MARK 1

WBT

‹ Chapter 0 MARK — All Chapters Chapter 2 ›

1 Di�i Kaimana�o Kuwai sakadinan Tominkaru Dani Jesus Christ daua�o. 2 Usaadinpan prophet Isaiah kaaritan kawana�ati: “Tominkaru kian, ‘�dyuudan nii kakuwaapa�o nii pu�ua�ati, saabaa�o nii dunapo pu�ati.’ 3 Kaina�a�o nii pidan kadakoinpan diiwa, mapidantaka�o amazada ii aka: ‘Putoma dunapo Naobanai ati, pusaabaa sakitapa uchi�ika kizi nii!’" 4 Mishi John Chikaawunuupauzo aidinan mapidantaka�o amazada ii, karikaonan ukadakotinan chikaawunuin-karu dau�u. “Utanawatina�a naa u�oian ai na�iki uchikaawunuina�a naa. Uruu Tominkaru mainaabatan nii u�oian,” ukian pidannao ati. 5 Iriba pidannao Judea Baara anainao na�iki donoi Jerusalem iki kida�o wa�atin ĩabatapa�anan John kuwaa. Ĩkowaadan pa�oian kida, na�iki John chikaawunuuan ĩdyaun Jordan Wa�o ii. 6 Ukamichan toma-kao camel idi idi�o, kaina�a kapam uzadawu wuzada-kariwai madai, na�iki uwanyukunuu nii manorunao na�iki maaba. 7 Aizii John kian pidannao ati, “Pidan wa�atipa�o õdawu�ati kaina�iki, uruu powa�a�o zii umanawunun õ�ai. Aonaa õturuan õbuzuutan udazkidi zunaa. 8 �chikaawunuuan unao wunu idi, mazan uruu, uchikaawunuuan nii pa�an unao Kaimana�o Doronaa idi." 9 Aonaa utomunu�ikin Jesus kaawan dauna�an Nazareth iki, Galilee Baara ia�oraz wiizai. Na�apain John chikaawunuuan uruu Jordan Wa�o ii. 10 Jesus koditan dauna�an wunu di�iki, sariapa utukapan aokazi da�ata-kao, na�iki Kaimana�o Doronaa wa�atin u�ida�ati orid kawan. 11 Parada-karu kian aokazi iki, “Pugaru mishi õdani õmarainapanii; kaiman manawun õnyukunuu pu�ati." 12 Udauna�an Kaimana�o Doronaa dyuuda�akan naa umakon mapidantaka�o amazada di�iti. 13 Na�ii umashaapan to�ora kida�o aimaakannao bii an 40 kamoo. Na�ii Satan tiwautan patanawatan uruu oia�o di�iti, mazan angelnao kaawan idi u�ida�ati, ĩkaminka�utan naazu. 14 John taraa-kao dauna�an, Jesus makon Galilee Baara iti, ukowaada�anan naa Kaimana�o Kuwai Tominkaru di�iki�o. 15 Ukian pidannao ati, “Aizii kamoo mishiinan kaawa�azon naa, Tominkaru Naobanai-tinan maonapata�a naa. Utanawatina�a naa u�oian ai kida na�iki umishida wuru�u Kaimana�oraz Kuwai." 16 Jesus makopaanan pu�u maonapa Galilee Karishiiz danomata, utukapa dya�utam kopautapauzonao, Simon pa�inawuzu Andrew tuma. Ĩzaamaapan kopau pasairon ida�an karishii baoko iki. 17 Jesus kian ĩ�ati, “Uwa�ati õtuma õtominapa-kida kizi unao uzaamaapan dau�u pidannao." 18 Sariapa ĩwa�aka�akan pasairon kida na�iki ĩda�ana�akan naa uruu. 19 Na�iki�o udobata�akan, sariapa utukapan dya�utam pidannao koshan, James na�iki John, ĩnao Zebedee dainao. Ĩminziiwatan pasairon kida pakanawan zo�o. 20 Sariapa Jesus dapadan ĩdyaun paminauda�unao nii. Uru�u naa ĩwa�aka�akan naa padaru Zebedeez kanawa zo�ii poitoruinao tuma, ĩmako�okan naa Jesus tuma. 21 Uruu dauna�an Jesus kaawan Capernaum iti patominapa-kidaniinao tuma. Na�iki Sookapa-karu Kamoon dono�o naa, Jesus makon synagogue iti. Na�ia�a naa ukakinaopan pidannao. 22 Pidannao abatapainaouz uruu, tuukii ĩdi�itinpan uparadan dau�u, usha�apanum kau�an utominapatin-kidan idi ĩdyaun paaitapan ida�an pa�an, aonaa wunao kawan mani�i tiichaapauzonaouz Moses kakinaori dau�u. 23 Upu�u pidan, oia�o doronai zaamatapanii morotan synagogue nazo iti, sariapa ukadakonaakan. 24 Ukian, “Jesus, Nazareth san, kanom dii pusha�apata�azon watuma? Puwa�atin pumainaabata�azon sha�a waunao? �aitapanii pugaru Tominkaru di�iki�o puwa�atin." 25 Sariapa Jesus mashaatan oia�o doronai, ukian, “Pumashaada na�iki pukodita wuru aia�a pidanaz." 26 Sariapa wuru�u oia�o doronaiz ziiautapanuzu na�iki ukadako�okan diiwa kapam, uruu mazan uso�otina�akan naa u�idi�iki. 27 Uruu dauna�an tuukii manawun pidannao di�itinpan. Na�iki ĩpishautaakan pa�atiaaka kida, “Sha�apa�oram kaduz kakinaori�i naa wuru�u? Pa�ina�ora�a naa kakinaowapa-karu aona�o waabatauzon? Di�ora�a pidan paradinan pama�ozakan ida�an, atii oia�o doronainao izo�ati zii uparadan." 28 Uruu idi kadiman ukaunamanaata-kao ipai wiizainao kawana�ati Galilee Baara ii aka. 29 Jesus ipaian dauna�an pachoochiipan synagogue ii, na�iki ukoditan paminauda�unao tuma. Ĩmakon sariapa Simon na�iki Andrew dapu iti, James na�iki John mako�o kapam ĩtuma. 30 Uruu dono Simon imauzo karina�o, tuukii omada wiichan pakarinaan idi, aonaa turuu okadishitan. Aizii Jesus kaawan pu�u na�iti, sariapa ĩkowaadan okarinaan u�ati. 31 Jesus makon o�idi�iti, sariapa uzaamatanuzo paka�u kadu iki na�iki ukadishita-kidanuzo. Uru�u naa okakuda�akan, udauna�an otaan naa ĩwanyukunuu nii. 32 Uruu wachuupunin, kamoo tipitan dauna�an, pidannao kaawa-kidan Jesus ida�ati, ipai karinainao na�iki oia�o doronainao zaamatapaniinao kida kapam. 33 Ipai na�ii sannao kasaba�ukinan kida kabaun panibazoota an. 34 Uruu dono Jesus kakudan iriba karinainao na�iki iriba ukodita-kidan oia�o doronainao pidannao ai kapam. Aonaa utaapadan oia�o doronainao paradan, usha�apanum kau�an ĩaitapan idi uruu. 35 Ba�oran kamoo wakankanaanin, Jesus koditan kabaun iki. Umakon paba�orantin wiizai iki mapidantaka�o amazada iti, na�ia�a naa utoriinpan. 36 Simon na�iki uminauda�unao, ĩdawatapan naa uruu, 37 atii ĩikodanuzu. Ĩkian u�ati, “Ipai pidannao dawatapan pugaru." 38 Jesus kian ĩ�ati, “Wamako ba�oran wiizai kida di�iti. Na�ii aka�o nii õkakinaopan, usha�apanum kau�an na�apa�o dau�ati�o õwa�atin da�ati�i." 39 Uruu idi Jesus chi�ikapan ipai Galilee Baara an kida�o wiizai kawana�ati, ukakuwaapatinan ipai synagogue kida kawana�ati, na�iki ukodita-kidan ipai oia�o doronainao pidannao ai kida. 40 Pidan kaawan Jesus ida�ati baiatina�o kichana�iki-kia�o bishoi idi. Ukodoru�ukan ukanaapu itinapu, tuukia�o ida�an upishaan, uaipan Jesus kaminka�utan paugaru. Ukian, “Punyukunuu na�apan an, pusaabaa wuru�u õkabishopanuz." 41 Jesus kasha�ora-kida uruu na�iki upishatanuzu paka�u idi, “Oo, na�apa mishi õnyukunuu, õkaminka�utan nii pugaru.” Na�iki ukian, “Pusaabain powaa iti koshan!" 42 Sariapa mishi umada saabaina�akan. 43 Udauna�an Jesus kakinaowa�akan naa uruu, udyuuda�akan naa kapamazu. 44 Upu�u ukian u�ati, “Puabata, aonaa pa�i pukowaada�ana�a pidan ati. Mazan pumako sariapa faadaa di�iti utukapa kizi pusaabaa-kao. Na�apain putaa�a naa uzainao faadaa ati, uzowii kizi�i naa ĩdyaun kawaodapa-kizai paawa ii, Moses kakinaori kawana�ati, na�iki pidannao tukapa kizi mishi kaimana�a naa pusaabaa-kao." 45 Uru�u naa mazan pidan mako�okan naa, na�iki ukakuwaapan ipai amazada kawana�ati na�apam pasaabaa-kao dau�u. Kuwai abata-kao idi�i naa ipai wiizai kida kawana�ati, aona�a naa Jesus ka�iitan pa�aidinan wiizai kida di�iti. Usha�apanum kau�an uaitapanii iriba�o nii manawun pidannao zaudapan paugaru na�ii. Una�iakapan naa umashaapan mapidantaka�o amazada di�ii. Na�iti�i naa pidannao makon u�idi�iti ipai Galilee Baara iki kida.

‹ Chapter 0 MARK — All Chapters Chapter 2 ›

MARK 1

Cite / Share This Page