ROMANS 5
WBT1 Ukauêan, Tominkaru dakotan idi waunao kaimanaêo pidannao nii wamishidan idi, aizii kaimanaakaêa naa waunao Tominkaru tuma, wanaobanaa Jesus Christ idaêan. 2 Wamishidan idi Christ, unaêakan waunao Tominkaru kamunanun idaêati, naêapaêo idaêaêo wamashaapan kai. Naêiki tuukii wakonaukian, waaitapan idi mishiêo nii Tominkaru taan waêati diinaêitiêi paugaru kaduz umanawun-karu. 3 Mazan turuu kapam wakonaukian wabaiatinan dono, ushaêapanum kauêan wabaiatinan tominapa-kida waunao aonaa kizi wakashadinan. 4 Aizii aonaan idi wakashadinan, kaiman Tominkaru ati. Ukaimanan idi waêati, aizii wazaudapan naa utaan ukowaadauzoniaz pataan nii waêati. 5 Wuruêu wazaudapaniaz, aonaêo nii ukasharutan wanyukunuu. Ushaêapanum kauêan mishiêo Tominkaru marainpan waunao. Naêapa ukowaada-kidan waêati Kaimanaêo Doronaa idaêan, uruu utaaniaz naa waêati. 6 Tominkaru aitanii kamoo kawanaêati, Christ mawakan oiainao pidannao dikin ii, aonaan puêu wakaêiitan wamuudan oiaêo. 7 Aonaa kanom kaêiitan pazowii-kidinan pidan kaimanaêo umashaapan dikin ii. Kainaêa mani baêoran pidan turuaêo uzowii-kidinan pidan kaimanaêo manawun dikin ii. 8 Mazan Tominkaru, ukainaabata pamarainpan manawun waunao, waêoian puêu, udyuuda zii Christ mawakan waunao dikin ii. 9 Tominkaru dakotan idi waunao, kaimanaêo pidannao nii, Christ mawakan idaêan, ukauêan waaitapa mishiêo nii Christ kazannaatan waunao wabaiaapan ai Tominkaru toêoran diinaêitiêi, upatakaêutan donoêo naa oiainao. 10 Tominkaru tarubanao zii daêi waunao, mazan upaonaruitan waunao pauDani mawakan idaêan. Upaonaruitan idi waunao, waaitapa mishiêo nii ukazannaatan waunao, Christ kakupan idaêan. 11 Aonaa uruu mani karikaonan, mazan wakonaukian kapam Tominkaru shaêapatan idi aimaakan wanaobanaa Jesus Christ idaêan. Uruu tomaêoraz waunao Tominkaru paonarunao nii. 12 Baudaêapaêo pidan, Adam, dikintapan idi Tominkaru, ipai pidannao oian. Naêiki ushaêapatan idi oiaêo, ipai pidan mawakauzo paêidiwaru. Ushaêapanum kauêan, Adam shaêapatan dono oiaêo, ikodaêo nii ipai utakaan-daunnao wuruêu shaêapataêoraz oiaêo. 13 Pidannao shaêapaapanii oiaêo, Tominkaru taan uaêii pakakinaori kida Moses idaêan, mazan aonaa udakotan Ä©dyaun dikintapainao nii kakinaorii, ushaêapanum kauêan aonaa zii utaan pakakinaori uruu dono. 14 Mazan upuêu, Adam dikintapan diêikiêo Tominkaru, atii Tominkaru taan idaêati pakakinaori Moses idaêan, ipai pidan mawakauzo paêidiwaru, aonaan puêu padamata Ä©dikintapan sariaapaêo Tominkaru diêikiêo kakinaorii, Adam kawan. Aizii Adam, Christ kawanuêo wuruêu, kaawaêo niêoraz udawuêati zii. 15 Mazan Christ shaêapataniaz kaimanaêo aimaakan waêati, panaêaêo Adam shaêapatanii oiaêo aimaakan ai. Ipai pidan mawakauzon, baudaêapaêo pidan, Adam, dikintapan idi Tominkaru. Mazan wuruêu Tominkaru kamunanunuz, powaêaêo zii umanawunun, iriba udakotan pidannao, kaimanaêo pidannao nii, baudaêapaêo pidan, Jesus Christ, kamunanun idaêan. 16 Tominkaru shaêapatan kaimanaêo aimaakan, panaêaêo wuru aiaêa dikaudaêoraz aimaakan shaêapan, baudaêapaêo pidan oian idaêanaêoraz. Baudaêapaêo pidan, Adam, shaêapatan idi oiaêo, Tominkaru dakotan ipai pidan, oiaêo pidannao nii. Mazan Christ shaêapatan idi kaimanaêo aimaakan, Tominkaru dakotan pidannao, kaimanaêo pidannao nii, Ä©shaêapatan puêu iriba oiaêo aimaakan kida. 17 Mishi, baudaêapaêo pidan Adam, dikintapan idaêan, ipai pidan mawakauzo paêidiwaru. Mazan baudaêapaêo pidan, Jesus Christ, shaêapatanii idaêan, Tominkaru kamunanun manawun pidannao ati, udakotan Ä©dyaun, kaimanaêo pidannao nii. Naêiki maêozakaêo nii Ä©mashaapan oiaêo ai. 18 Baudaêapaêo pidan, Adam, shaêapatanii idaêan kiwiiniêo oiaêo, Tominkaru dakotan ipai pidannao, oiaêo pidannao nii paêidiwaru. Ukauêan naêapa kapam, baudaêapaêo pidan, Jesus Christ, shaêapatanii kaimanaêo aimaakan idaêan, Tominkaru dakotan ipai pidannao mishidainaouz Christ, kaimanaêo pidannao nii, naêiki utaan Ä©êati karikaonanuêo kakupa-karu. 19 Tominkaru dakotan kawan ipai pidannao, oiaêo pidannao nii, baudaêapaêo pidan dikintapan idi, ukauêan naêapa kapam udakotan iriba pidannao, kaimanaêo pidannao nii, baudaêapaêo pidan izoêatin idi paugaru. 20 Tominkaru taanuznaa kakinaorii, pidannao aitapa-kinaa niêo oiaêo wuruêu Ä©shaêapaapaniaz. Pidannao shaêapaapan puêu powaêa zii oiaêo, mazan Tominkaru, utukapa-kida powaêa zii pakamunanun tuukii manawun. 21 Kiwiin zii oiaêo kazowautapanii ipai pidannao, uruu idiêo Ä©mawakauzon. Mazan aizii Tominkaru kamunan-kidan idi tuukii waunao, uruu idi udakotan waunao, kaimanaêo pidannao nii, naêiki utaan waêati karikaonanuêo kakupa-karu, waNaobanaa Jesus Christ idaêan.