EPHESIANS 2

WBT

‹ Chapter 1 EPHESIANS — All Chapters Chapter 3 ›

1 Aizii kotua�a naa umamishidakan dono zii Christ, na�apa unao mawaka�o pidannao kawan umaizo�atikan idi Tominkaru paradan, na�iki usha�apaapan idi oii kida�o aimaakan. 2 Tuukii da�i usha�apatauzon dikauda kida�o aimaakan, uda�anan idi oiainao pidannao kaduz. Na�iki tuukii uizo�atiizon Satan paradan, kazowautapa�oraz oia�o doronainao doko ii aka, kaudina�oraz pidannao nyukunuu ii dikintapainaouz Tominkaru. 3 Ipai waunao na�apa�o kapam wamashaapauzon kiwiin; tuukii da�i waaipan washa�apatan oia�o aimaakan, na�iki ipai washa�apatan oia�o wanyukunuu aiapanii kidaz washa�apatan. Ukau�an na�apa�o nii padamata wapataka�uta-kao wa�oian dikin ii ba�oran oiainao kawan. 4 Mazan Tominkaru tuukii ukamunan-kidan waunao, utukapan pu�u waunao mawakainao pidannao kawan wa�oian idi na�iki wadikintapan idi manawun uruu. Mazan umarainpan idi waunao tuukii, utaa wa�ati kakupa-karu Christ tuma. Soo Tominkaru kamunanun idi�o manawun wuru�u ukazannaatanuz waunao. 6 Na�iki Tominkaru kadishita-kidan waunao wamawaka-kizi iki Christ tuma, na�iki usakanata-kidan waunao baokopa Christ tuma aokazi ii. Tominkaru sha�apatan aimaakan wa�ati kaikapa�a uzaamatan idi waunao Christ ida�ati. 7 Na�iki Tominkaru sha�apatan aimaakan kaikapa�a, uaipan diina�itiinao pidannao tukapan wuru�u pakaimannuz manawun na�iki pakamunanun wa�ati, Christ Jesus ida�ana�oraz usha�apatan. Mishi ukaimanan ipai uwazootapan ba�oran aimaakan kida kaimanan. 8 Tominkaru kamunanun idi manawun, ukazannaatan unao umishidan idi Christ. Aonaa unao kaimanan idi�o mani wuru�u ukazannaatanuz unao, mazan kana�apani�o karikaonan utaan. 9 Na�iki aonaa unao sha�apatan dikin ia�o mani kaiman kida�o aimaakan, uruu idi aonaa turuu pidan kian “�kaimanan idi�o manawun wuru�u õkazannaata-kaoaz." 10 Tominkaru pa�an wuru�u toma�oraz waunao pa�ina�o pidannao nii, sha�apata�o nii kaiman kida�o aimaakan, wuru�u kotua�oraz naa utaapan washa�apatan nii. Wazaamata-kao idi Christ Jesus ida�ati, turuu washa�apatan kaikapa kida�o aimaakan. 11 Unao Gentilenao pana�a�o pidannao udokuzunnao ida�an, Jewnao ai. Na�iki Jewnao dakotan unao machootin-kainao nii, usha�apanum kau�an ĩnao choota-kariwainao pa�an. Mazan wuru�u ĩchoota-kaoaz pidan sha�apatanii karikaonan paka�u ida�an. Mazan uruu dono aona�o zii uzaamatinan Christ ida�ati, na�iki tawarainao zii unao, na�iki aona�o zii ukawiizin Tominkaru pidanannao kawan. Na�iki uruu dono aonaa unao ati�o mani wuru�u Tominkaru kowaadaniaz pasha�apata�azon papidanannao ati, na�iki uruu dono aonaa kanom uzaudapan sha�apa�o nii u�ati, na�iki aonaa uTominkarun nii. 13 Mishi kiwiin munapo ubuutapa-kao Tominkaru ai. Mazan aizii unao bauda�apatina�oraz Christ Jesus ida�ati, maonapada-kariwai�i naa unao Tominkaru ida�ati Christ izain shootan ida�an umawakan dono�oraz. 14 Christ wuru�u wakaimanaaka-kinaaz, uruu kaimanaaka-kida�o Jewnao na�iki Gentilenao na�iki bauda�apatina�a naa ĩdyaun. Kiwiitapa ĩmashaapan kashanau-kidaaka, mazan aizii Jesus zikada�a naa wuru�u awautapa�oraz Jewnao na�iki Gentilenao ĩkaimanaakan ai. 15 Usha�apata aimaakan na�apa pamarina�ata-kidan ida�an ipai wuru�u Jewnao kakinaorinaa kidaz pamawakan ida�an. Usha�apatan aimaakan kaikapa�a ubauda�apata�azon idi na�iki ubaokopata�azon idi Jewnao na�iki Gentilenao pa�ida�ati. Uruu idi aizii utukapan ĩdyaun bauda�apa�o pidan kaduz nii. Uruu idi aizii kaimanaaka�a naa ĩdyaun. 16 Pamawakan ida�ana�o wuru�u Christ kaimanaaka-kidanuz dya�utama�o pidannao tonaazinaa, ubauda�apatan ĩdyaun na�iki ukaimanaaka-kidan naa ĩdyaun Tominkaru tuma. Ukau�an aonaa powa�a ĩzoono-kidaakan. 17 Christ kaawanuz imi�i baara ati, ukowaadapa�anan Kaimana�o Kuwai kaimanaaka-karu dau�u, ipai pidan ati na�iki unao Gentilenao ati munapoinaouz Tominkaru ai, na�iki waunao Jewnao ati�o kapam, maonapainaouz Tominkaru ida�a. 18 Uruu Christ ida�an turua�a naa aizii waunao Jewnao na�iki unao Gentilenao wa�atin waDaru Tominkaru kanaapu ati, Kaimana�o Doronaa ma�ozakan ida�an. 19 Ukau�an unao Gentilenao aonaa tawarainaou�u naa mani oo ba�oran kaduz pidannaou�u naa mani, mazan unao bauda�apata-kariwai�i naa Jewnao tuma. Bauda�apa�o wiizai di�iti�ora�a naa aizii uzaamatinpan baokopa Jewnao tuma, Tominkaru pidanannaouz. Uruu idi aizii baokopatinainaou�u naa unao Tominkaru pidanannao bii iti. 20 Ipai unao mishidainao, na�apa kabaun toma-kao kawanu�o unao. Aizii wuru�u apostlenao na�iki Tominkaru prophetinnaouz, kabaun orodanaa ĩnao. Aizii Christ Jesus uruu kuba, ma�ozaka�o udiridapan kabaun toronnaa kida. 21 Uruu wuru�u dadara�oraz uzaamatapan na�iki ukadishitapa-kidan kabaun, uruu di�iki�o kabaun tominan udaru kaimana�o na�iki umanawunu�o kabaun, soo Naobanai Tominkaru kaiwaapan ni�o. 22 Unao Gentilenao uzaamatinan idi�i naa Christ ida�ati, baokopa�ora�a naa uzaamatinpan ba�oran mishidainao tuma. Ukau�an unao wuru�u umanawu�oraz kabaun Tominkaru mashaapa-kiziz paDoronaa ida�an.

‹ Chapter 1 EPHESIANS — All Chapters Chapter 3 ›

EPHESIANS 2

Cite / Share This Page