Mukanda wa theti kwena bisi Tesalonika 1Tesalonika 1

1 Pholu, Silasi yi Thimoti. Kwena Dibundu dya bisi Tesalonika dina dyenina mwena Nzambi Tata, yi mwena Pfumu Yesu Kidisitu: Yambula khenda yi ngemba byakala yi benu. 2 Thwisi vutula kosu tangwa matondu kwena Nzambi kikuma kya benu boosu, amana thwisi tumbula mazina ma benu konda kulembwa muna bisambu byetu. 3 Thwisi yubuka mu moosu mana malutadidini: muhangu wa lukwikilu, lombu dya lungongu yi kikwamina kyenu mu kivuvu kya Pfumu wetu Yesu Kidisitu, ku mesu ma Nzambi wetu yi Tata wetu . 4 Tuzayini, baphangi, ni Nzambi waÌluzola amana waÌlusola, 5 mukuma Musamu wa Bukheti wetu waÌlutudilaku mu ndinga lwesi, kaasi yi ngolu zina zilutini yi Kitembu Kyatoma yi kikumbwala kya lawu. Amana phi, luzayi keti abweti tukadiki ha kati dya benu, kikuma kya mboti ya benu. 6 Amana benu, lwaÌtusokulula, betu yi Pfumu, mu kutambwasa Ndinga, ha kati dya kiwayi kya lawu, yi kyesi kya Kitembu Kyatoma . 7 Yihana lwaÌkitwakila mbandu mosi kikuma kya bakwikidi boosu muna Masetwani yi mu Akayi . 8 Mukuma ndinga ya Pfumu yaÌyukalakana kwena benu, amana heku ni ku Masetwani lwesi yi ku Akayi: lukwikilu lwenu mwena Nzambi lwaÌzayakana muma mwosu, mu phila yina yenina ni thweku yi mupfunu wa kuzonzilabwa keti khi kima. 9 Bisi menika, kikuma kya betu, khi mutindu wa kuyamba twaÌwana kwena benu, abweti lwaÌbaluka kwena Nzambi, mu kubwisaka nzambi za biteki kikuma kya kusadila, hanga bahika, Nzambi mosi wa moya yi wa kyedika 10 yi kikuma kya kuhingila ni Mwana wandi, Yesu, wuna kaÌfutumuna ha kati dya bafwa, kisa vutukisa tuka mu mazilu, yandi watuÌkatula ku khabu zina zakwiÌsa.