HEBREWS 11

WBT

‹ Chapter 10 HEBREWS — All Chapters Chapter 12 ›

1 Na�apa�oram ati�o wuru�u mishidapa-karuz? Uruu wuru�u waaitapanuz wanyukunuu ii mishi�o nii aimaakan kida sha�apan wuru�u wazaudapaniaz naa. Na�iki waaitapan aimaakan mishiin aonaan pu�u padamata watukapanuzu. 2 Pidannao mashaapainaouz kotua�a naa, kaiman Tominkaru nyukunuu ĩtuma ĩmishidan idi. 3 Wamishidan ida�an, waaitapa ipai amazada toma-kao Tominkaru paradan kawana�ati, wuru�u tukapa-kariwaiz aimaakan kida tominan, aonaa tukapa-kariwai aimaakan di�iki�o mani. 4 Abel mishidan ida�an, utaan Tominkaru ati kaimana�o pakawaodanii Cain taanii ai. Tominkaru kian kaiman unyukunuu aimaakan kaimana�o dau�an Abel taaniaz. Ukau�an umishidan idi, udakota-kao kaimana�o pidan nii. Abel mawaka�a naa, mazan pamishidan ida�an pakawan zii ukakuwaapan. 5 Enoch mishidan ida�an, una�aka-kao aokazi iti, aonaa utiwaan mawaka-karu, na�iki aonaa turuu pidan ikodan uruu, usha�apanum kau�an Tominkaru na�akan idi uruu. Una�aka-kao ua�ii, Tominkaru Paradan kian, Tominkaru naudapa patukapan umashaapanuz. 6 Ukau�an aizii uaitapa, aonaan an pidan mishidan, aonaa na�apam Tominkaru nyukunuu konaukii-kida-kao. Sha�apa�oram pidan wa�atin an Tominkaru ida�ati, marii umishidan kaina�a Tominkaru, na�iki marii umishidan Tominkaru�o nii kawinipinaata wunaou�u mishi�oraz ĩdorotan uruu. 7 Noah mishidan idi, uizo�ati Tominkaru paradan, Tominkaru kakinaowan dono�oraz uruu aimaakan kida dau�an aona�oraz zii padamata utukapan; na�iki utoma udaru�o kanawa ukazannaata-kinaa nii pairibannao. Paizo�atin ida�an, Noah aida-kida pidannao oian, mashaapainaouz wuru�u amazada baara�a. Na�iki umishidan kau�an, Tominkaru dakotan Noah kaimana�o pidan nii. 8 Abraham mishidan ida�an, uizo�ati Tominkaru paradan, udapada-kao dono�oraz umako kizi ba�oran wiizai baara iti, wuru�u Tominkaru kowaadauzoniaz pataan nii u�ati. Uwa�aka pawiizi aonaan pu�u uaitapan na�iti�oram wuru�u pamakonuz. 9 Abraham mishidan ida�an, umashaapan tawarai kawan wuru�u wiizai baara ii, Tominkaru kowaadauzoniaz utaan nii u�ati. Utoman pamashaapa-kizi nii, umashaapan wiizibai ida�a kida karikaonan. Isaac na�iki Jacob na�apa kapam ĩmashaapauzon, zaamatainao ni�oraz kapam amazada baara pawiizi nii, Tominkaru kowaadauzoniaz utaan nii ĩ�ati. 10 Usha�apanum kau�an Abraham zaudapan wuru�u donoiz, karikaonanu�oraz nii una�an, donoi Tominkaru tomaniaz paaitaan kawana�ati. 11 Abraham mishidan ida�an, utunarunaoun pu�a�a naa padamata, na�iki Sarah maskonnaoun pu�a�a naa manawun, upu�u okaudanin. Umishida Tominkaru mishiian nii wuru�u paparadanuz. 12 Abraham tunarunaou�u naa manawun, ikoda�o nii mawaka�azo�ora�a naa. Mazan iriba utakaan-daunnao tominan, na�apa wizinao iriban kawan aokazi ii aka�oraz, na�apa kaatu kawan paran danoma an kida�oraz, aona�oraz uka�iita-kao uaita-kao. 13 Ipai di�oraz pidannao mawakan pamishidapan bii�i. Aonaa ĩzaamatan wuru�u aimaakan kida Tominkaru kowaadauzoniaz pataan nii ĩ�ati, mazan ĩtukapanuzu munapo pa�ua�ii na�iki ĩkonaukii udau�an. Na�iki ĩkowaadan paugaru morowautapainao na�iki tawarainao imi�i baara�a. 14 Pidannao kaikapa�oraz ĩparadan, ĩaida-kidan kaimanaiman ĩdorotapan pawiizi ni�i naa manawun. 15 Ĩdi�itinpan dono mani pawiizi dau�u ĩwa�akaniaz, ĩkiwa�a naa mani powaa iti. 16 Mazan ĩnyukunuu tuukii pa�an kaimana�oraz wiizai dau�ati, wuru�u aokazi ia�oraz. Ukau�an Tominkaru, aonaa ukiba�azoo-kidan padakota-kao ĩTominkarun nii, usha�apanum kau�an usaabaa donoi ĩmashaapa-kizi nii. 17 Abraham mishidan ida�an, utaa Isaac zowii-karu nii, Tominkaru tiwaa-kidapan dono�oraz uruu. Abraham ati�o sha�atii tawuru�u Tominkaru kiauzonuz: “Isaac ida�ana�o nii wuru�u pukatakaan-daunnaounuz.” Mazan upu�u Abraham minziiwa utaan paudani bauda�apauzoz zowii-karu nii Tominkaru ati, 19 Abraham mishida Tominkaru ka�iita pakadishita-kidan Isaac umawaka-kizi iki. Na�iki ukawana�ati mishi usha�apan, turuu kii-karu, Abraham ikoda Isaac powaa ati umawaka-kizi iki. 20 Isaac mishidan ida�an, udapada-kidan kaiman kida�o aimaakan Tominkaru di�iki sha�apa�o nii paudainao Jacob na�iki Esau ati, na�iki ĩtakaan-daunnao ati diina�iti�i. 21 Jacob mishidan ida�an, upishaan Tominkaru sha�apatan kaiman kida�o aimaakan Joseph dainao ati, pamawakan ua�ii. Udawukapan utoriinpan Tominkaru ati udiridinpan pawadookori paawa�a. 22 Joseph mishidan ida�an, umawakapan dono�oraz naa, uparadan Israelitenao makon dau�an Egypt iki, na�iki ukian ĩ�ati marii kizi ĩna�akan uniwa�uz. 23 Moses daronao mishidan ida�an, ushakatan dauna�ana�oraz, ĩdizan uruu idikinauda�u kauzu, usha�apanum kau�an ĩtukapan idi uruu koraidaonaa konaunam sodi�o; na�iki aonaa ĩtarian king dyuuza ai. 24 Moses dyaupain dono�oraz naa, Naobanai Pharaoh dani zunaaba dyaupaitan pu�u padamata uruu; umishidan ida�an aonaa uaipan padakotapa-kao Pharaoh takaan nii. 25 Mishi�oraiman uaiapa pa�an pabaiatan kasha�ora kida�o aimaakan Tominkaru pidanannao tuma, una�azootapan ai oii kida�o aimaakan, aona�o ni�oraz una�an tomunu�iki. 26 Udi�itapan baiatin-karu Christ ati powa�a pa�an umanawunun ka�idiwau-karu ai ipai wuru�u umanawun kida�oraz aimaakan idi Egypt ia�oraz. Usha�apanum kau�an udi�itinpan pawinipa dau�u diina�iti�oraz Tominkaru taan ni�oraz u�ati. 27 Moses mishidan ida�an, uwa�akan Egypt Baara, aonaa utarian king to�oran ai. Moses aonaa ukaakinpan, ikoda�azo�o utukapanii Tominkaru aona�oraz turuu utukapa-kao. 28 Na�iki Moses mishidan ida�an, utaapa wuru�u Passover Kamoon na�iki udyuuda izai chibii-kao, uruu aonaa kizi Mawaka-karu Angelin zowian Israelitenao dainao daonaioranao, wuru�u kiwiitapainaouz ĩshakatan. 29 Pidannao mishidan ida�an, ĩtaraukan Red Sea, na�apa arada�o baara ana�o kawan, mazan Egypt Baara sannao tiwaan patarauka�akan na�apa, baukapa ĩnaraada�aka-kao. 30 Israelitenao mishidan ida�an, donoi Jericho awauribanaa kida dorautan, Israelitenao kora�uupan dauna�an ubarau ii aka 7 kamoo, ĩkora�uankanuzu baukapa ipai kamoo. 31 Rahab, kaminshu�u-shoroaba, mishidan ida�an, aonaa ozowii-kao wunao tuma�a dikintapainaouz Tominkaru, usha�apanum kau�an konaukii odapaapan tawunaou�u Israelitenao awunuuta�ana�oraz na�apam amazada aidinpan. 32 Turuu zii õna�itidan õkakuwaapan, mazan aonaa amazada turuuan manawun õkowaada-kinaa nii Gideon, Barak, Samson, Jephthath, David, Samuel, na�iki prophetnao dau�u. 33 Di�oraz pidannao, ipai ĩmishidan Tominkaru, ukau�an ĩka�iita pamizaataakapan na�iki pakaakinapa-kidan ba�oran wiizai ikiinao soldyaannao. Ĩsha�apata aimaakan sakitapa�o na�iki ĩzaamata Tominkaru kowaadaniaz utaan nii ĩ�ati. Ĩtarata baudokorunao dako kida, 34 ĩmakada tuubaru kida�o tikazi, ĩkidoapa pazowia�azoo-kao ai marii idi. Ĩnao kakataimana�o mazan ĩtoma-kao ma�ozaka; umanawun ĩmizaataakapan mizaataaka-kizai ii, na�iki kaakinapa ĩtarubanao ĩ�ati. 35 Zunnao mishidan ida�an, ĩtukapan paudainao kadishita-kida-kao powaa iti mawaka-karu di�iki. Baokoinao antamikita-kao kaziwa�o ida�an atii ĩmawakan, aonaan idi ĩmuudan pamishidan. Usha�apanum kau�an ĩaipan idi pakadishita-kida-kao kakupa-karu ida�ati kaimana�oraz pa�an. 36 Aizii ba�orainao banikiita-kao na�iki ba�izii-kao, na�iki ba�orainao do�oo-kao na�iki ĩkaboota-kao taraa-kizai iti. 37 Ĩzowii-kao ĩboo-kao ida�an udaru kida�o kuba idi, ĩsaasata�aka-kao pazikon an, ĩzowii-kao marii idi. Ĩkaiwadinpan kaznizo mada oo boogi mada kida ida�an karikaonan kowas; aonaa ĩsha�apauz nii, ĩpataka�uta-kao kaziwa�o ida�an, na�iki ĩantamikita-kao. 38 Ĩna�iaakapan mapidantaka�o amazada di�ii�aka, na�iki midukuo baawu ii aka; ĩmashaapan kuba�un kida ida�a na�iki ka�unaru shaawa ii kida. Wuru�u mishidainaouz, kaiman manawun ĩdyaun wuru�u imi�i baara sannao ai, aonaa turuu ĩmashaapan ĩtuma. 39 Ipai wunao pidannao, kaiman Tominkaru nyukunuu ĩtuma ĩmishidan idi, upu�u aonaa bauda�apa ĩdyaun zaamatan ipai wuru�u Tominkaru kowaadaniaz utaan nii. 40 Mazan waunao ati powa�a�o zii Tominkaru aipan pasha�apatan aimaakan kaiman wa�ati, uruu baokopa kizi waunao ĩnao tuma saabaa-kao kaiman manawun diina�iti�i, Tominkaru aipan kawana�ati.

‹ Chapter 10 HEBREWS — All Chapters Chapter 12 ›

HEBREWS 11

Cite / Share This Page