MIHANGU 23

1 Pholu waÌbatala kuna mbunzu batu baÌkala ha mbasi, wuzimbudi: «Baphangi bama, kikuma kya meni, yi katsatsa ka bukheti kosu yisi zingila ku mesu ma Nzambi, yi kuna lelu dyadi.» 2 Mbuta wa banganga Nzambi Ananiya waÌsenda kwena bana baÌkala bela-bela yi yandi ni bamubetila ku munwa. 3 Hanga Pholu wumuzimbwadi: «Nzambi wakuÌbeta ngeyi, kibaka basiti phemba ! Ngeyi wenina wasikuka haka kikuma kya kupfundisa buna bulombi mitsiku yi mana matadidiku mitsiku, wubati senda ni bambeta!» 4 Bana baÌkala bela-bela yi yandi baÌzimbula: «Wubati tukwana mbuta wa banganga Nzambi!» 5 Pholu wuvutudi: «Nzayikiku, baphangi bama, ni mbuta wa banganga Nzambi kaÌkadiki. Kikuma, baÌsonika bwabu muna Masonuku: “WazoÌnzilaku mbi ya pfumu wa kanda dyaku!"» 6 Bwosu kaÌzaya ni ha kati dya kimvuka kyambuta haÌkala yi Basadise yi Bafwadisi, hanga Pholu wuyandiki kukalunga: «Baphangi bama, meni yenina Mufwadisi, mwana wa Bafwadisi! Yukani meni babati pfundisa, kikuma kya kivuvu mu lufutumuku lwa bamvumbi.» 7 Tangwa kaÌzonza bwabuna, ngyuma zaÌbwa hana kati dya Bafwadisi yi Basadise, amana kimvuka kyaÌdikabisa. 8 Kikuma Basadise, bawu, bisi zimbula ni kweku lufutumuku, keti wanzyo, keti kitembu kaasi Bafwadisi, bawu, bisi kwikila muna byosu bina. 9 BaÌthuta hika ndinga, hanga ndambu ya balongi ba mitsiku bana baÌkala ku mukanzu wa Bafwadisi baÌtelama amana baÌbwisa mu ndinga ya ngolu: «Tumoniku keti mbi mwena mutu yandu. Amana yukani kitembu kondilo wanzyo wumuzonzidikini!» 10 Bwosu zakala vula ngyuma, tudibeni waÌyuka bweya ni bamubukununa nana Pholu, hanga wusendi kwena baphumbulu bandi ni bakulumuka amana bamukatula Pholu ha kati dya bawu amana bamukotisa mu kati dya kaa dya baphumbulu. 11 Phipha yalanda, Pfumu wisa mulubwakila amana wuzimbudi: «Kikesa! Bwosu buna wuthidi kimbangi ku Yelusalemi, bwabuna phi waÌnata kimbangi ku Loma.» 12 Tangwa kwakya kuma, Bayuta baÌkasa kifwandu amana balabi ni badyaÌku, banwaÌku phi keti kima yukani khaku kedi bamuhonda Pholu. 13 Bakasi ba kifwandu kina baÌkala thalu kuluta makumaya. 14 BeÌnda bamona bapfumu ba banganga Nzambi yi bambuta ba dibundu ndangu babazimbwala: «Tudikini thiti ni twadyaÌku kedi kima yukani khaku bamuhonda Pholu. 15 Buthwena, benu, yukanenu yi bakwa mukanzu wambuta ndangu balomba kwena tudibeni, ni bamukulumuna Pholu ku thwala ya benu. Hanga mbedi ni lubati zola lwalonguka yi masingitini dyambu dyandi. Amana betu, hanga tuswamini ndangu twamuhonda konda katula kedi.» 16 Kaasi mwana khasi wa Pholu waÌyuka kuzonzila kifwandu mekina amana weÌnda kuna kaa dya baphumbulu, waÌkota kwakuna mu kumuzimbwala Pholu. 17 Pholu waÌtela mosi wa basatudiyoni amana wumuzimbwadi: «Munata mwana yakala yandi kwena tudibeni, mukuma kenina yi ndinga ya kumuzimbwala.» 18 Satudiyoni wuna waÌmubonga, waÌmunata phi kwena tudibeni amana wuzimbudi: «Pholu wuna wenina mu boloku, kaÌthedini amana wundombi ni yisa kunatina mwana yakala yandi wenina yi ndinga ya kukuzimbwala.» 19 Tudibeni waÌmusimba muna koku, weÌnda ku phengu amana waÌmuhyula: «Biki wuzodi wanzimbwala?» 20 Yandi waÌvutula: «Bayuta baÌyukani ndangu bakulomba ni mbasi wamuÌkulumuna Pholu ku thwala kimvuka kyambuta, hanga mbedi ni yandi zodi kalonguka mboti dyambu dyandi. 21 Kaasi ngeyi, wubayukilaku, mukuma, batu kuluta makumaya, hana kati dya bawu, bamuÌleka mutambu. BaÌdikini thiti ni badyaku kima keti kunwa yuka ni khaku kedi bamuhonda Pholu. Buthwena, bayilama benina amana dibanza dya ngeyi babati hingila.» 22 Kunima dya kumukandikisa mwana yakala wuna ni kamenikinaku kwena mutu, mambu mana kaÌmuzimbwala, hanga tudibeni wumuvutudini. 23 Kunima, tudibeni waÌtedisa basatudiyoni boodi amana wubazimbwadi: «Bongenu baphumbulu khama zoodi yi bakwawu makumi tsambwadi bana bisi zanza ha thandu ya baphunda yi bakwawu hika khama zoodi bana benina yi madyonga ndangu bayilama mu kukwenda ku Sezale mu tangwa dya vwa dya phipha. 24 Yidikenu phi baphunda kikuma kya kumunatina Pholu kwena pfumu wa kinzunga Fidikisi .» 25 Hanga wusoniki kisyati bwabu: 26 «Kodiyusi Dizyasi, kwena mutu wa mayedi pfumu wa kinzunga Fidikisi, mboti. 27 Mutu yandu, Bayuta baÌmukwati, amana baÌzodikini ni bamuhonda wadi yendiku yakidilaka yi kibuka kya baphumbulu bama; ngyukiki ni mwisi mbedi ya Loma kenina. 28 Bwosu nzodikini mu kuzaya kikuma kina bakamufundilaka, yiÌmukulumuna kuna thwala ya kimvuka kya bawu kyambuta. 29 Mbakisi ni muna mambu matadidi mitsiku mya bawu bakadi mufundila, kaasi haÌkalaku keti kima kifwani kumunatina lufwa holo miyololu. 30 Buna baÌndwengisiki ni bakasi kifwandu kikuma kya mutu yandu, yikuhitiki yandi mbala mosi, yibazimbwadiki bana bamufundiki, ni benda mufunda kwena ngeyi.» 31 Baphumbulu baÌhanga bwosu kituma kina baÌtambula, baÌmubonga Pholu amana baÌmunata phipha-phipha yikuna Atiphatisi. 32 Kilumbu kyaÌlanda, baÌvutuka ku kaa dya baphumbulu baÌsisa lwesi bakwa baphunda mu kukwenda yi Pholu. 33 Buna baÌtula ku Sezale, hanga bahani mukanda kwena pfumu wa mbanza amana bamusongidi yandi Pholu. 34 Kunima dya kutanga mukanda, pfumu wa kinzunga wumuhyudi Pholu keti mwisi khi kinzunga kaÌkala. Buna kaÌyuka ni mwisi Sidisi kaÌkala, 35 hanga wumuzimbwadini: «Yikuyuka nana tangwa bakwiÌsa bana baÌkufundikini.» Amana waÌsenda ni bamuphatila mu nganda ya Eloti .