaa naêiki maêozaka-karu. Uruu idaêan maêozaka ukaudinan, ushaêapata kaiman kidaêo aimaakan, ukakuda ipai karinainao pidannao. Aizii wuruêu Satan zaamatapaniinaouz, naêiki uantamikitaniinao kidaz, ipai ukakudan Ä©dyaun, Tominkaru kainaêan idi utuma. 39 Waunao apostlenao, watukapanii ipai aimaakan wuruêu ushaêapatanii kidaz ipai Jewnao wiizi Jerusalem ii aka naêiki baêoran Ä©wiizi kida diêiiêaka. Jewnao tukapanii padamata ushaêapatan naêapa kidaêo aimaakan, mazan upuêu Ä©taukanuzu cross diêiti, atii Ä©zowianuzu. 40 Mazan Tominkaru kadishita-kida uruu pamawaka-kizi iki, idikinaudaêutan kamoo idaêa. Naêiki utukapa-kida uruu pabiêi kida pidannao ati. 41 Aonaa ipai pidannao ati mani, soo wunao atiêi uzaamataniinaouznaa kakuwaapatinaêo nii pashaêapatanii kida dauêu. Ukauêan waunao watukapanii uruu, waaroapanii naêiki watuzanii baokopa utuma, ukadishitan daunaêan pamawaka-kizi iki. 42 Uruu idi udyuudan wakakuwaapan ipai pidannao ati, naêiki wakowaada kizi kapam, uruu Tominkaru zaamataniaz kootowapa-kidaêo nii ipai pidannao, mawakainao naêiki kakupainao. 43 Ipai Tominkaru prophetinnao kowaadaniêi naa udauêan pakaaritan kida idaêa. Kaikapaêo Ä©kianuêu: ‘Ipai pidannao mishidainao uruu naêiki izoêatiinao uparadan, Tominkaru mainaabatan nii Ä©êoian Ä©mishidan idi Jesus.’" 44 Peter paradinan puêu zii, Kaimanaêo Doronaa morotinaêakan naa ipai pidannao, abatapainaouz ukuwaa. 45 Mishidainao Jewnao wuruêu kaawainaouz Joppa iki Peter tuma, tuukii Ä©diêitinpan patukapan idi Tominkaru taan Kaimanaêo Doronaa Gentilenao ati kapam. 46 Ĩaitapa Tominkaru diêikiêo wuruêu, ushaêapanum kauêan Ä©abatan idi Ä©paradan panaêa kidaêo parada-karu idaêan. Naêiki Ä©abatan idi Ä©konaukii-kidan Tominkaru shaêapatan kaiman kidaêo aimaakan. Sariapa Peter kian baêoran mishidainao ati, 47 “Kanom kainaêa mashaataêo nii diêoraz pidannaouêu, Ä©chikaawunuu-kao ai wunu idi? Kainaêaêa naa Kaimanaêo Doronaa taa-kao Ä©êati, naêapa utaa-kao kawan waunao Jewnao ati,” ukian Ä©êati. 48 Udaunaêan udyuudan naa Ä©chikaawunuu-kao Ä©mishidan idiêi naa Jesus Christ. Pachikaawunuu-kao daunaêan, Ä©pishaan naa Peter marii kizi unaêaêakan Ä©tuma naêapaudaêum kamoo zoobaba.
