LUKE 21

WBT

‹ Chapter 20 LUKE — All Chapters Chapter 22 ›

1 Aizii Tominkaru Dapu nazo ii, Jesus awunuutapan, kapuraatan kidainao pidannao taan puraata taa-karu nii Tominkaru ati. 2 Na�iki utukapa kapam zun mapuraatanu�o, na�iki mawakaiba�a naa odaiaru, taan na�iki opaidan dya�utam wizi�i sodi kidainao puraata. 3 Sariapa Jesus kian pidannao ati, “�kowaadan nii unao ati, di�oraz zuna�a, dobata otaan puraata ba�orainao ai. 4 Usha�apanum kau�an ba�orainao taaniaz papuraatan, kaina�a diri�i�o zii ukawa�akun. Mazan aizii oroo kowas, pamapuraatanun pu�u, otaan kaiman-daun papuraatan pamashaapa-kinaa sodi�i naa." 5 Pabi�i kida Jesus tominapa-kidaniinao, kadakotin-kidan konaunam patukapan Tominkaru Dapu toma-kao. Utoma-kao umanawun kida�o na�iki konaunam kida�o kuba idi. Na�iki kaina�a kapam konaunam kida�o aimaakan pidannao taanii kida Tominkaru ati, udapu konaunamada-kinao nii. Jesus kian ĩ�ati. 6 “Ipai wuru�u konaunam kida�oraz aimaakan utukapan da�a�a. Mazan kaina�a�o nii bauda�apa kamoo, kaiman-daunu�o nii ukaboobi�ii-kao, ipai wuru�u kuba kidaz kadishitapa kida�oraz kabaun." 7 Sariapa Jesus tominapa-kidaniinao kian, “Tiichaa, na�apainim nii wuru�u aimaakan sha�apanuz kaikapa�a? Kanom ida�ana�o nii waaitapan wuru�u amazada sha�apanuz naa na�apa?” ĩkian. 8 Jesus kian ĩ�ati, “Uzaudinapa pa�i aonaa kizi umariida-kao. Kaina�a iriba pidannao dakotinpan õgaru nii. Ĩwa�atin nii unao ida�ati na�iki ĩkian nii, ‘�garu Christ, tawuru�u Tominkaru kowaadauzoniaz padyuuda�azon kazannaata�o nii papidanannao.’ Ba�orainao kian nii unao ati. ‘Aizii amazada ikodan naa patokon.’ Mazan aonaa pa�i umako�ona�a ĩdawu�ati. 9 Na�iki aonaa pa�i utariidina�ana�a uabatan dono wiizainao mizaataakapan ba�oran wiizai kida tuma, na�iki uabatan dono pidannao kashadaakapan, ĩto�orataakapan atii ĩzowiaakapan pa�atiaaka kida. Usha�apanum kau�an ipai�o nii zii na�apa kida�o sha�apan kiwiin. Mazan aonaa kadimana�o nii mani wuru�u amazada ikodanuzu patokon uruu dauna�an." 10 Udauna�an ukian ĩ�ati, “Kaina�a�o nii zii pidannao mizaataakapan ba�oran wiizai ii kida�o pidannao tuma. 11 Na�iki kaina�a�o nii zii kichana�iki-kia�o imi�i baara nakainan, na�iki imi�i baara tada�okan nii. Na�iki kaina�a�o nii zii zamazi kaawan, na�iki kaina�a�o nii zii pabi�inaaka kida�o, kichana�iki-kia�o na�iki zaamainba�o rinai kaawan. Na�iki kaina�a�o nii zii utukapan aimaakan kichana�iki-kia�o aidinan aokazi iki. 12 “Mazan ipai wuru�u aimaakan kida sha�apan ua�ii kaikapa�a, uzaamata-kao nii na�iki uantamikita-kao nii unaobanaitapan dikin ii õgaru. Panaadon pabi�i kida unao na�aka-kao nii synagogue iti kida, utiwaa-kidapa-kao nii, na�iki ukaboota-kao nii taraa-kizai iti. Na�iki pabi�i kida unao kadishita-kida-kao nii oo utiwaa-kidapa-kao nii tuubaru kidainao naobanainao kanaapu�u. Ipai�o nii ubaiaapan dikauda kida�o aimaakan na�apa õgaru dikin ii. 13 “Uruu dono turua�o nii ukowaadan Kaimana�o Kuwai õdau�ana�o. 14 Ukau�an uaitapa kizi�i naa pa�i, diina�iti�i upishaa-kao an, aonaa kizi udopiidinan uaitapa�azon idi na�apam nii udako�atin pidannao paradan. 15 Usha�apanum kau�an õtaan nii uaitapa-kinaa nii uparadan, uaitapa kizi na�apam nii udako�atin ĩparadan ĩpishaan dono unao. Uruu ida�ana�o nii ĩkaakinpan, aona�o nii ĩaitapan na�apam nii powa�a pakian u�ati. 16 “Uruu dono udarunao na�iki udaronao, na�iki u�inawuzunao na�iki ba�oran uiribannao, na�iki upaonarunao zaamata-kidan nii unao, atii pabi�i kida unao ĩzowii-kidan nii. 17 Na�iki ipai�o nii pidannao to�ora-kizaitapan unao õgaru dikin ii. 18 Mazan aona�o nii bauda�apa uwaziwaan uzowaud. 19 Ukau�an ma�ozaka utaapa unyukunuu. Aonaa utaria�ana�a usha�apata-kao ai. Uruu ida�an mishi�o nii pa�an ukakupan diina�iti�i. 20 “Aizii na�apainim pa�i utukapan ana�a naa soldyaanao koraratan Jerusalem. Uruu ida�an sariaapa�o nii uaitapan Jerusalem kaboobi�ii-kao kamoon kaawan naa wuru�u. 21 Marii kizi pa�i pidannao kawiizi-tinpainao Judea Baara ii aka kidoopan midukuo iti. Aizii pidannao wuru�u mashaapainaouz donoi ii, marii pa�i ĩkidoopan. Aizii wunaou�u mashaapainaouz donoi dawun itinapu kida, aonaa pa�i ĩwa�ati�ina�a donoi ati. 22 Usha�apanum kau�an Jerusalem sannao pataka�uta-kao kamoon naa wuru�u kaawa�oraz. Uruu idi Tominkaru paradan tawuru�u saada-kariwaiz kotua�a naa mishiinan naa wuru�u. 23 Uruu dono kasha�ora�o nii manawun aimaakan sha�apan zunnao ati wuru�u kaudaniinaouz patoba ii. Na�iki wunao ati�i biidapainaouz zii ĩdainao. Na�iki uruu kamoo dono kasha�ora�o nii aimaakan baiaapa-kao di�ora�a amazada baara�a�a. Uruu dono�o ni�i naa Tominkaru pataka�utan wuru�u pidannaouz. 24 Pabi�i kida pidannao zowii-kao nii mizaataaka-kinai marii idi. Ba�orainao zaamata-kao nii, na�iki ĩna�aka-kao nii poitoruinao nii ba�oran wiizai kida kawana�ati, na�iki ĩkaudinan nii dadara, mawinipinaa-daun. Uruu dono Gentilenaou�o ni�i naa kazowautapa na�iki waranuitapa Jerusalem sannao. Ĩkazowautapan nii ĩdyaun atii Tominkaru aipan kawana�ati na�apam ukotua�ikin ĩkazowautapan na�ii. 25 “Kaina�a�o nii zii pana�a�o na�iki kichana�iki-kia�o aimaakan tukapa-kao, aona�o utukapauzo-kao usha�apauzon kamoo ati, kauzu ati na�iki wizinao ati. Ipai pidannao mashaapainaouz imi�i baara an, tuukia�o nii ĩtarian ĩabatan dono kichana�iki-kia�o wunu paran tururuinan, na�iki ĩtukapan nii udaru kida�o wunu paran tominan. 26 Tuukia�o nii ĩtarian, pidannao dorauta�o nii patarian idi, usha�apanum kau�an ĩaitapa kaina�a�o nii zii kichana�iki-kii kida�o manawun aimaakan sha�apan da�ana�a imi�i baara an. Na�iki ipai�o nii amazada nakainan doko ii, uruu idi ipai�o nii aimaakan wuru�u doko ii kida�oraz zikadinan. 27 Uruu dauna�an Daonaiora Aokazi Iki�o aidina�akan ni�i naa, uwa�atin aokazi iki isha�iz bii an, umanawunu�o pama�ozakan na�iki umanawunu�o pakonaunaman tuma. 28 Aizii utukapan ana�a naa na�apa kida�o aimaakan sha�apan, aonaa utaria�ana�a, mishi�oraiman ukadishitapa ma�ozaka, na�iki doko iti uawunuutapa. Usha�apanum kau�an ukazannaata-kao kamoon maonapatan naa wuru�u." 29 Udauna�an Jesus kowaadan naa ĩ�ati di�itinapa-kinai kuwai. Kaikapa�o wuru�u ukianuz ĩ�ati: “Aushaa udi�itapa fig kadunaa kida na�iki ba�oran atamun kadunaa kida. 30 Na�apainim utukapan an ukaanaban oo uanaba kida pa�inaadinan, sariapa uaitapan uruu ida�an wawunu donon maonapatan naa wuru�u. 31 Ukau�an na�apa�o nii kapam uaitapan wuru�u Tominkaru Naobanai-tinan kamoon maonapatanuz, utukapan ana�a naa wuru�u aimaakan kida sha�apanuz kaikapa�a. 32 �kowaadan nii u�ati aimaakan mishi�o, ipai�o nii aimaakan kida sha�apan na�apa, kai�o pidannao mawakan ua�ii ipai. 33 Mishi mainaabatina�o nii ipai daunuuda�u aokazi na�iki imi�i baara, mazan wuru�u õparadan kidaz aona�o nii na�apainim umainaabatinan. 34 “Uruu idi zaudinpa�a naa umashaapa. Aonaa umashaapa�ana�a utomapan dau�u karikaonan aroapa-karu na�iki tuzapa-karu. Na�iki aonaa udi�itinpa�ana�a soo usha�apaapa�azon dau�ati karikaonan aimaakan u�ati. Panaadon upadaida�anata-kao, na�apa basakara zaamatan kawan kotu�uz. 35 Usha�apanum kau�an wuru�u aimaakan sha�apa�o ni�oraz sha�apan nii ipai amazada kawana�ati. 36 Uruu idi uzaudinpa�a naa umashaapa. Na�iki karikaonan pa�i utoriinapa Tominkaru ati, ma�ozaka kizi utaapan unyukunuu, utukapan dono�o naa aimaakan kida wuru�u sha�apa�o ni�oraz ubii an, na�iki ma�ozaka kizi kapam unyukunuu ukadishita-kida-kao dono diina�iti�i, Daonaiora Aokazi Iki�o kanaapu�u." 37 Uruu kia�o wuru�u Jesus tominapa-kidauzonuz pidannao ipai kamoo, Tominkaru Dapu ii. Na�iki ipai chaapi�iki pidannao makouzon da�i Tominkaru Dapu iti, uruu ĩabata�anan naa Jesus kakuwaapatinan. Aizii Jesus, ipai wachuupun da�i umakouzon Olive Naawa iti, na�iki una�ian nii bauda�apa maruta�o.

‹ Chapter 20 LUKE — All Chapters Chapter 22 ›

LUKE 21

Cite / Share This Page