REVELATION 18

WBT

‹ Chapter 17 REVELATION — All Chapters Chapter 19 ›

1 Kiwiini�o aimaakan kida sha�apan dauna�an, na�a õtukapan ba�oran umanawunu�o angel wa�atin aokazi iki koshan, na�iki ukanadan, kanadapan ipai amazada. 2 Ukian diiwa�o ida�an “Mainaabata-kaoa�a naa, mainaabata-kaoa�a naa wuru�u umanawunu�oraz donoi Babylon. Mazan aizii oia�o doronainao na�iki kotu�uznao, aona�oraz ĩnikauzo-kao mashaapan ni�i naa na�ii. 3 Babylon dakota-kariwaiz zun nii, taan wine ipai pidannao tuzan nii, uruu wuru�u ma�ozaka�oraz wine, okiaapa-kidinanuz madoronaa-daun ĩ�ati. Ipai kingnao imi�i baara ainao sha�apatan oia�o ĩba�orantapan ida�an odau�u. Na�iki ipai selliipauzonao pasha�apauz kida da�a�a imi�i baara�a, ipai ĩkapuraatan-dinan powa�a zii otoriipauzon idi da�i iriba kawinipinaa kida�o aimaakan ĩ�ai." 4 Uruu dauna�an õabatan ba�oran parada-karu aokazi iki�o kian, “Ukodita�a naa o�ai, õpidanannao, mana�a utompa�ana�a oia�o okawan, aonaa kizi Tominkaru pataka�utan unao oroo kawan. 5 O�oian kida kasaba�uka-kao doko�o atii kaawa aokazi iti, aonaa Tominkaru manyukunuutan wuru�u oii kida�oraz osha�apatan. 6 Utaapa�a naa oroo na�apa otaapauzon kawan unao. Utaa�a naa uwinipinaa nii o�ati, powa�a zii manawun upataka�uta oroo, opataka�utauzon ai unao. Upaidada okoopon riwunii idi powa�a�oraz zii uma�ozakan otomanii ai. 7 Marii kizi ubaiaapa-kidan o�ati tuukii kaziwa�o na�iki kasha�ora-karu, wuru wadaun ni�i na�a o�atadapanuz pakasha�apauzin. Okian padau�an, ‘�garu Queen, õsakanatapan õtaba ida�a, aonaa na�apainim nii õkasha�orauzon, zun kasha�oran kawan mawaka�oraz naa odaiaru.’ 8 Ukau�an bauda�apa kamo�o nii Tominkaru pataka�utan oroo, di�ora�a pataka�utin-karu kida idi�i: mawaka-karu, kasha�ora-karu na�iki zamazi-karu kidaz. Na�iki kawaoda-kao nii oroo tikazi idi, usha�apanum kau�an Tominkaru umanawunu�oraz papataka�utan nii oroo paaipan kawana�ati." 9 Ipai kingnao imi�i baara�o, kiaapainaouz oroo na�iki kaiwainao osha�apauz, ipai�o nii ĩzaadan na�iki ĩkasha�oran odau�ati, ĩtukapan dono tikazi shan bodo�okapan kawaodapa�oraz oroo. 10 Ĩkadishitapan nii munapo donoi ai ĩtarian idi, aonaa ĩbaiaapa�azon kaziwa�o wuru�u obaiaapaniaz. Ĩkian nii, “Kasha�ora�o manawun! Kasha�ora�o manawun sha�apan pu�ati, pugaru umanawunu�o donoi. Masha�apakia�o Tominkaru pataka�uta�akan pugaru." 11 Pidannao imi�i baara ainao toriipauzonao na�iki selliipauzonaouz sha�apauzii, tuukia�o nii ĩzaadan Babylon dau�ati, usha�apanum kau�an aona�a naa kanom toria�o nii ĩsha�apauz kida powa�a. 12 Aonaa kanom torian naa ĩsha�apauz kida powa�a, wuru�u gold, silver, kawinipinaa kida�o kuba kida, pearls. Na�iki aonaa kanom torian kawinipinaa kida�o kamicha mada, wuzuza�o na�iki wuza kida�o, na�iki silk idi�o kamicha mada toma-kao. Na�iki aonaa kanom torian aimaakan kida toma-kariwaiz kaduunu�o udamainan atamun idi, ipai aimaakan toma-kariwaiz ivory idi, kawinipina�o atamun kida idi, chipirari kida idi, na�iki marble idi. 13 Na�iki aonaa kanom torian cinnamon, spice, incense, myrrh na�iki frankincense, ipai wuru kida�a kawinipina�o kaduunuribai toma-kariwai oil nii na�iki paodaa nii. Na�iki aonaa kanom torian wine na�iki olive oil, poroom aka boodinpa�o na�iki aona�o zii uboodinpan. Na�iki aonaa kanom torian tapi�iza kida na�iki kaznizonao, kawaro kida na�iki ĩtararannaa kida, na�iki ĩsellii kapam pidannao poitoruinao nii, mazan aizii aona�a naa kanom torian ĩ�ai kidaz. 14 Pidannao selliipauzonaouz pasha�apauz kian nii o�ati, “Ipai aimaakan kida puaipaniaz tuukii pu�ati mainaabatina�a naa, na�iki ipai puwaziwaan kawinipina�o na�iki umanawun kida�o pusha�apauz. Na�iki aonaa na�apainim nii pukasha�apauzin na�apa�o aimaakan kida idi powa�a." 15 Wuru�u pidannao selliipauzonaouz da�i pasha�apauz, kapuraatan-dinan ĩselliipauzon idi da�i pasha�apauz kida donoi ii, ipai�o nii ĩkadishitapan munapo donoi ai aonaa ĩbaiaapa�azon wuru�u obaiaapaniaz. Tuukia�o nii ĩzaadan, 16 na�iki ĩkian, “Kasha�ora�o manawun! Kasha�ora�o manawun sha�apan pu�ati umanawunu�o donoi, konaunam kida�o kamicha kida pukaiwaadapauzon wuza za�o na�iki wuza�o, pukonaunamadan pakamichan, na�iki pumada gold idi�o utoma-kao kida idi, kawinipina�o kuba kida idi pabi�inaaka�oraz ĩtaan kida, na�iki pearls. 17 Na�iki masha�apakiaka puwaziwaan ipai wuru kida�a pukapuraatan-din-kinaa kidaz.” Ipai na�akapainao udaru kida�o kanawa, na�iki wa�atiinao ĩnazo�o kida, kaudinainao kanawa kida ida�a na�iki ipai baokoinao pidannao ikoda�o papuraatan soo paselliipan ida�an pasha�apauz kida kanawa ida�an ipai wiizai kida kawana�ati, ipai ĩkadishitapan munapo donoi ai. 18 Na�iki ĩzaadan nii ĩtukapan dono tikazi shan bodo�okapan kawaodapa�oraz oroo. Ĩkian nii, “Aonaa ba�oran donoi umanawunu�o nii wuru kawanu�o." 19 Ĩmuudan imi�i unuba kida pazowau paawa iti kida ĩaida-kinaa nii na�apam pakasha�oran tuukii manawun. Tuukia�o nii ĩzaadan, na�iki ĩkian nii, “Kasha�ora�o manawun! Kasha�ora�o manawun sha�apan pu�ati�i umanawunu�o donoi. Ipai kakanawaniinao udaru�o kanawa kida idi chi�ikapauzonaouz ipai wiizai kawana�ati selliipauzo oo toriipauzonaouz sha�apauzii kida, ipai ĩkapuraatan-dinan otoriipauzon idi ĩsha�apauz kida okapuraatanun idi manawun. Na�iki masha�apakiaka owaziwaan ipai pasha�apauz kida." 20 Ukonaukii ipai mashaapainao aokazi ii, Tominkaru pataka�utan idi�i naa Babylon. Ukonaukii Tominkaru pidanannao na�iki apostlenao na�iki prophetnao, Tominkaru pataka�utan idi�i naa oroo, aimaakan osha�apatanii kidaz unao ati�o wadaun ni�i naa. 21 Udauna�an umanawunu�o angel zaamatan udaru�o kuba na�iki ukabootanuzu paran baoko iti. Ukian, “Kaikapa�o nii umanawunu�oraz donoi Babylon kaboota-kao ma�ozaka�o ida�an na�iki aonaa na�apainim nii õtukapauzo-kao powa�a. 22 Aonaa na�apainim nii shamoro aran kida abata-kao, na�iki aonaa pidannao kunuutinauzonao abata-kao, na�iki aonaa tauapatinauzonaouz da�i flute na�iki trumpet kida ida�an abata-kao punazo ii powa�a. Aona�o nii kaudinauzonao nii punazo ii, na�iki aona�o nii poroom aka booda-kariwai nii punazo ii. 23 Aonaa na�apainim nii lamp kanadapan tukapa-kao punazo ii, aonaa na�apainim nii mazidainao paradan abata-kao punazo ii powa�a. Pupidanannao selliipauzonao sha�apauzii kida umanawunu�o nii ĩtaapinpan da�a�a imi�i baara�a, na�iki ĩsha�apata oia�o doronai ida�an umanawun kida�o aimaakan kida di�itinapa-kida�o pidannao, na�apa�o ida�an ĩmariidapan ĩdyaun." 24 Babylon pataka�uta-kao Tominkaru prophetinnao na�iki upidanannao na�iki ipai zowiauzo-kariwainao imi�i baara�a izain ikoda-kao idi�o na�ii.

‹ Chapter 17 REVELATION — All Chapters Chapter 19 ›

REVELATION 18

Cite / Share This Page