MATTHEW 23

WBT

‹ Chapter 22 MATTHEW — All Chapters Chapter 24 ›

1 Udauna�an Jesus paradan pidannao ati baokopa patominapa-kidaniinao tuma. 2 Ukian “Wuru�u tiichaapauzonao Moses kakinaori dau�u na�iki Phariseenao kakinaopan Tominkaru taanii Moses ati�o kakinaorii di�iki�o. 3 Ukau�an uizo�ati na�iki usha�apata ĩkowaadapanii kida kawana�ati, mazan aonaa utamakapa�ana�a ĩkaduz kida. Usha�apanum kau�an aonaa ĩsha�apatinan pakowaadanii kakinaorii kida kawana�ati. 4 Ĩdobatadan powa�a zii kakinaorii kida, aona�a naa pidannao ka�iitan pasha�apatinan ukawana�ati, mazan upu�u aonaa ĩkaminka�utan ĩdyaun, aonaa masakauda�u. 5 Ipai aimaakan ĩsha�apatanii kida, soo ĩaipan pidannao tukapan, na�iki ĩaipan pa�atadapa-kao. Na�iki udaru kida�a naa ĩtoman saada-kariwai Tominkaru Paradan mashaapa-kizi kida, ĩkaiwadauzonii kidaz patawu�u na�iki paanoba kida ida�a. Ĩkamichan ziishinaa kida, dawuu ĩtoman kida kapam. 6 Kaiman ĩ�ati pataapa-kao udaru�o pidan nii aroapa-kizai ii aka, na�iki ĩnaudapa pasakanatan umanawunu�o tabai ida�a synagogue kida di�ii. 7 Kaiman ĩ�ati pataapa-kao umanawunu�o nii market ii pidannao iriba-kizi ii aka. Na�iki ĩnaudapa padakotapa-kao Tiichaa kii. 8 “Aizii unao, aonaa udakota-kidina�ana�a Tiichaa nii, usha�apanum kau�an kaina�a bauda�apa utiichaan, ipai unao na�apa kida�o pa�an uiribannao tuma. 9 Aonaa udakota�ana�a pidan da�a�a imi�i baara�a�o ‘wadaru’ kii, usha�apanum kau�an kaina�a bauda�apa udaru, uruu aokazi ia�oraz pa�an. 10 Aonaa utaapada�ana�a udakota-kao naobanai nii, usha�apanum kau�an kaina�a bauda�apa unaobanaa, uruu Christ. 11 Kanom manawun-tina�o pakazowautapan ida�an unao, marii ukaudinan unao ati. 12 Na�ia�oram pidan umanawun-tinpa�o, waranuita-kao nii uruu. Na�iki na�ia�oram pidan waranuitapa-kidina�o, Tominkaru toman nii uruu umanawunu�o pidan nii." 13 “Kasha�ora�o nii manawun ubaiaapan, unao tiichaapauzonao Moses kakinaori dau�u, na�iki unao Phariseenao, taapinpainao kaimanainao nii kaikini�i. Uawautapan pidannao morota�azon Tominkaru naobanai-tinapa-kizi iti. Mazan unao, na�apa, aonaa umorotan na�iti, na�iki aonaa utaapadan pidannao morotan, tiwautinainaouz padamata pamorotan na�iti. 14 [Kasha�ora�o nii ubaiaapan, unao tiichaapauzonao Moses kakinaori dau�u, na�iki unao Phariseenao, taapinpainao karikaonan kaimana�o nii. Ukashadapan zunnao mawaka�o ĩdaiarunao, na�iki ukazatan ĩdapu na�iki ĩsha�apauz kida. Mazan uaipan idi utaapa-kao kaimanainao nii, uruu idi utoriinpauzon tomunu�iki kida. Una�apan idi powa�a�o nii zii upataka�uta-kao.] 15 “Kasha�ora�o nii ubaiaapan, unao tiichaapauzonao Moses kakinaori dau�u, na�iki unao Phariseenao, taapinpainao kaimanainao nii kaikini�i. Umakon munapo atii utarauka paran uzaamata�azon idi bauda�apa saba�o pidan mishidapa�o nii ukakinaori kida. Udauna�an utominapa-kidan naazu, powa�a zii udikaudan unao ai, kaboota-karu nii tikazi wu�iti. 16 “Kasha�ora�o nii manawun ubaiaapan, unao ishaawunnao, na�akapa�o pidannao. Ukian, ‘Pidan dakota�o Tominkaru Dapu uu paparadan mishida-kinao nii, aona�o nii usha�apan umasha�apatakan anaz, mazan na�ia�oram pidan dakota�o gold, Tominkaru Dapu ia�oraz, paparadan mishida-kinao nii, marii usha�apatan pakowaadaniaz mishi�o pasha�apata�azon.’ 17 Unao maaitapin-ka�o ishaawunnao, kanom powa�a�o zii umanawunun, wuru�u gold, oo Tominkaru Dapu saabaa�oraz gold kaimana�o nii? 18 Unao kian, ‘Na�ia�oram pidan dakota�o altar paparadan mishida-kinao nii, aona�o nii usha�apan umasha�apatakan anaz, mazan na�ia�oram pidan dakota�o taa-kariwai kawaoda-karu nii altar paawa�a paparadan mishida-kinao nii, marii usha�apatan pakowaadaniaz mishi�o pasha�apata�azon.’ 19 Unao ishaawunnao! Kanom powa�a�o umanawunun, taa-kariwai altar paawa�a oo altar, saabaa�oraz taa-kariwaiz kida kaimana�o nii? 20 Ukau�an pidan dakota�o altar paparadan mishida-kinao nii, udakotan altar na�iki ipai upaawa�a�o kapam wuru�u. 21 Aizii pidan dakota�o Tominkaru Dapu papaparadan mishida-kinao nii, udakotan Tominkaru Dapu uu na�iki Tominkaru kapam wuru�u paparadan mishida-kinao nii, Tominkaru mashaapan idi na�ii. 22 Pidan dakota�o aokazi paparadan mishida-kinao nii, udakotan Tominkaru taba na�iki sakanatapa�oraz upaawa�a kapam wuru�u. 23 “Kasha�ora�o nii manawun ubaiaapan, unao tiichaapauzonao Moses kakinaori dau�u, na�iki unao Phariseenao! Unao taapinpainao kaimanainao nii kaikini�i! Utaa 1/10 ipai wanyukunui kaduunuribanaa zi�inaba sodi kida di�iki. Mazan unao, umarina�atan usha�apatan kaiman-karu, kamunan-karu, na�iki mishida-karu. Uruu kida kaimana�o manawun kakinaorii umanyukunuutaniaz. Usha�apatina�oraz mani padamata ipai ukakinaorinaa kida kawana�ati. 24 Unao, u�ishaawunnao na�akapan kawanu�o papidanannao. Mishi unao uzaudinauzonii udyokorautan ai masakauda�u kaniriba�o utuzan ni�o di�iki, upu�u zii mazan aonaa uaitapan udyokorautan udaru�ora�a naa aimaakan kawaro kawanu�o u�udarun. 25 “Kasha�ora�o nii manawun ubaiaapan, unao tiichaapauzonao Moses kakinaori dau�u, na�iki unao Phariseenao, taapinpainao kaimanainao nii kaikini�i. Uchikaan ukoopon na�iki uparaapin, aonaa ukaniriban uaidinpan pabarau iki kida, mazan unazoo kida paida kaniriba�o idi. Na�apa�o unao, upaidadina�o dikauda�o idi, uaipan ida�an uzaamatan ipai aimaakan u�ati�o nii karikaonan. 26 Unao ishaawunnao Phariseenao, uchikaa kiwiitapa ukoopon na�iki uparaapin nazoo kida, uruu idi ubarau kida, aona�o ni�i naa ukaniriban kapam. 27 “Kasha�ora�o nii manawun ubaiaapan, unao tiichaapauzonao Moses kakinaori dau�u, na�iki unao Phariseenao, taapinpainao kaimanainao nii kaikini�i. Na�apa unao mawaka�o kinnaa zichida-kao kawan baraka�o idi. Konaunam uaidinpan, mazan unazoo paida mawaka�o pidannao niwa�uz idi, na�iki kaniriba�o, dyupusha kida�o idi. 28 Na�apa�o kapam pidannao tukapan unao, kaimana�o kawan, mazan unyukunuu ii, oia�o unao, taapinpainao karikaonan kaimana�o nii. 29 “Kasha�ora�o nii manawun ubaiaapan, unao tiichaapauzonao Moses kakinaori dau�u, na�iki unao Phariseenao, taapinpa�azoinao kaimanainao nii kaikini�i. Utoman kaiman kida Tominkaru prophetinnao baaranaa nii, na�iki kaimanainao pidannao baaranaa nii, kaiman ukonaunamadan kidaz. 30 Aizii ukian, ‘Wamashaapan dono mani kotua�a naa wadokozu-daunnao mashaapankan dono, aonaa mani wazowian Tominkaru prophetinnao ĩnao kawan.’ 31 Ukau�an uaipan ati ukainaabainan, unao wuru�u zowii-mikinao takaan-daunnaouz. 32 Ausha�a naa, uipaida�a naa usha�apatan udokozu-daunnao sakadaniaz naa pasha�apatan oii kida�o." 33 Jesus kian koshan ĩ�ati, “Unao kowazaznao oia�o manawun na�iki unao kowazaz dainao. Na�apam nii ukazannaatinan ukaboota-kao ai Tuubaru�o Tikazi wu�iti? 34 Ukau�an õdyuudan nii u�idi�iti prophetnao, aitapaaba�o pidannao na�iki tominapa-kida�o nii pidannao Kaimana�o Kuwai dau�u. Mazan uzowian nii pabi�i kida ĩdyaun utauka-kidan ida�an ĩdyaun cross di�iti. Ba�orainao uba�izian nii synagogue kida di�ii. Na�iki umakon nii uantamikita�anan kidoopainao ba�oran donoi iti kida. 35 Uruu idi unaou�o nii kabaiaapan ipai wunao zanna�a Tominkaru pidanannao zowii-kariwainao kidaz. Abel kaimana�oraz pidan zowii-kao di�iki, atii Zechariah Berechiah dani zowii-kao di�iti. Uruu unao zowianiaz, Tominkaru Dapu na�iki altar, uzai kawaodapa-kizinao sakoda�a. 36 �kowaadan u�ati mishi�o, ipai wuru�u dikauda�o sha�apatauzo-kariwaiz kida, unao kai�oraz pidannaou�o ni�i naa pataka�uta-kao udikin ii ĩwinipinaa nii." 37 Jesus kian, “Oo Jerusalem, Jerusalem. Pu�ida�ainao pidannao zowia�oraz prophetnao na�iki zowia�oraz pabooan ida�an kuba idi dyuuda-kariwai pidannao kakuwaapan pu�idi�iti. Karikaonanu�u da�i padamata õaipan õkazannaatapan pu�ida�ainao pidannao, na�apa kuruku kazannaatapan kawan paudainao pakutuba kida waranu�u. Mazan aonaa putaapadan õkazannaatan ĩdyaun. 38 Putukapa, Tominkaru wa�akan padapu, aona�o nii kanom puzannaa nii. 39 Aizii õkowaadan pu�ati, aona�o nii powa�a putukapan õgaru atii kaina�a�o nii kamoo kaawan, na�apaini�o nii pukian ‘Marii Tominkaru kaimanan di�oraz Naobanai ati�i, kaawa�oraz uaipan kawana�ati.’"

‹ Chapter 22 MATTHEW — All Chapters Chapter 24 ›

MATTHEW 23

Cite / Share This Page