REVELATION 20

WBT

‹ Chapter 19 REVELATION — All Chapters Chapter 21 ›

1 Uruu dauna�an õtukapa angel wa�atin aokazi iki, uzaamatapanii key ka�unaru aona�oraz utokon nii keyannaa, na�iki toromaro�o chain. 2 Uma�ozakan idi uzaamatan wuru�u dragonuz, uruu tawuru�u kotua�oraz kowazaz dakota-kariwaiz Devil oo Satan kii, udauna�an udo�ota�akan naa uruu chain idi, umashaapan nii na�apa 1,000 wunu kawana�ati. 3 Udauna�an angel kabootan uruu ka�unaru aona�oraz utokon nii nazo iti, dauna�an utarata�akan naaz na�iki udadarada�akan naaz, uruu aonaa kizi powa�a Satan sha�apata-kidan oia�o ipai pidannao ati umariidapan ida�an ĩdyaun atii 1,000 wunu ipain. Uruu dauna�an umuuda-kao nii masakauda�u karikaonan. 4 Udauna�an õtukapa tabai kida, na�iki pidannao sakanatapainaouz ĩpaawa�a kida kaina�a ĩma�ozakan taa-kao ĩkazowautapa-kinaa nii. Na�iki õtukapa kapam wunao doronaa kida�a dukuta-kariwainaouz ĩkanau kida, ĩkakuwaapatinauzon idi Jesus na�iki Tominkaru paradan dau�u. Ĩnao wuru�u aona�oraz ĩkodoru�ukan kichana�iki-kia�o pana�aokazi ati, na�iki toma-kariwai aimaakan uruu kawana�ati, na�iki aonaa ĩtaapadan pakainaabata-kao ukainaariba idi pataawu oo paka�u kida ida�a. Ipai�o nii ĩkakudan powa�a iti koshan na�iki ĩkazowautapan nii 1,000 wunu Christ tuma. 5 Di�ora�a kiwiitapa�o kadishita-karu powa�a iti mawaka-karu di�iki wuru�u. (Baokoinao mawakainao aona�o ĩkadishitan uruu dono, diina�iti�o nii zii pa�an ĩkadishitanu�u 1,000 wunu ipain an.) 6 Konaukia�o nii manawun wunaou�u kadishitainaouz kiwiitapa�o kadishita-karu ida�a, aona�o nii ĩbaiaapan pataka�utin-karu wuru�u baiaapa-kariwai ni�oraz u�itamautan mawaka-karu di�ia�oraz. Mazan ĩkaudinan nii faadaanao ni�i naa Tominkaru na�iki Christ ati, na�iki ĩkazowautapan nii utuma 1,000 wunu kawana�ati. 7 Aizii 1,000 wunu kida ipain dauna�an, Satan kodita-kida-kao nii pataratapa-kizinao iki. 8 Umakon nii ipai wiizai kida kawana�ati, usha�apata-kidan nii oia�o umariidapan ida�an ipai pidannao, mashaapainaouz da�a�a imi�i baara�a, ĩnao wuru�u wiizai kida dakota-kariwainaouz Gog na�iki Magog kii. Satan kasaba�ukan nii ipai ĩdyaun mizaataaka-kizai ati. Iriba�o nii manawun ĩdyaun, na�apa kaatu diri�in paran danoma ana�o kawan. 9 Ĩmakoodanan ipai amazada kawana�ati da�a�a imi�i baara�a, na�iki awauta ĩmashaapan ĩzikonuitapan wuru�u Tominkaru pidanannao mashaapa-kiziz donoi, umarainpaniaz. Mazan tikazi waotan aokazi iki ipai ukawaodan ĩdyaun. 10 Udauna�an wuru�u Satan mariidapauzoz ĩdyaun, ukaboota-kaoa�a naa Tuubaru�o Tikazi wu�iti, ka�awapa�oraz pizo-pizowa�o sulfur tuma. Na�iti�o wuru�u ĩkabootauzonuz kichana�iki-kia�o pana�aokazi na�iki mariidinauzo prophet. Na�ia�o ni�i naa ĩbaiatan tikazi ipai kamoo na�iki maruta�o, karikaonan na�iki karikaonan. 11 Udauna�an õtukapa udaru�o umanawunu�oraz manawun tabai baraka�o na�iki kaina�a pidan sakanatapan upaawa�a. Sariapa imi�i na�iki aokazi ĩmainaabatinan ukanaapu iki, aona�a naa ĩtukapa-kao powa�a. 12 Na�iki õtukapa mawakainao pidannao, umanawun-tinpainao na�iki pataka�utinainao, na�a ĩkadishitapan umanawunu�oraz manawun tabai kanaapu�u. Na�iki õtukapa kaarita kida da�ata-kaoa�a naa. Uruu dauna�an ba�oran kaarita da�ata-kao, kakupa-karu kaaritannaa. Mawakainao pidannao pataka�uta-kaoa�a naa ĩsha�apatanii kida kawana�ati, usaadinpan kawana�ati kaaritanao ida�a. 13 Wuru�u mawakainaouz pidannao paran baoko ii, ĩmakon naa Tominkaru kanaapu iti. Mawaka-karu na�iki Mawakainao Wiizi, sharakadan naa mawakainao makon Tominkaru kanaapu iti, na�iki upataka�utan naa ipai ĩdyaun ĩsha�apatanii kida kawana�ati. 14 Uruu dauna�an Mawaka-karu na�iki Mawakainao Wiizi kaboota-kaoa�a naa Tuubaru�o Tikazi wu�iti. Di�ora�a, uruu u�itamautan mawaka-karu wuru�u. 15 Ipai pidannao, aona�o ĩ�uu kida saadinpan Kakupa-karu Kaaritannaa ida�a, ipai�o nii ĩkaboota-kao Tuubaru�o Tikazi wu�iti.

‹ Chapter 19 REVELATION — All Chapters Chapter 21 ›

REVELATION 20

Cite / Share This Page