MIHANGU 15

1 Ndambu ya batu bana baÌtuka ku Yuteya, bisa ku Atyosi, bwabu bakala longa kwena baphangi: «Yukani ludiyotisiku, bwosu bulombi mu mikuku mya Moyize, lwalendaku huluka.» 2 Pholu yi Balanabasi baÌtendana lawu yi bawu. Hanga kunima babongi lukanu ni Pholu, Balanabasi yi ndambu ya batu ba bisi Atyosi batombuka ku Yelusalemi, ku thwala ya bathumwa yi malemba ndangu benda zonzila dyambu dina. 3 Dibundu baÌbaheka bina baÌkalabyawu mupfunu kikuma kya mu nzila . Bwosu bakala hitila mu nzila ya Fenisi yi ya Samadiya, yi kumenikaka buna baÌbalwamina mbundu Baphani; amana bwakala hana kyesi kya lawu kwena baphangi. 4 Mu kutula kwa bawu ku Yelusalemi, bathumwa yi bambuta ba dibundu, baÌbayamba ku Dibundu amana baÌbatendwala moosu mana kaÌhanga Nzambi mu nzila ya bawu. 5 Ndambu ya batu bana baÌkala mu kibuka kya bafwadisi amana baÌkituka phi bakwikidi, hanga batelami mu kuzimbula: «Bulungi ni babayotisa bakwikidi bana ba Baphani amana babatuma ndangu balemvuka mu mitsiku mya Moyize.» 6 Bathumwa yi malemba baÌkutakana ndangu bazonzila dyambu dina. 7 Tangwa dya lawu kyaÌbonga kinzonzi. Kunima, Phetelu waÌtelama amana wubazimbwadi: «Baphangi bama, luzayibwa ni tuka thama, Nzambi wasola ha kati dya benu, ndangu mu munwa wa meni Baphani bayuka ndinga ya Musamu wa Bukheti amana bakwikila. 8 Amana Nzambi, yandi wuzayi mbundu, wubatidi kimbangi mu kubaheka Kitembu Kyatoma hanga kwena betu ; 9 kaÌsyaku keti diswaswanu dimosi ha kati kya betu yi bawu, mukuma waÌsemisa mbundu za bawu mu lukwikilu. 10 Buthwena bwabu, kikuma kya biki lubati musokila Nzambi mu kubanatisa balonguki zitu dina bakonda lenda bakhaka betu yi betu-betu mu kunata? 11 Thwisi kwikila ni mu khenda za Pfumu Yesu twaÌhulwakila betu yi bawu.» 12 Kibuka kyosu kyahwena talala, amana bakala hinikina Balanabasi yi Pholu kutendula bidimbu byosu yi biphadi bina kaÌsala Nzambi, mu nzila ya bawu, ha kati dya Baphani. 13 Buna baÌmanisa kuzonza, Zyaki waÌbonga ndinga, waÌzonza: «Baphangi, ngyukenu! 14 Simoni kaÌtendula phila yina kaÌbongila Nzambi, mbala ya theti, hana kati dya makanda, kanda dimosi kikuma kya khumbu yandi. 15 Ndinga za bambikudi zifwanakani yi mambu meni mamana, bwosu baÌsonika: 16 “Ku manima ma bwabuna yikwisa hika, mu kutungulula sombolu dya Tavidi dina dyabwa, yiteÌlamisadya hika mu kuzangana kwandi, amana yisuÌngikadya. 17 Ndangu batu bana basadi balenga sanda Pfumu, abwabuna, makanda moosu mana menina yi khumbu yama, 18 mamana kaÌzimbula Pfumu, yandi wuna waÌzayikisa mabanza mandi, tukidila thama." 19 Yihana, meni mboni ni babayangisaku Baphani bana babaluki kwena Nzambi. 20 Kaasi tubasonikinenu: bayambula mu kudyaka mbisi basadidi mu nzila za biteki, bayambula mbongi yi bambisi bana bisi zeka tsingu yi bana ba khengu. 21 Kikuma, tuka makula ma thama, muna kosu mbanza, mwena yi batu bisi tanga mitsiku mya Moyize yi muna kosu sabata muna nzu za kimvuka za Bayuta.» 22 Hanga bathumwa yi malemba yi Dibundu dyosu bamonibwa mboti mu kusola bayala hana kati dya bawu ndangu benda basindikila Pholu yi Balanabasi ku Atyosi. Yuta wuna bakala tela phi Balasabasi, yi Silasi, batu baÌkala yi kitya mu kati dya baphangi. 23 BaÌbaheka mukanda wawu: «Bathumwa, malemba yi baphangi bahitiki mboti kwena baphangi Baphani bana benina kuna mbanza ya Atyosi, muna Sidiya yi muna Sidisi! 24 Tuyukikini ni ndambu ya batu batukini kwena betu, bana twakondi senda, baluvwadingisiki mabanza amana baluyukisiki kiwayi muna ndinga za bawu. 25 Ihana, dyambu dina twaÌmonidya bukheti betu boosu mu kusola bayakala amana twabahitika kwena benu ha kimosi yi batya betu Balanabasi yi Pholu, 26 bawu baÌtambika luzingu lwa bawu kikuma kya khumbu ya Pfumu wetu Yesu Kidisitu. 27 Tuluhitiki Yuta yi Silasi, bawu baÌluzimbwala ndinga meni zina muna munwa mya bawu. 28 Ihana ni, mboti bwenina kwena Kitembu Kyatoma yi kwena betu-betu ni tuluyekikaku keti kizitu kyahika, kaka mihangu mina miluti mupfunu: 29 kudikenga ku bima bina balambudi kwena biteki yi menga yi bambisi bana ba bithitu, yambulenu kindumba; yuka ni lwazitisa mambu mana mosu, mboti lwahaÌnga. Salenu mboti!» 30 Hanga bawu babasisi amana bakulungi ku Atyosi, kwakuna, baÌkutikisa kibuka kya bakwikidi amana baÌhana mukanda. 31 BaÌtangawa amana baÌsangwala kikuma kya kusyamisa kuna. 32 Yuta yi Silasi, bawu meni bakala bambikudi, baÌhana kikesa kwena baphangi yi kubasyamisa mu ndinga za bawu za lawu . 33 Kunima dya ndambu ya tangwa, baphangi baÌbazodila kuvutuka kwa ngemba kwena bana baÌbahitika. [ 34 Kaasi Silasi waÌmonabwa bukheti mu kusala kuna Atyosi kaasi Yuta waÌvutuka yandi buhika ku Yelusalemi]. 35 Pholu yi Balanabasi, baÌzinga kuna Atyosi, mu kulonga yi kusamuna Musamu wa Bukheti wa ndinga ya Pfumu, kumosi yi batu bakwawu balawu. 36 Kunima ndambu ya bilumbu, Pholu waÌzimbula kwena Balanabasi: «Tuvutukisa mu kutala baphangi muna mbanza zoosu, muna twaÌsamuna ndinga ya Pfumu, ndangu twazaya keti bweti benina.» 37 Balanabasi kaÌzola ni bamunata Yowani, wuna bakala tela Malaku; 38 Kaasi Pholu kaÌmona ni ka mboti ku banata mutu wuna waÌbatina kedi tuka ku Phafidiya amana wakonda basindikila mu kisalu kya bawu. 39 BaÌnanama lawu, ku tsuka badihambula. Balanabasi waÌmubonga Malaku amana baÌkota mu masuwa ndangu benda ku Siphe, 40 Pholu, yandi, waÌsola Silasi amana benda, ku manima ma kubasya ha moku ma Pfumu, kwena baphangi. 41 WaÌlutila ku binzunga bya Sidiya yi Sidisi mu kusyamisa Mabundu.