PSALMS 120

1 Aninga ikup ningi Yawe arusam, se nu agiring iluso. 2 O Yawe, kariimet nuguring kawel karogo wore nuguting te aga sangaru toko, ale kariimet nungamili guruga patawura karogo mu nuguting te aga sangaru toko. 3 Nina kariimet nigiring memek mu, nu awuk ninga bitiruk i? Ale anape bo karogo nengete bitirukko? 4 Nu kager kari ko daga gotek kore buguyam mu te ninga moruk, ale tuwer giturum kaniwara mu te ninga kaiyokko. 5 Bare ani Meshek kariimet nunga ningi baga maguwu lagasam; ani Kedar kariimet nunga ningi memek baga lagasam. 6 Ani kariimet, lila te bagara ko kiwem mu me ko kuawara umu nunga ningi tom maiya biya bagerem. 7 Ani mu angamang lila ko kari; bare tom ani bagara lila mu ko balukasam, mu nuna kager ko la balukasan.