ROMANS 8

WBT

‹ Chapter 7 ROMANS — All Chapters Chapter 9 ›

1 Ukau�an aizii, aonaa kanom nii Tominkaru papataka�utan zaamatinpainao Christ Jesus ida�ati. 2 Kaimana�o Doronaa taani�i naa wa�ati pa�ina�o kakupa-karu wazaamatinpan idi Christ Jesus ida�ati. Ukau�an aizii, aonaa powa�a wanyukunuu ida�a�o oia�o poitoruitapan waunao, na�aka�o ni�oraz waunao karikaonanu�o mawaka-karu di�iti. 3 Moses saadanii kakinaorii, aonaa uka�iitan pakazannaatan waunao oia�o ai, wanyukunuu kapatin idi oia�o ati, mazan Tominkaru uka�iita. Ukazannaata waunao, wanyukunuu ida�a�o oia�o kazowautapan ai, udyuudan ida�an paudani Christ Jesus imi�i baara ati, pataka�uta-karu nii wa�oian dikin ii. Pidan nii ukaawan, waunao kawan unanaa, mazan aona�o u�oian. 4 Tominkaru sha�apatan na�apa aimaakan, turuu kizi mashaapainao Kaimana�o Doronaa aipan kawana�ati, sha�apatan ipai kakinaorii aiapanii sha�apata-kao, aonaa oia�o nyukunui aipan kawana�ati mani. 5 Pidan mashaapa�oraz oia�o panyukunuu aipan kawana�ati, udi�itinpan soo panyukunuu sha�apata�azoonii dau�u pa�idiwaru. Mazan pidan mashaapa�oraz Kaimana�o Doronaa aipan kawana�ati, udi�itinpan soo Kaimana�o Doronaa aiapanii sha�apata-kao dau�u. 6 Pidan di�itinpa�oraz oia�o panyukunuu sha�apata�azoonii dau�u pa�idiwaru, uikodan nii karikaonanu�o mawaka-karu. Mazan pidan di�itinpa�oraz Kaimana�o Doronaa aipan kawana�ati, uikodan nii karikaonanu�o kakupa-karu na�iki nyukunui kaimanan. 7 Ukau�an, pidan di�itinpan dono oia�o panyukunuu sha�apata�azoonii kawana�ati, Tominkaru taruba wuru�u uruuz. Usha�apanum kau�an aonaa uizo�atin Tominkaru kakinaori, na�iki aonaa uka�iitan paizo�atinuz. 8 Pidan mashaapa�oraz oia�o panyukunuu aipan kawana�ati, aonaa turuu Tominkaru konaukii-kidan usha�apatanii. 9 Mazan unao, aonaa usha�apaapan oia�o unyukunuu aipan kawana�ati. Usha�apaapan aimaakan Kaimana�o Doronaa aipan kawana�ati�o, mashaapa�oraz unao ida�a. Pidan aona�oraz Kaimana�o Doronaa mashaapan u�ida�a, aonaa Christ pidanan mani uruu. 10 Mazan Christ mashaapan an unao ida�a, unanaa mawakan nii mishi padamata diina�iti�i u�oian idi, mazan upu�a�o nii udoronaa kakupan, Tominkaru dakotan idi�i naa unao kaimana�o pidannao nii. 11 Tominkaru kakudan kawan Christ Jesus mawaka-karu di�iki paDoronaa ida�an, mashaapa�oraz unao ida�a. Na�apa�o nii kapam utaan mawakauzoz unanaa kakupa-kinaa nii, paDoronaa ida�an, mashaapa�oraz unao ida�a. 12 Ukau�an, õmin-mishidannao, kaina�a pa�i washa�apatan ni�o, mazan aonaa wamashaapan mani oia�o wanyukunuu sha�apata�azoonii kawana�ati. 13 Umashaapan an pakawan zii oia�o unyukunuu aipan kawana�ati, Tominkaru buutan nii unao karikaonanu�o mawaka-karu di�iti. Mazan umashaadan an usha�apaapan oia�o, Kaimana�o Doronaa kaminka�utan ida�an unao, uikodan nii karikaonanu�o kakupa-karu. 14 Ipai pidannao Kaimana�o Doronaa kazowautapaniinaouz, ĩnao Tominkaru dainao. 15 Wuru�u Kaimana�o Doronaa taa-kariwaiz unao ati, aonaa utoman unao poitoruinao nii, taria�o nii koshan Tominkaru ai. Mazan utoman unao Tominkaru dainao nii pa�an, na�iki turuu ukian Tominkaru ati aizii: “Pugaru waDaru,” kii. 16 Tominkaru Doronaa zaamatinan wadoronaa ida�ati, kainaabata�o nii mishi�o Tominkaru dainao waunao. 17 Tominkaru dainaoun idi waunao, wazaamatan nii kaiman kida�o aimaakan utaapaniaz naa papidanannao ati. Na�iki wazaamatan nii kapam Christ tuma Tominkaru taapaniaz uruu ati. Wabaiaapan kau�an kasha�ora�o Christ kawan, na�apa�o nii Christ umanawunun kaduz taa-kao wa�ati. 18 Aizii kai�oraz wabaiatinan, õaitapa aonaa uikodinan wuru�u Tominkaru umanawunta�azoonuz waunao diina�iti�i. 19 Ipai aimaakan Tominkaru tomaniinao, tuukia�a naa ĩzaudapan Tominkaru kainaabatan na�ia�oram manawun wuru�u paudainaouz. 20 Ipai utomaniinao aimaakan mawakauzo na�iki zaamauzo, aonaa paaipan ati�o mani ĩtominan na�apa, mazan Tominkaru aipan kawana�ati�o. Mazan upu�u kaina�a ĩzaudapan 21 Tominkaru so�ota�azoonuz ĩdyaun diina�iti�i mawakauzo-karu na�iki zaamauzo-karu ai. Na�iki uzaamata�azoonuz ĩdyaun umanawunu�o mashaapa-karu di�iti paudainao tuma. 22 Waaitapa ipai Tominkaru tomaniinao dopitan, atii kai, na�apa zun dopian kawan okaudanipa�azon dono. 23 Mazan aonaa Tominkaru tomaniinao aimaakan mani karikaonan wuru�u dopita�oraz. Waunao kapam, kaina�a�oraz naa Kaimana�o Doronaa, kiwiini�oraz naa utaa-kao wa�ati. Mishi kai wadopitan wazaudapatinan pu�a�a naa Tominkaru kowaadan diina�iti�i ipai patomaniinao ati, udainao wuru�u waunaouz. Na�iki utaan naa wananaa nii mamawakauzoka idi. 24 Uru�u naa wuru�u wazaudapaniaz Tominkaru sha�apatan wa�ati, ukazannaatan di�iki waunao. Pidan zaamata�oraz naa aimaakan kowaada-kariwaiz taa-karu nii u�ati, aonaa kanom ni�i naa uzaudapatinan. Aonaa na�ia�oram pidan pakawanu�o zii uzaudapan pazaamatani�i naa aimaakan, kowaada-kariwaiz taa-karu nii u�ati. 25 Mazan wazaudapan an aimaakan taa-kao wa�ati aona�oraz zii wazaamatan, aonaa kandii nii wakashadinan wazaudapan. 26 Na�apa�o kapam, Kaimana�o Doronaa kaminka�uta waunao wadopian dono. Wamaaitapakan pu�u kanom dau�an watoriinpan, uruu pa�an pishaa Tominkaru kaminka�utan waunao. Upishaan Tominkaru tuukia�o ida�an, aonaa pidan ka�iitan pakowaadan kaimanaiman parada-karu ida�an. 27 Aizii Tominkaru, aitapa�oraz na�apam wadi�itinpan, uaitapa kaimanaiman kanom Kaimana�o Doronaa aiapanii sha�apata-kao wa�ati. Usha�apanum kau�an, Tominkaru aipan kawana�ati�o manawun wuru�u utoriinapanuz Tominkaru pidanannao ati. 28 Waaitapa ipai aimaakan, kaimana�o oo kasha�ora�o sha�apan an, Tominkaru kaiwaan niiz kaimana�o nii wunao ati�i marainpainaouz uruu. Ĩnao wuru�u uzaamataniinaouz papidanannao nii, usha�apanum kau�an kaina�a�o udi�itapan pasha�apatan ni�o ĩ�ati. 29 Tominkaru aitapaniinaouz amazada tominan ua�ii, pazaamatan nii papidanannao nii, ĩnao wuru�u udi�itapan patoman nii pauDani kawan, uruu kizi ĩtuuniz nii. 30 Pidannao, kotua�oraz naa udi�itapan patoman paudani kawan, ĩnao wuru�u udapadaniinaouz. Aizii udapadaniinaouz, ĩnao udakota kaimana�o pidannao nii. Aizii udakotaniinaouz kaimana�o pidannao nii, ĩnaou�o nii utoma umanawunnao nii, paudani kawan. 31 Una�apan kau�an, na�apam wakian aizii? Tominkaru kaminka�utan kau�an waunao, kanom ka�iita padikintan waunao? 32 Aonaa Tominkaru marainan paudani pataka�uta-kao, mazan utaapada pidannao zowian uruu ipai waunao dikin ii. Utaan idi pauDani, waaitapa konaukia�o nii utaan wa�ati ipai aimaakan. 33 Kanom turuu udakoopan Tominkaru pidanannao? Tominkaru pa�an wuru�u dakota�oraz ĩdyaun kaimana�o pidannao nii. 34 Kanom turuu ukian wadau�an: “oia�o ĩnao, marii ĩpataka�uta-kao”? Aonaa kanom. Usha�apanum kau�an, Christ Jesus pa�an wuru�u mawaka�oraz waunao oian dikin ii, oo powa�a zii manawun, Tominkaru kakudaniaz umawakan dauna�an. Kai umashaapan umanawun nii Tominkaru diwa�ora antanapu, utoriinpan Tominkaru ati waunao dau�an. 35 Ukau�an kandii turuu ubuutan waunao Christ kamarainapanun ai? Aonaa kanom. Wapataka�uta-kao pu�u, oo wabaiaapan pu�u dadara�o mashaapa-karu, oo wa�antamikita-kao pu�u wamishidan dikin ii, oo wabaiaapan pu�u zamazi-karu, oo aonaan pu�u ba�oran wakamichan nii. Wamashaapan pu�u kichana�iki-kia�o bii�i, oo pidannao zowian pu�u waunao, upu�u umarainpan waunao. 36 Na�apa usaadinpan kotua�o Tominkaru paradan ida�a: “Pupidanannaoun idi waunao, ipai kamoo pidannao aipan pazowian waunao. Wadi�itapa-kao, kaznizonao kawan, zowii-kariwainao ni�oraz." 37 Mazan na�apa kida�o aimaakan sha�apan pu�u wa�ati, ipai�o nii wawazootan kidaz Jesus Christ, marainpa�oraz waunao kaminka�utan ida�an waunao. 38 �garu, õaitapa kaimanaiman, aonaa kanom ka�iitan pabuutan waunao Tominkaru kamarainapanun ai: kakupa-karu oo mawaka-karu, angelnao oo oia�o doronainao, aimaakan sha�apa�o kai oo sha�apa�o nii diina�iti�i, 39 ma�ozaka-tinpainao doko ii oo imi�i baara an. Aonaa na�ia�oram toma-kariwai ka�iita�o pabuutan waunao Tominkaru kamarainapanun ai, uaidaniaz Christ Jesus wanaobanaa sha�apatanii ida�an.

‹ Chapter 7 ROMANS — All Chapters Chapter 9 ›

ROMANS 8

Cite / Share This Page