Mukanda wa theti kwena bisi Khoditu 1Khoditu 2

1 Tangwa yisa kwena benu baphangi bama, ndangu yilusamwana maswekamu ma mabanza ma Nzambi, yiÌsamunamoku yi ndinga yaluma kondilo ya mudimu. 2 Mukuma yiÌbonga lukanu ni hana kati dya benu, nzayaku mambu mahika kaka mamana matadidini Yesu Kidisitu, Yesu Kidisitu wuna baÌkhoka ha kitakani . 3 Ha yiÌkala meni meni kwena benu, yiÌkala mu lebakani; yi bweya yi matekita ma lawu; 4 Ndinga yama yi kusamuna kwama, byaÌkalaku yi mudimu wa kukwikisa batu, kimutu, mana mafwani kuphindula mabanza ma batu, kaasi kwaÌkala kusongila kumosi kwa Kitembu yi ngolu. 5 Ndangu, lukwikilu lwenu lukalaku mu mudimu wa batu, kaasi mu ngolu za Nzambi. 6 Kinga mudimu wumosi tubati longa hakati dya batu babana baÌkiluka mu kitembu. Kaasi weku mudimu wa tangwa dyadi, keti wuna wa bapfumu ba tangwa dyadi, babana baÌtangama ni babaÌzanga. 7 Mudimu wa Nzambi tubati samuna, wuna wa diswekamu amana waswamana mwena batu. Nzambi waÌsolawa tuka thama kikuma kya betu ndangu katukotisa mu khembu yetu, tukila buna tsi khaku kedi yihangama. 8 Keti pfumu mosi wa tsi yayi kaÌzayawoku kedi. Mukuma wadi ni baÌdizayilakawa, wadi bakhanaku mukhoka ha kitakani Pfumu wa khembu. 9 Kaasi, bwosu baÌsonika: «Mambu mana kakonda mona kedi disu, yi mana kakonda kedi yuka kutu, yi mana makonda kedi tula ku mbundu ya mutu, Nzambi waÌyidikilama batu bana bisi muzola yandi.» 10 Kinga, kwena betu kaÌsongilama Nzambi, muna Kitembu. Kikuma, Kitembu kisi bakula byosu, ata bitsweki bina byenina muna kati dya mbundu ya Nzambi. 11 Amana nati, hana kati dya batu, wuzayini bitsweki byosu bina byenina muna mbundu yandi yuka ni ka Kitembu ku wuna wenina mwena yandi? Phila mosi ni heku mutu wuzayini mabanza ma Nzambi, kaka Kitembu wa Nzambi. 12 Kinga betu twaÌtambulaku kitembu kya ha tsi yayi, kaasi Kitembu wuna wutuki kwena Nzambi, ndangu twazaya mambu mana kaÌtuheka Nzambi mu khenda zandi. 13 Yihana ni, betu thwisiku zonzila mambu mana misi tuka ku mudimu wa batu, kaasi yi mambu mana kisi longa Kitembu Kyatoma. Yihana ni thwisi bangumuna kyedika kya kitembu mu mihowu mina kisi hana Kitembu Kyatoma. 14 Kaasi mutu wuna wenina lwesi yi kitembu kya kimutu kisiku tambula mambu mana matuki kwena Kitembu wa Nzambi. Mukuma mambu mana menina, kikuma kya yandi, hanga kilawu. Phasi kwena yandi mu kubakulama, kikuma mu Kitembu lwesi bisima fundisila. 15 Mutu wuna wenina mu kitembu, yandi kisi fundisa mambu moosu, kaasi yandi meni bisiku mufundisa kwena mutu. 16 Kikuma, baÌsonika bwabu: «Nati wuzayini dibanza dya Pfumu? Nati wufwani kamuheka ndongisila?» Kinga betu, betu thwenina yi dibanza dya Kidisitu.