MATTHEW 10

WBT

‹ Chapter 9 MATTHEW — All Chapters Chapter 11 ›

1 Jesus dapadan 12 patominapa-kidaniinao baokopa pa�ida�ati, na�iki utaan ma�ozaka-karu ĩ�ati ĩwaata-kinaa nii oia�o doronai kida pidannao ai, na�iki ĩkakuda kizi pidannao karinaapainao ipai pabi�inaaka kida�o rinai ai. 2 Di�i ĩ�uu kida�a 12 pidannao Jesus zaamatan apostlenao nii: kiwiin Simon, dakotapa-kariwaiz Peter kii, na�iki u�inawuzu Andrew; James na�iki u�inawuzu John, ĩnao Zebedee dainao; 3 Philip na�iki Bartholomew; Thomas na�iki Matthew, Matthew uruu zaamaapauzoz da�i tax puraatannaa; James, Alphaeus dani, na�iki Thaddaeus; 4 Simon, uruu Patriot; na�iki Judas Iscariot, kaakapa�oraz Jesus. 5 Aizii Jesus dyuudan naa 12 pazaamataniinao apostlenao nii. Ukakinaowa�akan ĩdyaun, ukian, “Aonaa umako�ona�a Gentilenao di�iti, na�iki Samaria Baara sannao, mashaapa-kizi kida donoi di�iti. 6 Mazan umako pa�an õpidanannao Israelitenao di�iti, waziwadinainaouz kaznizo kawan. 7 Umako ukakuwaapa�an ukowaada kizi maonapa�a naa Tominkaru naobanai-tinan. 8 Ukakuda karinainao, ukadishita-kida mawakainao powaa iti. Ukakuda baiatinainao kichana�iki-kia�o bishoi idi, na�iki uwaata oia�o doronainao pidannao ai. �taanii ma�ozaka-kinai u�ati mawinipinaa-daun, ukau�an usha�apata�a naazu mawinipinaa-daun. 9 “Umakon dono, aonaa una�akapa�ana�a upuraatan umashaapa-kinaa nii; 10 mana�a una�aka�ana�a umako-kizi iti usaakon oo ba�oran ukamichan oo ba�oran udazkidi oo uwadookori nii. Usha�apanum kau�an pidan kaudina�o, taa-kao nii u�ati aimaakan uwinipinii. 11 Ukaawan dono na�ia�oram donoi oo wiizai di�iti, udawata pidan na�ii. Na�ia�oram dapaapan an unao, umashaapa ĩdapu ii atii udobatan na�iki. 12 Umorowautan dono pidannao dapu iti, ukii ĩ�ati, ‘Marii kaiman-karu Tominkaru di�iki�o na�an utuma.’ 13 Ĩdapaapan dono unao kaiman, marii kaimana�oraz uparadan na�ian ĩtuma. Mazan ĩmadapaapakan an unao kaiman, ukiwa-kida powaa iti wuru�u kaimana�oraz uparadan. 14 Aizii ĩmadapaapakan dono unao kaiman, oo aonaa ĩabata�azon ukuwaa, udobata na�iki uparauda�aka imi�i ukidiba di�iki ĩawunuutapan pu�u." 15 Jesus kian, “�kowaada�azon mishi�o aimaakan u�ati. Tominkaru kootowapa-kidan dono�o naa pidannao, Tominkaru pataka�utan nii na�iainao pidannao donoi ii, powa�a zii wunao aia�a Sodom na�iki Gomorrah sannaouz." 16 Jesus kian koshan, “Uabata, õdyuudan unao na�apa kaznizonao dyuuda-kao kawan baudokorunao bii iti. Ukau�an uaitapin na�apa kowazaz kawan, mazan umashaapa kaiman pidannao tuma orid kawan. 17 Uzaudinpa�a naa pa�i, usha�apanum kau�an pidannao zaamatan nii unao na�iki ĩna�akan nii unao kootowapa-kizai iti, na�iki ĩba�izian nii unao synagogue ii kida. 18 Na�iki ĩna�akan nii unao kazowautapainao wiizai kanaapu ati na�iki kingnao kanaapu ati õgaru dikin ii. Na�apa�o ida�ana�o nii ukowaadan ĩ�ati, na�iki ba�oran pidannao ati, Kaimana�o Kuwai õdau�ana�o. 19 Aizii uzaamata-kao dono na�iki utiwaa-kidapa-kao dono kootowapa-kizi ii, mana�a udopia�ana�a udawatan dau�u na�apam nii ukian. Taa-karu nii u�ati uaitapa-kinaa nii na�apam nii ukian. 20 Ukau�an uparadan an na�apain, aonaa unaou�o ni�i naa mani parada, mazan uDaru Tominkaru Dorona�o nii parada unao ida�an. 21 “Uruu dono pidannao zowii-kidan nii pa�inawuzunao, na�iki daruinao na�apa�o nii ĩzowii-kidan paudainao. Daniinao kashadapan nii padarunao na�iki pudaronao, na�iki ĩzowii-kidan nii ĩdyaun. 22 Ipai pidannao to�ora-kizaitapan nii unao õdikin ii. Mazan kanom tuuda�o ipai wuru kida�a atii utokon iti, kazannaata-karu nii uruu. 23 Upataka�uta-kao dono umishidapan dau�an õgaru bauda�apa�o wiizai di�ii, ukidoapa ba�oran wiizai di�iti. �kian mishi�o manawun u�ati, aona�o nii zii ukaudin-kizi ipain Israel an kida�o wiizai an, Daonaiora Aokazi Iki�o kaawan ua�ii powaa ati. 24 “Aonaa tominpa�o pidan umanawunun patiichaan ai, na�iki aonaa poitorui umanawunun panaobanaa ai. 25 Ukau�an turua�o wuru�u tominpa�o pidan tominapanuz patiichaan kawan, na�iki poitorui na�apa panaobanaa kawan. Kadapu�o dakota-kao an Beelzebul kii, aitaniiman udapu ainao pidannao powa�a�o nii zii ĩdakoapa-kao. 26 “Ukau�an aonaa utaria�ana�a pidannao ai. Ipai dizapa-kariwai, aida-kida-kao niizu, na�iki ipai taapa-kariwai kida mashaa, ipai�o nii uaitapa-kida-kao. 27 Wuru�u aimaakan õkowaadaniaz unao ati karikaonan, ukowaada�a naa pa�iz ipai pidannao ati. Kanom aimaakan mashauda�u�o õkowaadan u�ati, ukowaada�a naa pa�iz diiwa�o ida�an pidannao abata kiziz. 28 Mana�a utaria�ana�a wunao aia�a zowia�oraz pidan, mazan udoronaa, aonaa ĩka�iitan pazowian pa�an. Mishi�oraiman utarii pa�an Tominkaru ai, ka�iita�oraz pakabootan pidan na�iki udoronaa Tuubaru�o Tikazi wu�iti. 29 Aonaa mooko dya�utama�o parikowarunao toriauzo-kao masakauda�u sodi�o puraata ida�an karikaonan, mazan upu�u aona�o nii bauda�apa udaru Tominkaru kashaapan ĩwaotan imi�i baara ati. 30 Na�iki Tominkaru aitapanii ipai na�apauda�u�oran uzowaud kida uzowau ida�a. 31 Ukau�an aonaa utaria�ana�a, usha�apanum kau�an powa�a�o zii umarainapa-kao iriba�o parikowarunao ai. 32 “Na�ia�oram pidan kowaada�o õpidanan paugaru ipai pidannao kanaapu�u, na�apa�o nii kapam õkowaadan õpidanan uruu, õdaru aokazi ia�o kanaapu�u. 33 Mazan na�ia�oram pidan kowaada�o pamarina�atan õgaru ipai pidannao kanaapu�u, na�apa�o nii kapam õmarina�atan uruu õdaru aokazi ia�o kanaapu�u. 34 “Aonaa uzauda-kida�ana�a õkaimanaaka-kida�anan mani pidannao pa�atiaaka wuru�u õwa�atinuz da�ati�i imi�i baara ati. �wa�atin aonaa õkaimanaaka-kida�anan mani pidannao, mazan õmizaataaka-kida�anan ĩdyaun pa�atiaaka. 35 �wa�atin õpana�ada�anan daonaiora nyukunuu padaru ai, zun padaro ai, dinizoi paimauzo ai. 36 Puiribannaou�o nii manawun wuru�u putarubanao ni�oraz. 37 Na�ia�oram pidan marainpa�o padaru oo padaro powa�a zii pamarainpan ai õgaru, aonaa turuu na�apa�o pidan da�anan õgaru. Na�ia�oram pidan marainpa�o paudani powa�a zii pamarainpan ai õgaru, aonaa turuu na�apa�o pidan da�anan õgaru. 38 Na�ia�oram pidan aona�o una�aka�azon pacrossannaa, aonaa turuu na�apa�o pidan da�anan oo ukaudinan õtuma. 39 Na�ia�oram pidan aipa�o pakakupan pa�ida�a, waziwa�o nii karikaonanu�oraz kakupa-karu pa�ai. Mazan kanom marina�ata�o pamashaapauzon kaduz pamishidan dikin ii õgaru, uikodan nii karikaonanu�oraz kakupa-karu. 40 “Na�ia�oram pidan kaimana�o udapaapan unao, kaimana�o udapaapan õgaru kapam wuru�u; na�iki na�ia�oram pidan kaimana�o udapaapan õgaru, kaimana�o udapaapan wuru�u dyuuda�oraz õgaru kapam. 41 Na�ia�oram pidan dapaapa�o prophet, uaitapan idi Tominkaru prophetin uruu, taa-kao nii uwinipa nii na�apa prophet kawan. Na�iki na�ia�oram pidan kaimana�o udapaapan kaimana�o pidan, ukaimanan idi, na�apa�o nii uwinipa nii taa-kao kaimana�o pidan kawan. 42 Na�iki na�ia�oram pidan taa�o wunu bauda�apa�o õpidanan tuzan nii, aonaan pu�u padamata umanawunun, mazan õpidanan uruu, mishi�o nii ukawinipinaata-kao na�apa�o dikin ii."

‹ Chapter 9 MATTHEW — All Chapters Chapter 11 ›

MATTHEW 10

Cite / Share This Page