MIHANGU 11

1 Bathumwa yi baphangi bana bakala mu Yuteya baÌyuka ni baphani, bawu phi baÌtambudiki ndinga ya Nzambi. 2 Buna kaÌtombuka Phetelu ku Yelusalemi, bakwikidi ba bayuta baÌyandika mu kumuyumanisa: 3 mu kuzimbula: «WuÌkotiki mu nzu ya batu bana bakonda yotisa amana wuÌdiki homa hamosi yi bawu!» 4 Hanga Phetelu wuyandiki mu kubatendwadila yi tsikiningi mana maÌluta. Wubazimbwadi: 5 «Meni, ku mbanza ya Zophe yikadi mu kulombila, tangwa mbonikini mbona mesu: kima kimosi kyakala kulumuka, hanga kitemba kyambuta kya muledi, kyakuzitikila muna tsongi ya, kyakala kulumuka tukidila ku zilu amana kyisi yi hana yiÌkala meni. 6 Mu kusimbululakya, mboni ni haÌkala yi bambisi ba malu maya ba ha tsi yi bambisi ba mu musitu yi bana bisi landanda yi banuni ba ku zilu. 7 Kunima ngyuki ndinga mosi yaÌnzimbwala: “Telama, Phetelu, honda amana dya!" 8 Hanga mvutudi: “Yilendaku, Pfumu, khaku kedi mukota kima kyasumuka, keti kya tsiku muna munwa wama." 9 Mu mbala yazodi, ndinga yaÌtuka tukidila ku zilu yinzimbwadi: “Kina kasemisi Nzambi, ngeyi wumonakyoku mvindu." 10 Bwabuna bwaÌsalama mbala tatu, ku manima byosu byaÌvutuka ku zilu. 11 Muna tangwa meni dina, bayakala bamosi batatu bana baÌthumina ku Sezale, baÌtula hana thwala ya nzu yina twaÌkala. 12 Kitembu kinzimbwadi ni yenda yi bawu konda keti-keti. Baphangi basambanu baba lubati mona benda tsindikila, amana twaÌkota muna nzu ya mutu meni wuna. 13 Yandu-yandu waÌtumenika buna kaÌmonika wanzyo muna nzu yandi, mu kuzimbula: “Tuma mutu kuna Zophe, kenda mutela Simoni wuna bisi tela Phetelu, 14 Yandi wakuÌzimbwala ndinga mwena zina wahuÌlwakila, ngeyi yi nzu yaku yosu." 15 Buna yiÌyandika mu kuzonza, Kitembu Kyatoma kikulumukini, kwena bawu bwosu kyakulumuka kwena betu ku luyandiku. 16 Hanga ngyubuki ndinga yina kaÌzonza Pfumu: “Yowani kaÌbotika yi mamba, kaasi benu, lwataÌmbula mbotika ya Kitembu Kyatoma." 17 Amana yuka ni Nzambi kabahangila kabu dimosi yi betu kikuma kya buna twaÌkwikila mwena Pfumu Yesu Kidisitu. Nati yenina meni mu kukakidila Nzambi?» 18 Kunima kuyuka bwabuna, baÌdibata amana baÌmuzatula Nzambi, mu kuzimbula: «Nzambi waÌhana phi kwena Baphani tsobuka ya bikalulu yina yisi nata ku luzingu lwa mukwandi.» 19 Bana baÌmwangalakana kikuma kiwayi kina kyaÌkala kunima lufwa lwa Kitsyeni, baÌhitila ku Fenisi, ku Siphe yi ku Atyoki, kaasi bakalaku longa batu bahika, kwena Bayuta lwesi. 20 Kinga, hana kati dya bawu, haÌkala yi bakwikidi bahika bisi Siphe yi bisi Sileni, bisa ku Atyoki amana bakala zonzila kwena baphani ba ndinga ya ngeleti yi kusamuna Musamu wa Bukheti wa Pfumu Yesu . 21 Koku dya Pfumu dyaÌkala kumosi yi bawu, amana batu balawu baÌkwikila, baÌbalula phi mbundu za bawu kwena Pfumu. 22 Musamu waÌtula kwena Dibundu dya Yelusalemi. Amana baÌtuma Balanabasi ndangu katula yi kuna Atyosi. 23 Mu kutula kwandi, buna kaÌmona mamboti ma Nzambi, waÌsangwala lawu, waÌbaheka kikesa boosu ndangu bakangama kwena Nzambi yi mbundu yimosi. 24 Mukuma kaÌkala mutu wa bukheti, wabasa yi Kitembu Kyatoma yi lukwikilu. Hanga mulumba-lumba wa batu balawu baÌkhundakana kwena Pfumu. 25 Kunima, weÌnda sanda Sawulu ku Tadisi. 26 Kunima dya kumusengumuna, waÌmunata ku Atyosi. Banangi kwakuna mvula muthu, mu kuwaphama mu lukutakanu lwa Dibundu amana bakala longa mulumba-lumba wa batu balawu. Balonguki, ku Atyosi baÌbongilaya khumbu ya bakidisitu, mu mbala ya theti. 27 Muna bilumbu meni bina, bambikudi bamosi baÌkulumuka tukidila ku Yelusalemi yi kuna Atyosi. 28 Mosi hana kati dya bawu, khumbu yandi Hakabusi, kaÌtelama amana waÌsamuna mu ngolu za Kitembu Kyatoma ni nzala ya lawu yakoÌta mu tsi yosu ya bisi Loma. Nzala yaÌkota, muna tangwa dina kaÌkala Koloti pfumu wa mbuta wa mbanza. 29 Hanga balonguki babongi dibanza dya kuhitika lusadisu, kosu mutu muna kitesu kya kuvwa kwandi, kwena baphangi bana bakala zingila ku Yuteya. 30 Bwabuna bahanga amana baÌhitikalwa kwena bambuta ba dibundu mu nzila ya Balanabasi yi Sawulu.