JAMES 5
WBT1 Aushaa uabata naźapam Ƶkian aizii, unao pidannao kapuraataniinao! Tuukii uzaada diiwaźo idaźan. Ushaźapanum kauźan kainaźiki kashaźora kidaźo manawun aimaakan waźatin unao ati. 2 Upuraatan kidaz madiwautapa-kaźo nii naźiki ukamichan kida basharao nikan nii. 3 Utaapan dobataźo puraata uźidiwau nii, amazada katokon-tinaźazon puźaźa naa. Upuraatan gold naźiki silver, ipaiźi naa uwuzaaritan. Wuruźu Ä©wuzaritanuz aida-kidan nii naźapam unao pidannao dikaudan, naźiki wuzaru nikan nii unanaa naźapa tikazi kawan. 4 Aonaa ukawinipinaatan karaodapauzonao kaudinan uzakapun ii. Uabata! Umanawunuźo Naobanai abata wuruźu upoitorunao dopian unao zakapun ii. Puraata utaapaniaz aida-kida Tominkaru ati, unao shaźapatan dikaudaźo aimaakan umakawinipinaataźazookan idaźan Ä©dyaun. 5 Umashaapanuz daźaźa imiźi baaraźa soo ukaiwaapan upuraatan ukonaukiitin-kinaa nii paźidiwaru, naźiki uaipan ati ukakiwindinan. Naźapa unao uzainao taapa-kariwai kawan ataźazoźoraz naa Ä©zowii-kao. 6 Ukian pidan kaimanaźo dauźan, “Dikaudaźo uruu, wazowii-kida uruu.” Mazan uruu, aonaa utiwaan pamashaatan unao. 7 Uruu idi, Ƶiribannao, aonaa ukashadinaźa naa uzaudapan Naobanai Jesus Christ kaawan. Udiźitapa naźapam pidan zakapuupauzo, aonaa ukashadinan pazaudapan papaoriba kaakan umanawunuźoraz uźati. Naźiki aonaa ukashadinan pazaudapan wawunu donon. 8 Naźapa paźi unao kapam, aonaa ukashadinaźanaźa naźiki maźozaka ukadishitapa. Ushaźapanum kauźan Naobanai Jesus Christ ataźazoźo naa ukaawan. 9 Ćiribannao, aonaa uparadaźanaźa dikauda uiribannao dauźu, aonaa kizi ukaboota-kao patakaźutin-kizai iti. Patakaźutin-kidaźo niźoraz pidannao ataźazoźo niźi naa ukaawan. 10 Ćiribannao, udiźitapa prophetnao paradauzoz daźi Naobanai uu idaźan, aonaa Ä©kashadinan pabaiatinan puźu. 11 Wadakotan Ä©dyaun konaukiaźo nii, Ä©tuudan idi pabaiatinan. Uabatanii shaźatii naźapam Job dauźan aonaa ukashadinan, naźiki waaitapa naźapam Tominkaru shaźapatanuz kaiman kidaźo aimaakan uźati utokonoźiaźa naa. Ushaźapanum kauźan, Tominkaru ukaduz ukamarainapanun naźiki uruu kamunanbaźo. 12 Mazan unyukunuitapa paźi diźoraz manawun Ƶiribannao, uaipan an uparadan mishida-kao, utaan dono uparadan, aonaa udakotaźanaźa aokazi oo imiźi baara oo shaźapaźoram aimaakan uu karikaonan, umaźozakada-kinaa nii uparadanuz. Mazan ukian dono “Oo,” mishiźo wuruźu “Oo” ukianuz. Aizii ukian dono “Aonaa,” mishiźo wuruźu “Aonaa” ukianuz. Uruu aonaźo nii ukaboota-kao patakaźutin-kizai iti, wuru dikin iaźa uźoiinuz uparadan idaźanaźoraz. 13 Ukainaźan dono pidan unao biiźi baiataźo kashaźora kidaźo aimaakan, marii utoriinpan. Ukainaźan dono baźoran konaukiaźo, marii ukunuitan Tominkaru ati. 14 Ukainaźan dono baźoran karinaźo, marii udapada-kidan choochi zowaunaanao, naźiki marii Ä©toriinpan uźati naźiki Ä©zichian uruu olive kiwin idi Naobanai uu idaźan. 15 Wuruźu toriinapa-karu mishida-karu idaźanaźoraz kakudan nii wuruźu karinaźoraz pidan; Naobanai taan nii ukakuda-kinaa nii koshan, naźiki ukainaźan dono oiaźo kida ushaźapatanii, soźota-kao nii uźai. 16 Ukauźan, ukowaada uźoian kida uźatiaaka naźiki utoriinapa-kidaaka Tominkaru ati, ukakuda-kinaa nii unao. Pidan shaźapatinaźo Tominkaru aipan kawanaźati, utoriinpan idaźan mishiźo nii umanawunuźo aimaakan shaźapan utoriinpan kawanaźati. 17 Elijah, uruu naźapaźo waunao kawan. Utoriinpan aonaa kizi wunu kaawan uruu amazada ii. Uruu idi mishi aonaa wunu kaawan idikinaudaźu wunu naźiki 6 kauzu powaźa. 18 Uruu daunaźan utoriinpan koshan, uruu idi wunu kaawan naa, uzabian amazada naźiki paoribai sodan kidaźa naa. 19 Ćiribannao, baudaźapaźo unao makon dono panaźiti mishiźo kuwai ai, naźiki baźoran kiwa-kidan uruu powaźa ati mishiźo kuwai idaźati, 20 marii uaitapan wuruźu: kanom kaawa-kidan dono pidan powaźa ati upozawatapa-kizi iki, ushaźapaapan ai oiaźo, ukazannaata-kidan uruu karikaonanuźoraz mawaka-karu ai, naźiki usoźota-kidan wuruźu iribaźoraz uźoian kida uźai kapam.