REVELATION 5

WBT

‹ Chapter 4 REVELATION — All Chapters Chapter 6 ›

1 Uruu dauna�an õtukapa wuru�u Sakanatapa�oraz umanawunu�oraz manawun tabai ida�a, uzaamatapan scroll padiwa�ora antanpu�o paka�u idi. Ipai saada-kariwai kida kaina�a ubarau an na�iki unazo ikinapu, na�iki kaina�a 7 usakibadapa-kinao kida umuna�an. 2 Na�iki õtukapa umanawunu�o Angel, na�iki õabata ukian diiwa�o ida�an. “Kanom kaimana�o manawun, turua�o uso�otan wuru�u scroll sakibadapa-kinao kidaz, na�iki uda�atanuzu?" 3 Mazan aonaa bauda�apa aokazi iki�o, oo imi�i baara iki�o, oo imi�i waranu iki�o turuan pada�atan scroll, oo tukapan unazo ia�o. 4 Uru�u naa õzaadan tuukii, usha�apanum kau�an aonaa kanom ikoda-kao kaimana�o nii turua�o uda�atan scroll, oo utukapan unazo ia�o saada-kariwaiz. 5 Upu�u bauda�apa kazowautapainao bii iki�o kian õ�ati, “Mana�a puzaada�ana�a. Putukapa! Wuru�u dakota-kariwaiz umanawunu�o Lion nii, Judah takaan-daunuz, na�iki uruu kapam David takaan-daun, uruu wazoota�oraz oia�o, na�iki turuu uso�otan 7 sakibadapa-kariwai scroll di�iki, na�iki uda�atanuzu." 6 Udauna�an õtukapa Kaznizo-dani kadishitapan maonapa umanawunu�oraz manawun tabai dazaba�a wunao sakodaitapaniaz 4 kakupa�o aimaakannao, na�iki kazowautapainao. Wuru�u Kaznizo-daniz zowiauzo-kariwai kawanu�o uaidinpan. Kaina�a 7 u�ozoo kida na�iki 7 uawun kida. Ĩnao tawuru�u 7 doronainao Tominkaru di�ikiinaouz, dyuudauzo-kariwainaouz ipai amazada kawana�ati da�ati�i imi�i baara ati. 7 Kaznizo-dani makon uzaamatan scroll Sakanatapa�o umanawunu�oraz manawun tabai ida�a�o di�iki, udiwa�ora antanpu�o uka�u di�iki. 8 Uzaamatan dauna�ana�a naazu uru�u naa wuru�u 4 kakupa�oraz aimaakannao na�iki 24 kazowautapainao, ipai ĩwashatinan wuru kanaapu iti�i Kaznizo-daniz. Ipai ĩzaamatapan shamoro kida na�iki boon kida gold idi�o utoma-kao paida�o shanaribai idi, uruu wuru�u Tominkaru pidanannao toriinpan kidaz. 9 Udauna�an ĩkunuuan pa�ina�o kunui: “Pugaru kaimana�o,puturuuda mishi puzaamatan scroll, na�iki puso�otan usakibadapa-kinao kida. Usha�apanum kau�an pugaruzowiauzo-kariwai. Pumawakan ida�an,pukazannaatan pidannao Tominkaru ati ipai amazada kida di�iki, ipai wiizai kida di�iki, ipai bakadun kida ĩparadan, na�iki ipai pana�a kida�o pidannao. Aizii ipai ĩtaainan Tominkaru ati. 10 Putoman ĩdyaun Faadaanao nii pa�idiwaru, taainainao nii Tominkaru ati. Na�iki ĩnaou�u nii kazowautapada�a�a imi�i baara�a." 11 Uruu dauna�an koshan õawunuupan, õtukapa angelnao, iriba�o manawun ĩdyaun aonaa ĩaita-kao kawana�ati, awauta ĩkadishitapan ĩzikonuitapan wuru�u umanawunu�oraz tabai, 4 kakupa�oraz aimaakannao na�iki wuru�u 24 kazowautapainao kidaz. 12 Na�iki õabata angelnao kunuipan naa diiwa�o ida�an. Kaikapa�a ĩkunuunu�u: “Wuru�u Kaznizo-dani zowiauzo-kariwaiz, kaimana�o uruu. Marii kizi mishi ukonaukii-kida-kaoumanawunun idi,ukasha�apauzin idi, uaitapaaban idi, uma�ozakan idi,ukamarainapanun idi,ukanadan idi, na�iki turuu kizi kaimankii-karu u�ati." 13 Uruu dauna�an aka õabatan ipai aimaakan kida kunuipan, aokazi ia�o, imi�i baara�a�o, imi�i waranu ia�o na�iki paran baoko ia�o, na�iki ipai aimaakannao mashaapainao ipai amazada kawana�ati. Ipai ĩkunuipan kaikapa�a: “Wuru ati�i Sakanatapa�oraz umanawunu�oraz manawun tabai ida�a, na�iki wuru ati�i Kaznizo-daniz. Marii kizi turuu kaiman kii-karu ĩ�ati, na�iki ĩmarainapa-kao. Marii kizi kakuwaapa-karu ĩmanawunun na�iki ĩma�ozakan dau�u, karikaonan na�iki karikaonan." 14 Wuru�u 4 kakupa�oraz aimaakannao kian “Amen!” Uru�u naa kazowautapainao washatina�akan naa paawun baara ukinapu imi�i baara iti, ĩtaainan naa Tominkaru ati na�iki Kaznizo-dani ati.

‹ Chapter 4 REVELATION — All Chapters Chapter 6 ›

REVELATION 5

Cite / Share This Page