HEBREWS 2

WBT

‹ Chapter 1 HEBREWS — All Chapters Chapter 3 ›

1 Ukau�an marii wakarodinan zoobaba, wada�an wuru�u mishi�oraz parada-karu kaimanaiman, uruu aonaa kizi wapozawatan u�ai. 2 Usha�apanum kau�an kakinaorii, Tominkaru taauzoniaz angelnao ida�an aida-kida-kao umishiin manawun. Pidan dikintapa�oraz kakinaorii pataka�uta-kao pasha�apatanii kawana�ati. 3 Mazan wuru�u kazannaatin-karu powa�a�o zii pa�an umanawunun. Ukau�an tuukia�o nii wapataka�uta-kao wamashaapan an ikoda�azo�o tawuru�u aona�oraz kazannaatin-karu umanawunun. Wuru�u kazannaatin-karu kakuwaanaata-kao kiwiin Naobanai Jesus ida�an. Na�iki abatainaouz uruu, ĩaida-kida kapam wa�ati kaimanaiman, mishi�o wuru�u kazannaatin-karu daua�oraz. 4 Uruu dono Tominkaru aida-kida kapam umishiin, pasha�apata-kidan ida�an aimaakan kida matukapauzoka-kariwai, na�iki umanawun kida�o aimaakan, aida�o Tominkaru umanawunun. Na�iki uaida-kida umishiin pataan ida�an pidannao kawana�ati ĩsha�apata-kinaa nii pabi�inaaka kida�o aimaakan Kaimana�o Doronaa ida�an, na�apa paaipan kawana�ati. 5 Aonaa Tominkaru zaamatan angelnao kazowautapa�o nii pa�ina�o amazada wuru�u wa�atipa�oraz, uruu diina�iki�oraz amazada daua�o wuru�u wakakuwaatinanuz. 6 Mazan usaadinpan Tominkaru kaaritan ida�a, kaikapa�a: “Oo, Tominkaru! Kanom ni�o mooko wuru�u punyukunuu pidannao dau�atinanuz manawun, na�iki putaapanuzu wuru�u daonaioraz kaiman kapam? 7 Putoman pidannao awutapa za�o nii ĩmanawunun angelnao ai, aonaa kotua�iki�i nii mani, na�iki putaanii konaunam-kinai na�iki umanawun-kinai ĩ�ati. 8 Putaa ipai aimaakan kida ĩkazowautapan nii.” Tominkaru taa ipai aimaakan kida pidannao ati ĩkazowautapan ni�o, aonaa kanom kaina�a ĩmakazowautapakanii. Mazan kai aonaa zii watukapan ĩkazowautapan ipai aimaakan kida. 9 Mazan watukapa Jesus, utoma-kao awutapa zaa umanawunun angelnao ai, mazan aonaa kotua�iki�o mani, umawaka kizi ipai pidannao oian dikin ii Tominkaru kamunanun idi. Aizii taa-kaoa�a naa konaunam-kinai na�iki umanawun-kinai u�ati, usha�apanum kau�an ubaiatina�akani�i naa mawaka-karu di�iti. 10 Tominkaru wuru�u toma�oraz ipai aimaakan kida. Na�iki ipai aimaakan kida ukonaukii-kinaa ni�o. Tominkaru aipan iriba�oraz paudainao ka�idiwainan pamanawunun idi. Tominkaru saabaan Jesus kaiman manawun ubaiatinan ida�an, uruu mishi kizi ukazannaatapan pidannao. 11 Aizii Jesus na�iki wunaou�u usaabaaniaz naa, bauda�apa�o ĩdaru. Uruu idi aonaa ukiba�azon padakotan ĩdyaun pa�inawuzunao nii na�iki padadakoonao nii. 12 Ukian sha�atii Tominkaru ati kaikapa�a: “�kakuwaapan nii pudau�u õ�inawuzunao na�iki õdadakoonao ati; �konaukii-kidan nii pugaru pupidanannao baokopatinan dono." 13 Ukian kapam, “�nyukunuu Tominkaru ati�o nii.” Na�iki ukian kapam kaikapa�a: “Di�i õgaru�u, koraiziannao tuma, Tominkaru taaniaz õ�ati." 14 Wuru�u koraiziannao, pidannao ĩdyaun. Ukau�an Jesus na�apa utominan, na�iki utiwaa wuru�u ĩbaiatanii kidaz kapam. Utominan pidan nii, na�iki pamawakan ida�an, umainaabatan ipai Satan ma�ozakanuz, kazowautapa�oraz mawaka-karu. 15 Na�iki kaikapa�o ida�an, Jesus so�otan pidannao, poitoruinao kawanu�oraz ĩmashaapan pashakatan di�iki, ĩtaritan idi mawaka-karu ai. 16 Kaimanaiman ukainaabata-kao, aonaa angelnao mani wuru�u Jesus kaminka�utaniaz, mazan Abraham takaan-daunnao pa�an. 17 Uruu idi�o Jesus tominan pidan nii na�apa manawun pa�inawuzunao kawan, turuu kizi uruu ĩFaadaan Umanawunu�o nii, kamunan-kida�o ni�oraz ĩdyaun na�iki mishi�o usha�apatan aimaakan kida Tominkaru ati. Uruu turuu kizi pidannao oian kida so�ota-kao. 18 Na�iki aizii turuu ukaminka�utan wunaou�u tiwaa-kidapa-kariwainaouz, usha�apanum kau�an tiwaa-kidapa-kariwai�i naa uruu, na�iki ubaiaapa�akani�i naa dikauda�o kapam.

‹ Chapter 1 HEBREWS — All Chapters Chapter 3 ›

HEBREWS 2

Cite / Share This Page