TITUS 2

WBT

‹ Chapter 1 TITUS — All Chapters Chapter 3 ›

1 Aizii pugaru, putominapa-kida�a naa pa�i pidannao wuru dau�a�a kuwai mishi�oraz na�iki sakitapa�oraz pa�an. 2 Puparada na�iki pukakinaota wuru�u tunarunao-tinpainao kidaz naa, kaiman kizi ĩdi�itinpan aonaa madoronaa-daun mani. Na�iki aitapin kizi ĩmashaapan. Na�iki ma�ozaka kizi ĩtaapan panyukunuu pasha�apatan ai oii kida�o aimaakan. Na�iki ĩtukapa-kida kizi tuukii pamishidan wuru�u mishida-kariwaiz kuwai. Na�iki mishi kizi ĩtukapa-kidan tuukii pakamarainapanun. Na�iki ĩtukapa-kida kizi mishi ma�ozaka ĩtaapan panyukunuu, pabaiatan pu�u dadara�o na�iki kasha�apanna�o mashaapa-karu. 3 Na�apa�o nii kapam pukakinaotan zunnao, wuru�u maskonnao-tinpainao kidaz naa. Pudyuuda ĩmashaapan kaiman, zunnao taapinainao ipai oia�o ai mashaapan kawan. Aonaa kizi ĩmashaapan pakadakotin-kidan dau�u pairibannao, na�iki aonaa kizi kapam ĩtuzapa-shorin. Mazan marii pa�an ĩtominapa-kidan ba�orainao kaimana�o mashaapa-karu dau�u. 4 Ĩtominapa-kida kizi�i naa wuru�u pa�inainaouz zunnao, daiarui marainapa-kao dau�u, na�iki daniinao marainapa-kao dau�u. 5 Na�iki ĩtominapa-kida kizi ĩdyaun ĩdadaradan dau�u panyukunuu, aimaakan sha�apata-kao ai madoronaa-daun. Na�iki ĩtukapa-kida kizi kapam na�apam pidan taapan pananaa ipai oia�o ai. Ĩtukapa-kida kizi na�apam daiaroi taapan padapu, na�iki na�apam daiarui marainapa-kao na�iki uparadan izo�ati-kao. Aizii mashaapa-karu an kaiman na�apa, aona�o nii kanom dakoopan Tominkaru Paradan. 6 Aizii pa�inainao daonaioranao, putominapa-kida kapam ĩdyaun. Marii kizi ma�ozaka ĩtaapan panyukunuu, pasha�apatan ai aimaakan madoronaa-daun. 7 Aizii pugaru na�apa kapam, pumashaapa na�iki pusha�apata ipai aimaakan kaiman, putukapa-kida kizi kaimana�o mashaapa-karu pukaduz ida�an. Na�iki mishi kizi putominapa-kidan pidannao kaimanaiman na�iki ma�ozaka�o ida�an. 8 Na�iki pukaiwaa sakitapa�o na�iki ma�ozaka�o kakinaorii, aona�oraz turuu udakowapa-kao. Na�apa�o ida�ana�o nii puba�azootin-kidan wuru�u dakomikinaouz, na�iki aona�o ni�i naa ĩaitapan kanom ida�an padakoopan waunao. 9 Aizii pidannao wuru�u torii-kariwaiz poitoruinao nii, putominapa-kida ĩdyaun marii kizi ĩmashaapan kaiman, na�iki marii kizi karikaonan ĩizo�atin panaobanaanao paradan. Kaiman kizi ĩnaobanaanao nyukunuu ĩ�ati, ĩsha�apatan idi ipai aimaakan kaiman. Aonaa kizi kapam ĩdako�atiizon panaobanaanao paradan. 10 Na�iki aonaa kizi ĩkoidapan aimaakan panaobanaanao di�iki. Mazan marii pa�an ĩtukapa-kidan mishi pakaimanan. Aizii ĩsha�apatinan an kaiman na�apa, ĩtukapa-kidan nii mishi�o ukaimanan wuru�u kuwai kowaadapa-kariwaiz Tominkaru wakazannaatiki dau�u kida�oraz. 11 Mishi Tominkaru tukapa-kidan pakamunanun ipai pidannao ati, ukazannaata�azon idi ĩdyaun pa�oian ai. 12 Tominkaru kamunanun idi ukakinaowan waunao, wamuuda kizi�i naa ipai oia�o, wuru�u aona�oraz unaudapan washa�apaapan. Na�iki wamuuda kizi�i naa washa�apaapan oia�o, wuru�u mamishida-kainao sha�apaapauzonii kidaz. Na�iki ukakinaowan waunao marii kizi�i naa wadadaradan wanyukunuu wuru aia�a dikauda kida�oraz washa�apaapauzon. Na�iki mishi kizi wamashaapan Tominkaru ati aitapin. Na�iki mishi kizi wamashaapan u�ati kaiman uaipan kawana�ati da�a�a imi�i baara�a�a, 13 wazaudapan pu�a�a naa umanawunu�o na�iki konaunama�o kamoo kaawan. Uruu na�apaini�o ni�i naa watukapan umanawunu�oraz waTominkarun na�iki wakazannaatapiki, Jesus Christ kaawan. 14 Uruu Jesus wuru�u taaina�oraz wa�oian dikin ii, uaipan idi paso�otan waunao washa�apaapan ai ipai wuru�u dikauda kida�oraz aimaakan. Na�iki uaipan idi pasaabaan waunao kaimanainao pidannao nii, na�iki papidanannao nii. Na�iki sha�apata�azoinao nii kaiman kida�o pa�idiwaru aimaakan. 15 Ukau�an putominapa-kida ipai pidannao wuru dau�ana�a wakowaadanii kidaz parada-karu. Na�iki ma�ozaka pukowaada ĩ�ati wuru�u dyuuda-kariwaiz pukowaadapan. Puma�ozakada kizi putominapa-kidaniinao nyukunuu uruu parada-karu dau�ati. Na�iki ma�ozaka pukashadakowau ba�orainao wuru�u aona�oraz ĩmishida�azon sakitapa�o kakinaowapa-karu. Aonaa pukashadapa-kidina�ana�a pidannao ati.

‹ Chapter 1 TITUS — All Chapters Chapter 3 ›

TITUS 2

Cite / Share This Page