Mukanda wa zodi kwena Thimoti 2THIMOTI 1

1 Meni Pholu, thumwa wa Kidisitu Yesu muna luzolu lwa Nzambi, wuna waÌpheka kiyeka kya kusamuna moya wuna baÌtusila kilangi mwena Kidisitu Yesu. 2 Kwena Thimoti , mwana wama watondama: Khenda, kheni yi ngemba kwena Nzambi, Tata, yi kwena Kidisitu Yesu, Pfumu wetu! 3 Mvutudi matondu lawu kwena Nzambi wuna yisi sambila yi katsatsa ka kasemi, bwosu baÌkala bakhaka bama. Amana phipha, mwini yisiku lembwa mu kulusyaka mu bisambu. 4 Ngyubukini matsanga maku, tsambu ya lawu phi yenina yawu ni yikumona tswatsu, ndangu yibasa mu kyesi. 5 Ngyubukini phi lukwikilu lwa masonga luna wenina lwawu; hanga luna kaÌkala lwawu khaka waku wa mukhetu Loyisi, yi luna lwa ngudi waku Winisi, yenina yi kikumbwala ni wenina lwawu phi ngeyi. 6 Kikuma kya bwabuna, yikubambukisini: tokamisa kabu dya Nzambi dina waÌbonga ha yikusya moku. 7 Kikuma, Kitembu yandu katuhekini Nzambi kisiku tunatina bweya; kaasi kisi tuheka ngolu, zola yi kudikengila. 8 Wuyukaku tsoni mu kuta kimbangi kya Pfumu wetu, keti kya meni, mutu wandi wa boloku. Kaasi mona phasi hakimosi yi meni kikuma kya Musamu wa Bukheti, muna ngolu zoosu zina kaÌtuheka Nzambi. 9 Yandi Nzambi waÌtuhulula amana waÌtutela mu mbila yatoma, ka kikuma kya mihangu myetu ku, kaasi muna kulanda mabanza mandi mana kaÌdiyidikila kedi, mu khenda zina kaÌtuheka mwena Kidisitu Yesu tuka luyanduku lwa matangwa mamana misiku hwa. 10 Khenda zazi katusongidiza buthwena muna kudimonikisa kwa Muhuludi wetu, Kidisitu Yesu. Yandi wuna wisa zilula ngolu za lufwa amana wumonikisini moya wa mvula yi mvula muna nzila ya Musamu wa Bukheti. 11 Kikuma kya Musamu meni wawu wa Bukheti, meni, baÌtsikununa yikala mbambala, thumwa yi mulongi . 12 Kikuma kya bwabuna yisi dikumbidila mu phasi zazi; yisibwoku yukila tsoni, mukuma nzayi mwena nani yiÌsila lukwikilu lwama, amana yenina yi kikumbwala ni yanduna kenina yi hamu dya kukeba kina baÌpheka yi kuna kilumbu meni kyakina. 13 Simbidila, muna lukwikilu yi muna zola dina dyenina mwena Kidisitu Yesu, mbandu ya ndinga zina za bukheti waÌyuka kwena meni. 14 Sweka ndinga zoosu za bukheti zina baÌkuheka mu nzila ya Kitembu Kyatoma wuna wisi zingila mwena betu. 15 Wuzayibwa ni batu boosu ba ku Aziya basala nzukula, mu kati dya batu babana benina Fizyedi yi Edimozyeni. 16 Pfumu kaÌhana khenda zandi muna nzu ya Onezifodi, mukuma kisi pheka kikesa amana kaÌyukaku tsoni za miyololu mya meni; 17 kaasi buna kisa ku Loma, wasya ngolu mu kwenda tsanda amana waÌmbona. 18 Yambula Pfumu kamusadisa kalenga bonga khenda kwena Nzambi muna kilumbu meni kyakina. Ngeyi meni wuzayi mboti bisalu byosu katsadidi ku Efesu.