Mark 8

1 Naêi marana patara ghaeghaena hivi tagogi yana meyehi. Patara ahi yam eêegha, yamna aubaina Yesu ana tauvotaghotagho i ghorehi da hi naêe awarina ma ipa, 2 “Madegha tonugha au horana, patara maiteêu a maêae ma ahi yam eêegha ma tauhi a rau-nuwapoapoeyehi. 3 Ana amhiraghehi ana paritawanehi, apo au etanai hina rau-moyaghahu ma ghehauhi uwamei hi neêi." 4 Ana tauvotaghotagho hi pari-beyei, “Weêi mutuyuwa ma mepa yam tana vaini da weêi patarana tana ghamohi?" 5 Ma Yesu tauhi i rau-bayadehi ipa, “Payawa bihagha awarimi?” Tauhi hi riwa, “Seven." 6 Ma Yesu patara i riwehi da hi tughura ma payawa seven i vaini ma God ivi egwayauwei ma ivo tomutomuhi ma ana tauvotaghotagho i verehi ma patara hi ghutehi. 7 Ma tauhi auwarihi iyana muhomuhohi ruwagha, Yesu i vaini, God ivi egwayauwei ma ana tauvotaghotagho i verehi ma tauhi patara hi ghutehi. 8 Tauhi anatapuhi hi am da hi am hi yauwa. Tauvotaghotagho yam amtereterenana hi tamaêaruaruhi da poha seven hivi howai. 9 Rava ahi magha 4000 nanaêarena ivi anihi. Au murina i pari-tawanehi da hi naeme ahi au numa. 10 Maratagogi, Yesu ana tauvotaghotagho maitehi au waga hi geru da hi damana Dalmanuta ana au parata. 11 Pharisee ghehauhi hi neêi Yesu awarina ma maiteni hivi awahegahigahiyana. Tauhi hi ghohei da Yesu hita rau-dadani da matakiraha, Godei itavi heghai. 12 Yesu aruwanei i yavutu tawanana ma i riwa, “Taumi, tupumuri ravami, aiwaêi aubaina matakiraha o ghoheghohei da ota inanai? A ririwana kauwemi apo matakiraha egha ona i inanai." 13 Yesu Pharisee ivo terehi ma ana tauvotaghotagho maitehi au waga hi gerume ma hi damana Galili topana au tupo ghehauna. 14 Ana tauvotaghotagho nuwanuwahi i vuru da payawa egha hita vaini, payawa tagogi ava au waga i maêamaêae. 15 Yesu iparivai nuwa i daghihi “Pharisee ma Herod ahi viharaharamana boêa, e raêaraêata me yist, ona inana vaimahiei." 16 Ma tauhi hi dede hipa, “Payawa eêegha aubaina e dedede." 17 Ma Yesu ahi dede i haramanei aubaina da i riwehi, “Payawa eêegha ma aiwaêi ovivi tarapiriyei? Taumi yohora egha ota inana tuhaghai bo? Koyami i bagibagi bo? 18 Matami e maêamaêae ma egha ota inainana ma tanighami e maêamaêae ma egha ota nononora bo? Ma o notanotai bo eêegha? 19 Maranaina payawa 5 a votomutomui rava 5000 aubaihi, payawa amtereterenana o tami da poha bihagha ivi howai?” Tauhi hi pari-beyei, “12” 20 Ma maranaina payawa 7 a votomutomui rava 4000 aubaihi ma payawa amtereterenana o tami da poha ghaeghaehi bihagha ovi howai? Tauhi i pari-beyei, “7” 21 Ma tauhi i riwehi ipa, “Taumi yohora da ovivi nuwanaina bo?" 22 Tauhi hi neêi au Bethsaida ma rava ghehauhi oroto matana apoapoena hi neiyai Yesu awarina ma hivi baghai da matana ita vodadani. 23 Orotona matana apoapoe i rau-êurana ma meyagaiyei i taravaina hopunei. Ma kampa matana i hovaêi ma uranei matana ivo dadani ma i rau-bayadehi, “aiwaêi e inainanai bo eêegha?" 24 Ma i tahepai ma i riwa, “Rava a inainanahi ma tauhi me eyagi, he bababara." 25 Yesu uranei oroto matana, ivo dadana meyei, matana i yawahana, i ahi ma aiwaêi anatapuna inana kauwei. 26 Yesu tauna i pari-tawanei ana au numa ma i riwei, “Egha au meyagai manaeme." 27 Yesu ana tauvotaghotagho maitehi i nae au meyagaigheha Sisiria Pilipai au gheregherena. Au etanaiyei ma i rau-bayadehi, “Rava he ririwa da Taêu aiyaêi?" 28 Ma tauhi hi pari-beyei, “ghehauhi e ririwa da tam John Taubabataito ma ghehauhi he ririwa da Elijah ma ghehauhi he ririwa da peroveta tagogi warihagha maemaena." 29 Ma Yesu tauhi i rau-bayadehi, “Wate taumi me o notanotanei ma i riwa da Taêu aiyaêi?” Peter i pari-beyei, “Tam Keriso, Tauvi yawahana Godei!" 30 Yesu tauhi ivi ghaehi da egha aiyaêi hina riwei da tauna aiyaêi. 31 Ma Yesu ana tauvotaghotagho vinuwaterenehi ivi kareni ipa, “Rava Natuna inavi nuwaêapoapoe kauwa ma Jew babadahi, piripirisi ghehauhi ma raugagayo tauvi haraharamanahi, hina pari-virevirei tauna ina hiraghe ma madegha tonugha au murina inavo mahiri me." 32 Yesu didimaninei weêi kauwahi ivi heghehi ma yamna aubaina Peter tauna i taravainariyeai ma i pari-virevirei. 33 Wate Yesu i maetavirei ma ana tauvotaghotagho i inanai ma Peter i pari-ghahiyei, ipa, “Satan manae au muriêu! Tam am nota egha Godei ita neneêi, eêegha da raveêi” 34 Yesu tauna patara ma ana tauvotaghotagho i ghorehi ma i riwehi, “Mepa da aiyaêi itavi muritaghoiu, tauna ina boviyana meyei, ana korosi ina avarai ma inavo taghotaghoêu. 35 Aiyaêi ravana ana yawahana evo vodidini ma e paêipaêini apo ina vineboai ma aiyaêi da ana yawahana e amverenei taêu ma tuyeghaêu ahiêahina aubaina, tauna ana yawahana ina vaina meyei. 36 Mepa da wei dobuna ana yawahana ma ana viguyau ina vainapahi ma yawahana Godei ina geduaiyei, wei dobuna viguyauna tauna me ina hagunei? 37 Wate aiwaêiyei am yawahana ma gimara meyei. 38 Mepa da aiyaêi taêu ma au viharaharamana inavi hinimayei weêi ghohaêapoapoehi kauwana au marana, Rava Natuna tauna inavi hinimayei maranaina ana aneya vivivireina maitehi, amana ana borumei hina nenememei."