LUKE 2

WBT

‹ Chapter 1 LUKE — All Chapters Chapter 3 ›

1 Uruu dono kaina�a tuubaru�o king, Caesar Augustus kia�o udakotapa-kao. Ukazowautapan idi ipai amazada atii amazada tokon iti, udyuuda-kidan paparadan ipai pidannao ati, ipai amazada kawana�ati. Uaipan ipai daunuuda�u pidannao saada-kidan pa�uu padokozu-daunnao shakata-kizi ii pa�idiwaru. Uruu zi�o pidannao uu saadapauzo-kao na�apa. Uruu dono, Quirinius kazowautapa�o ipai wiizainao Syria ii. Uruu dono ipai pidannao makon padokozu-daunnao shakata-kizi iti kida, king paradan kawana�ati. 4 Aizii Joseph, mashaapan idi Nazareth ii, sariapa umakon Bethlehem iti, Judea Baara ia�oraz. Na�ia�o King David shakatauzon kotua�a naa. Aizii wuru�u King Davidiz, uruu kotua�o Joseph dokozu-daunu�u naa manawun. Uruu shakata-kizi iti�o wuru�u Joseph na�iki Mary saada-kida�ananuz pa�uu, oroo upishaaniaz pamin-mazidan nii. Na�apain pidannao uu saadapa�azoo-kao dono, kaudani�ora�a naa Mary patoba ii. 6 Aizii Joseph na�iki Mary kaawan dono Bethlehem iti, ipai kabaun nazoo sookapa-kizai paidan. Uruu idi ĩsookapa-kida-kao tapi�izanao dapu nazo ii. Uruu dauna�an Mary kaziwapan naa, atii okaudanipan na�ii, tapi�izanao dapu nazo ii. Uruu baukapan zii Mary kaudanipan, daonaiora odani nii. Okaudanipan dauna�an osaabaan naa paudani sodi na�iki obazobatanuzu kamicha idi. Udauna�an opaidanuzu tapi�izanao wanyukunuu kinnaa zo�iti. 8 Kaina�a pidannao taapauzonao kaznizonao. Uruu dono ĩna�ian baara ii aiwaka�an, ĩawunuutapan pa�uzanao ĩsha�apata-kao ai. 9 Ĩawunuutapan pu�u pa�uzanao, masha�apakiaka angel Tominkaru di�iki�o kaawan ĩ�ida�ati. Ipai Tominkaru umanawunun kanada�akan amazada ĩdazaba an kida�o, kanada, kanada kamoo ai. Uruu idi tuukii ĩtarian. 10 Mazan angel kian ĩ�ati, “Mana�a utaria�ana�a. �wa�atin da�ati�i, õkakuwaapa�anan idi u�ati. Aizii õkowaadan nii u�ati kaimana�o kuwai, na�iki ipai pidannao konaukii-kinaa ni�o. 11 Aizii kai, kaina�a koraidaonaa shakatan Bethlehem ii, kotua�oraz King, David kia�oraz u�uu shakatauzo-kizi ii. Wuru�u koraidaonaa shakata�oraz, uru�u naa Christ, tuubaru�o manawun Naobanai, Tominkaru kowaadauzoniaz padyuuda�azon kazannaata�o nii ipai pidannao. 12 Kaikapa�o nii uaitapan wuru�u koraidaonaaz. Aizii umakon dono na�iti, utukapan nii koraidaonaa bazobatapa-kao kamicha idi, na�iki uwashatapa-kao nii tapi�izanao wanyukunuu kinnaa zo�ii. Uruu ida�ana�o nii uaitapanuzu,” ukian ĩ�ati. 13 Upu�a�a naa mazan ĩtukapa�akan ba�oran angelnao, aonaa masakauda�u mani, ĩkaawa�akan pairiban ida�ati. Ĩabatan angelnao konaukii-kidan Tominkaru pakunuipan ida�an. Kaikapa�o wuru�u ĩabatanuz ĩkunuipan: 14 “Oo Tominkaru aokazi ia�o, umanawunu�o manawun. Kaimana�o nii manawun mashaapa-karu da�a�a imi�i baara�a, ipai pidannao ati, Tominkaru naudapaniinaouz." 15 Udauna�an angelnao mako�okan naa powaa iti, aokazi iti. Aizii ĩmakon dauna�an, uru�u naa wuru�u uzai taapikinao kian pa�atiaaka kida, “Aushaa wamako Bethlehem iti, watukapanaka kizi kaiwuru�u Tominkaru kowaada-kidaniaz wa�ati." 16 Uruu dauna�an ĩmako�okan naa na�iti kadimana�o ida�an. Ĩkaawan na�iti, ĩtukapa Mary, Joseph, na�iki wuru�u koraidaonaaz, uwashatapa-kao tapi�izanao wanyukunuu kinnaa zo�ii. 17 Patukapan idi koraidaonaa, uru�u naa ĩkakuwaapan pidannao ati, na�iki ipai ĩkowaadan wuru�u angel kowaadanii kidaz pa�ati koraidaonaa dau�an. 18 Ipai pidannao wuru�u abatainaouz ĩkakuwaapan, tuukii ĩdi�itinpan ĩkuwaa dau�u. 19 Aizii Mary tuukii odi�itapan, na�iki ipai otaan panyukunuu iti wuru�u parada-karu kidaz. 20 Udauna�an uzai taapikinao kiwan naa koshan pataapa-kizi iti pa�uzanao. Mazan ĩkiwan konaukii, tuukii manawun ĩkonaukii-kidan Tominkaru, paabatan idi kaimana�o manawun kuwai angel di�iki, na�iki patukapan idi wuru�u koraidaonaaz paawun idi manawun. Uruu idi pamakopa-kizi an ĩkunuian aonaa masakauda�u mani, ĩkonaukii-kidan Tominkaru patukapan idi ipai aimaakan, na�apa angel kowaadan kawana�ati manawun pa�ati. 21 Aizii bauda�apa sondii Mary kaudanipan dauna�an, uru�u naa odani choota-kao Jewnao kaduz kawana�ati. Na�iki u�uu dakota-kaoa�a naa Jesus kii, na�apa angel kiauzon kawana�ati o�ati okaudanin ua�ia�oraz zii. 22 Aizii bauda�apa kauzu na�iki bauda�apa sondii powa�a Mary kaudanipan dauna�an, uru�u naa omakon Joseph tuma Jerusalem iti Moses kakinaori kawana�ati. Ĩna�aka dya�utam wakokoonao pataan nii na�iki zowii-karu nii Tominkaru ati, pasaabainan pakaudanipan dauna�an tannaa nii, na�apa kakinaorii kawana�ati. Na�apaini�i naa kapam ĩna�akan Jesus na�iti, uruu ĩtaa�anan naaz Tominkaru ati, kakinaorii kawana�ati. Kaikapa�a sha�atii tawuru�u kakinaorii kiauzonuz: “Marii ipai daonaioranao, kiwiin kidainaouz ĩshakatan taa-kao Tominkaru ati." 25 Uruu dono kaina�a tunarunao, Simeon kia�o u�uu, Jerusalem ia�o umashaapan. Uruu kaimana�o pidan, izo�ati�o na�iki mashaapa�o Tominkaru ati. Na�iki kotua�iki�ora�a naa uzaudapan na�iki tuukia�ora�a naa utukapa�azon Tominkaru kazannaatan Israelitenao ĩpataka�uta-kao ai. Karikaonan kapam Tominkaru Doronaa mashaapan utuma. 26 Uruu idi Kaimana�o Doronaa ida�an Tominkaru kowaada-kidan u�ati, uaitapa patukapan nii zii Christ pamawakan ua�ii, wuru�u Tominkaru kowaadauzoniaz padyuuda�azon. 27 Kaimana�o Doronaa aipan ati Simeon morotan Tominkaru Dapu iti. Na�apain kapam Joseph na�iki Mary na�akan Jesus na�iti, uruu ĩtaa�anan naaz Tominkaru ati, kakinaorii dyuudan kawana�ati. 28 Uruu idi na�ia�a naa Simeon dokobatan Jesus, na�iki tuukii ukonaukii-kidan Tominkaru. 29 Ukian. “�naobanaa, aizii õgaru pupoitoru mawakan nii konaukii, usha�apanum kau�an aizii puparadan mishiinan, 30 õtukapa mishi aizii õawun idi wuru�u kazannaatin-kinai ni�oraz, 31 pudyuudaniaz na�iki puaipaniaz ipai pidannao aitapan. 32 Uruu ida�ana�o nii pupidanannao Israelitenao konaukii-kida-kao. Na�iki uruu kanada�o, tukapa-kida�o nii mishi�o parada-karu ipai ba�oran kaduz pidannao ati, wuru�u Gentilenao kii-kizaiz." 33 Tuukii Mary na�iki Joseph di�itinpan Simeon paradan idi na�apa, Jesus dau�an. 34 Na�ia�a naa Simeon toriinapa-kidan naa ĩdyaun, udauna�an ukian Mary ati, “Di�oraz koraidaonaa Tominkaru di�iki�o, udyuuda-kao waota-kida�o nii Israelitenao ĩmamishidakan idi, mazan ba�oran Israelitenao ukadishita-kidan nii pa�an pa�ida�ati ĩmishidan idi uruu. Uruu kainaaribai ni�o Tominkaru dyuudan, iriba�o nii pidannao kashadanuz na�iki dakoopanuz. 35 Padakoopan ida�ana�o nii uruu, ĩkainaabainan na�iki ĩaidan pa�oian, wuru�u ĩdizapauzonii kidaz panyukunuu ii. Uruu idi tuukia�o nii pubaiaapan kasha�ora�o na�iki kaziwa�o nii punyukunuu iti, na�apa�o nii punyukunuu dakata-kao kawan marii idi." 36 Uruu dono kaina�a maskonnao, Anna kia�o o�uu. Aizii odaru uu Phanuel, Asher takaan-daun. Na�iki oroo Tominkaru prophetiniaba. 7 wunu zii ĩmazidan dauna�an odaiaru mawakan. 37 Aizii uruu dono, 84 owunun. Na�iki aonaa na�apainim oaonauzon Tominkaru Dapu ai. Ipai kamoo na�iki ipai maruta�o otoriinpauzon Tominkaru ati, na�iki osanadinpan patoriinpan dono Tominkaru ati. 38 Aizii omorotan naa koshan Tominkaru Dapu iti, okaawan na�iti Jesus kaawa-kida-kao kawana�ati manawun. Uruu idi tuukii okonaukii-kidan Tominkaru. Udauna�an okowaadan naa koraidaonaa dau�an ipai pidannao ati, wuru�u Jerusalem sannaouz, zaudapainaouznaa pakazannaata-kao. 39 Aizii Joseph na�iki Mary ipaian naa pasha�apaapan ipai wuru�u Tominkaru kakinaori kawana�ati�oraz usha�apata-kao. Uruu dauna�an ĩkiwan naa Nazareth iti, Galilee Baara ia�oraz. 40 Na�ia�a naa Jesus dyaupain, utominan ma�ozaka na�iki aitapina�o manawun pidan nii. Na�iki powa�a zii Tominkaru kaimanan u�ati. 41 Ipai wunu Joseph na�iki Mary makouzon Jerusalem iti, Passover Kamoon dau�ati. 42 Aizii Jesus ikodan dono�o naa 12 wunu, ĩmakon naa koshan Jesus tuma Jerusalem iti, Passover Kamoon dau�ati. 43 Ĩna�ian atii ĩipaian wuru�u pasha�apaapaniaz. Aizii paipaian dauna�an pasha�apainpan, pidannao kiwan naa ipai daunuuda�u pawiizi iti kida. Aizii Joseph na�iki Mary ĩkiwan naa kapam. Aizii Jesus, una�ian naa uwa�akinan Jerusalem ii. Mazan aonaa Joseph na�iki Mary aitapan wuru�u uwa�akinanuz na�ii. 44 Ĩ�itiiman kaina�a�a naa uwa�atin pairibannao bii�i. Uruu idi ĩmakon naa atii wachuupun, uruu zii ĩsookapan. Aizii pasookapa-kizi ii, uru�u naa ĩdorotan Jesus pidannao bii an, 45 mazan aonaa ĩikodanuzu. Sariapa ĩpadantan powaa iti Jerusalem iti. Uruu idi ĩdorotinan naa udau�u na�ii�aka. 46 Atii idikinauda�u kamoo dauna�an zii ĩikodanuzu. Ĩikodan uruu Tominkaru Dapu nazo ii, usakanatapan Jewnao tiichaanao bii�i, uabatapan ĩkadakotinan Tominkaru Paradan dau�u na�iki upishautan ĩdyaun. 47 Tuukii ĩdi�itinpan Jesus dau�u, aonaa na�iam zii ĩikodauzon koraidaonaa aitapa�o manawun uruu kawan na�iki aitapa�o padako�atin parada-karu. 48 Aizii Joseph na�iki Mary tukapan idi Jesus na�ii tuukii ĩdi�itinpan. Sariapa Mary kian u�ati, “�dani, kandii nii pusha�apatan aimaakan wa�ati kaikapa�a? Tuukii wadopian, na�iki tuukii pudorotin-kidan waunao ipai di�ii�aka�a." 49 Sariapa Jesus kian padaro ati, “Kandii nii mooko wuru�u udorotapanuz õgaru di�ii�aka�a? Aonaa mooko uaitapan da�a õgaru�u, õdaru dapu�u?" 50 Mazan aonaa ĩaitapan na�apa�oram ati�o wuru�u una�apanuz. 51 Udauna�an Jesus makon naa ĩtuma Nazareth iti. Na�ia�a naa ipai usha�apatan aimaakan padaronao dyuudan kawana�ati, aonaa udikintapan ĩdyaun. Mazan ipai Mary taapan panyukunuu ii wuru�u aimaakan kida sha�apanuz. 52 Aizii Jesus tominan ma�ozaka�o nii, na�iki aitapaaba�o nii. Uruu idi ipai pidannao marainapanuz na�iki Tominkaru tuukii kapam umarainapanuzu.

‹ Chapter 1 LUKE — All Chapters Chapter 3 ›

LUKE 2

Cite / Share This Page