ROMANS 1

WBT

‹ Chapter 0 ROMANS — All Chapters Chapter 2 ›

1 Di�ora�a kaarita, õgaru Paul di�iki�o, Christ Jesus poitoruz. Tominkaru zaamatan õgaru Christ Jesus apostlen nii, na�iki ubuutan õgaru kowaadapa�o nii pidannao ati uruu di�iki�o Kaimana�o Kuwai. 2 Kotua�ora�a naa Tominkaru kowaada-kidan Kaimana�o Kuwai dau�u. Na�apa prophetnao saadan Tominkaru Paradan ida�a. 3 UDani daua�o wuru�u Kaimana�oraz Kuwai. Wuru�u udaniz, uruu wanaobanaa Jesus Christ. Ukaawankan dono pidan nii, King David takaan-daun uruu. 4 Mazan uruu mishi�o Tominkaru, na�iki aonaa usha�apatan oia�o. Umanawunu�o pama�ozakan ida�an Tominkaru kainaabatan pauDani manawun uruu, pakadishita-kidan ida�an uruu mawaka-karu di�iki. 5 Tominkaru aipan idi ipai pidannao taapan umanawun nii Jesus Christ, uaidan pakamunanun õ�ati Christ ida�an. Uzaamatan õgaru kakuwaapa�o nii manawun ipai Gentilenao ati, ĩizo�ati kizi Christ pamishidan ida�an Tominkaru di�iki�o Kaimana�o Kuwai. 6 Aizii unao Tominkaru zaamataniinao kapam, Jesus Christ pidanannaou�u naa unao. 7 Ukau�an õsaadan di�ora�a õkaaritan ipai unao mishidainao ati, Rome iainaouz, Tominkaru marainapanii unao na�iki uzaamatanii unao papidanannao nii manawun. �toriinpan waDaru Tominkaru ati, na�iki waNaobanaa Jesus Christ ati, marii kizi ukamunanun u�ati na�iki utaa kizi unyukunuu kaiman-kinaa nii. 8 Aizii kiwiin, kaiman manawun pugaru, õkian Tominkaru ati, Jesus Christ ida�an, ipai unao dau�an. Usha�apanum kau�an ipai�i naa wiizai kawana�ati pidannao kaunamunaatan umishidan Christ. 9 Tominkaru ati�o õkaudinan kaimanaiman õnyukunuu iki, õkowaadapan pidannao ati Kaimana�o Kuwai, uDani daua�o. Tominkaru aitapanii mishi�o kaiwuru�u õkianuz kaikapa�a: Karikaonan õtoriinpan Tominkaru ati õpishaan ukaminka�utan unao, na�iki utaapada kizi�i naa aizii õmorowautan unao di�iti. 11 Tuukii manawun õtukapa�azon unao, õkakuwaapa kizi u�ati kaiman kida�o dau�u, Tominkaru sha�apataniaz ipai waunao ati. �kaminka�uta�azon unao powa�a kizi utaan kaimanaiman unyukunuu Christ ati. 12 Kaikapa�o dau�ati�o kaiwuru�u õkianuz: õkaminka�utan nii unao, na�iki unao kaminka�utan nii kapam õgaru, wama�ozakadaaka kizi, wakowaadan ida�an wamishidan daua�o Christ. 13 �min-mishidannao, õaipan uaitapan, karikaonan da�i õdakotautan õmorowautan unao di�iti, mazan kaina�a da�i aimaakan kida towauda�uan õgaru. �morowauta�azon u�idi�iti turuu kizi õtominapa-kidan unao, ma�ozaka kizi umishidapan Christ, na�apa õtominapa-kidan kawan ba�oran Gentilenao, ba�oran donoi ii kida kapam, ma�ozaka kizi ĩmishidapan Christ. 14 �sha�apatan ni�o Tominkaru aitan wuru�u õkowaadapanuz Kaimana�o Kuwai ipai pidannao ati, donoi sannao ati na�iki wunao ati�i pana�ii kida�oraz ĩmashaapan donoi ai. Aitapaabainao ati na�iki maaitapa-kainao ati. 15 Ukau�an tuukii õkowaada�azon Kaimana�o Kuwai unao ati kapam, Rome iainao. 16 �garu aonaa õkiba�azoo-kidan Kaimana�oraz Kuwai, usha�apanum kau�an uruu ida�ana�o Tominkaru aidan pama�ozakan, ukazannaatan ipai pidan mishida�oraz Kaimana�o Kuwai. Kiwiitapa, Jewnao bii iki�o pidannao, na�iki aizii ukazannaatan naa kapam Gentilenao. 17 Aizii wuru�u Kaimana�o Kuwaiz, ukainaabata na�apa�oram ida�an Tominkaru dakotan waunao kaimana�o pidannao nii, soo mishida-karu ida�an karikaonan. Na�apa kotua�o usaadauzo-kao Tominkaru Paradan ida�a: “Wuru�u pidan Tominkaru dakotaniaz kaimana�o pidan nii pamishidan ida�an, uruu karikaonanu�o nii ukakupan." 18 Tominkaru aokazi ia�o kainaabatanii pato�oran pidannao ati, sha�apaapainaouz oia�o, aona�oraz kawanu�o Tominkaru nii ĩ�ati. Ĩsha�apaapan ida�an oia�o, ĩtowauda�uu ba�orainao pidannao aitapan Tominkaru daua�o. 19 Tominkaru pataka�utan sha�apatainao oia�o, usha�apanum kau�an ĩaitapanii Tominkaru dau�an, kaimanaimana�o ukainaabatan ĩ�ati padaua�o. 20 Tominkaru toman di�iki�o amazada, turua�o pidannao aitapan kaimanaiman uruu, ĩtukapan ida�an utomanii kida, ĩmatukapauzokan pu�u padamata uruu. Uruu ma�ozaka�o manawun, na�iki uruu umanawunu�o Tominkaru ipai patomaniinao ai. Ukau�an aonaa turuu pidan kian: Aonaa õaitapan Tominkaru, kii. 21 Ĩaitapan pu�u padamata Tominkaru, mazan upu�u aonaa ĩtaapan uruu umanawunu�o nii, na�iki aonaa ĩkonaukii-kidan umanawunun. Maaitapinaka karikaonan ĩdi�itinpan. Aona�a naa ĩka�iitan padi�itinpan sakitapa Tominkaru dau�u, ukau�an panyukunuu na�akan naa ĩdyaun oia�o dau�ati. 22 Ĩtaapinan aitapaabainao nii, mazan maaitapin-kainao karikaonan ĩdyaun. 23 Aona�a naa ĩtaapan umanawun nii Tominkaru, wuru�u karikaonanu�oraz ukakupan, mazan ĩtominkaruniitan naa ka�ui idi�o aimaakan kida toma-kao. Ĩtoman patominkarun nii pidan kawan, kotu�uz kawan, wuniinao kaduz kida kawan, na�iki kowazaznao kawan. 24 Uruu idi�o Tominkaru marina�atan ĩdyaun, ĩsha�apata kizi oia�o aimaakan kida panyukunuu aipan kawana�ati, na�iki madoronaa-daun kizi�i naa ĩkiaapaakan. 25 Ĩmuudan naa pamishidan wuru�u mishi�oraz kuwai Tominkaru daua�o, aizii ĩmishidan naa mariidin-karu. Ĩtaapan umanawun nii toma-kariwai kida aimaakan, na�iki ĩtukapa-kida pamarainpan ĩdyaun. Mazan aona�a naa ĩtaapan Tominkaru umanawun nii, toma�oraz ĩdyaun. Uruu pa�an turua�o ukonaukii-kida-kao ipai dono. Amen. 26 Na�apa�o dikin ia�o Tominkaru marina�atan ĩdyaun, marii kizi�i naa ĩkiaapaakan madoronaa-daun, padi�itinpan kawana�ati kakiba�azonna�o aimaakan dau�u. Ukau�an, zunnao upu�u ĩna�apan, aona�a naa ĩaipan paudaiaru Tominkaru aitan kawana�ati, mazan ĩkiaapan pamin-zunan kida�a naa. 27 Aizii daonaioranao na�apa kapam ĩdyaun, aonaa ĩaipan paudaiaro Tominkaru aitan kawana�ati, mazan tuukii ĩaipan pakiaapan pamin-daonaioran. Ukau�an, daonaioranao sha�apaapan idi kakiba�azonna�o aimaakan pamin-daonaioran tuma kida, Tominkaru kawinipinaatan ĩdyaun pataka�utin-karu idi. 28 Na�iki powa�a zii, ĩtaapan idi madiwautapa-ka�o kawan Tominkaru aitapa-kidaniaz padaua�o ĩ�ati. Uruu idi�o umarina�atan ĩdyaun, ĩsha�apata kizi�i naa kakiba�azonnaa kida�o aimaakan padi�itinpan kawana�ati. Uruu idi�o ĩsha�apatan naa oia�o aimaakan kida, aona�oraz ukaimanan pidan sha�apatan. 29 Ĩkaduz ĩsha�apaapan oia�o aimaakan pa�idiwaru: ĩantamikitinan; ĩaipan pasha�apauz nii powa�a zii; ĩnaudapa pakaziwan ba�orainao pidannao; ĩkishauzin, ĩzowian pidan. Aizii na�apam nii ĩparadaakan, soo ĩzunaapaakan; ĩmariidinan; ĩkadakotinan pairiban dau�u; ĩdakoopan ba�oran pidan mashauda�u. 30 Ĩmariidinan pairiban dau�u ĩaipan idi uunamunaa abata-kao dikauda. Ĩto�ora-kizaitapan Tominkaru; ĩdakomikitinan; ĩatadinpan, na�iki umanawun nii ĩkakuwaapan padau�an. Ĩdi�itinpan pa�ina�o aimaakan dau�u pasha�apata-kinaa nii oia�o. Ĩdikintapan padaronao. 31 Ĩdi�itinpan maaitapinaka karikaonan, aonaa ĩmishian paparadan. Aonaa ĩkaminka�utan pairiban, ĩaitapan pu�u ubaiaapan kasha�ora�o. 32 Tominkaru aitapa-kidani�i naa ĩ�ati sakitapa�o pakakinaori: pidannao na�apa�oraz ĩmashaapan, marii ĩmawakan, kia�oraz. Ĩaitapan pu�u na�apa�o kakinaorii, mazan upu�u zii ĩsha�apaapan oia�o aimaakan kida. Na�iki ĩkonaukii-kida kapam baokoinao sha�apatan na�apa kida�o oia�o.

‹ Chapter 0 ROMANS — All Chapters Chapter 2 ›

ROMANS 1

Cite / Share This Page