1 waKorintiyu 3

1 Wanduzangu, sikidiri kusowera namwe kamba wanu wakumilikiwa na Roho wa Mwenyezimungu, ila nisowera namwe kamba wanu wa kibinadamu, wasimana upande wa Almasihi. 2 Nukupani maziwa kunywa, sukupereni cakurya cakukamata, konta wakatiâwo amukiwa na uwezo. Na mpaka sambiâpa amuna uwezo, 3 konta mungari kumilikiwa na wájibu wa kibinadamu. Kwa kuwa mwankutenderana wiyana na mwankukaidiyana, amolota kuwa mwankuinshi kibinadamu na mufulata namuna za wanu wa mulumwenguâmu? 4 Kamana munu mmojawapo paamba: “Omi ninfulata Paulu”, na mwengine akwamba: “Omi ninfulata Apolu”, amuwa wanu wa mulumwenguâmu? 5 Apoluâyo kawa kinani? Na Pauluâyo kawa kinani? Ewo watumisi wakuwa umwe mwamini julu yawo. Ofwe kila mmoja atumika kazi yaapewe na Mwenye. 6 Omi nivyala, Apolu katairira maji, fala Mwenyezimungu ndi akurise. 7 Kwa javyo, siyo bora avyála wala atairíra maji; ila bora ndi ire akurísa mbeyu, Mwenyezimungu. 8 Avyála na atairíra maji wasawaâsawa. Kila mmoja apokerera thawabu yake kwa kadiri ya kazi yake mwanyewe. 9 Kamana ofwe pamoja tankunkorera kazi Mwenyezimungu. Umwe ndi masamba aríma Mwenyezimungu. Novyo, umwe ndi majengo yaajenga Mwenyezimungu. 10 Mwenyezimungu kanipa rehema ulu kuwa fundi mwijiwifu wakujenga, ntamana nijenga aluserusu, mwengine ajénga julu yake. Kila mmoja atunze namuna vyakujenga julu ya aluserusuâyo. 11 Konta aipo aluserusu nyengine munu yaakidiri kutula sairi ire isire kuturiwa. Aluserusuâyo ndi Insa Almasihi. 12 Wengine, pakujenga julu ya aluserusu, watumira oru, parata, mawe akung’anira, mbawo, minyani, au makuti. 13 Fala suku ya Kiyama, kazi yaakorire kila munu ikuja kuwoneka. Kamana noyo sukuâyo, ifafanuriwa na moto. Namuna ya kazi ya kila munu, motoâwo ndi uja kupima. 14 Kipama caajengire munuâco cikikala, munuâyo apata thawabu. 15 Fala kipamaâco cikilungula, munuâyo apata hasara. Novyo-sivyo, iye akuja kuvushiwa, fala akuwa kamba munu wakunusurika pamoto. 16 Amwijiwa kuwa muwa nyumba takatifu ya Mwenyezimungu, na Roho wa Mwenyezimungu kekala nkati yenu? 17 Ikiwa munu mmojawapo anyausa nyumba takatifu ya Mwenyezimungu, na iye Mwenyezimungu andangula. Kamana nyumba ya Mwenyezimungu takatifu, na nyumba yawenye ndumwe! 18 Asiwepo wakuritesa mwanyewe! Ikiwa mmojawapo kati yenu ariwona kuwa mwijiwifu mulumwenguâmu, ariture kuwa zozo, ipate awe mwijiwifu. 19 Konta werevu wa mulumwenguâmu kinu ca uzozo mbere ya Mwenyezimungu. Kamba vyavyandikiwe : “Munu aritula kuwa mwerevu, nkati ya ujanja wake, Mwenyezimungu ankoresa." 20 Yandikiwa tena javi: “Mwenye akwijiwa mawazo a werevu, akwijiwa kuwa aafãi kinu." 21 Basi sambi, asiwepo wakuridãi kuhusu munu mmojawapo. Kusema kweli, piya vyenu umwe: 22 Paulu, Apolu, Peduru , ulumwenguâwu, mainsha na kifo, viripo na víja kuwepo, piya vyenu umwe, 23 na umwe wa Almasihi, na Almasihi wa Mwenyezimungu.