MIHANGU 5

1 Kinga mutu mosi khumbu yandi Ananiya, yi Safila mukhetu wandi, waÌtekisa mafu ma bawu. 2 WaÌsweka ndambu yandi ya makuta, buna baÌyukana yi mukhetu wandi, amana wenda nata ndambu yina yaÌsala, waÌsikulaya phi muna malu ma bathumwa. 3 Hanga Phetelu wumuhyudi: «Ananiya, kikuma kya biki kabasisidi Satana mbundu yaku ndangu wahuna Kitembu Kyatoma mu kusweka ndambu ya hika ya makuta mana wutekisidi kilanga ? 4 Tangwa wuÌkadiki mawu, wufwanikiku waswekama? Ata tangwa maÌtekamiki, thalu ya makuta ma mawu yikadikiku mu hamu dya ngeyi? Kikuma kya biki wubanzidiki dyambu dya phila yina muna mbundu yaku? Wuhuniku kwena batu kaasi kwena Nzambi.» 5 Tangwa kaÌyuka Ananiya bwabuna, waÌbwa, waÌfwa phi. Amana bweya bwa lawu bwaÌbakwata boosu bana baÌyukabwa. 6 Bangunza baÌtelama, baÌvungaya mvumbi ha muledi amana baÌmunata, baÌmuzika phi. 7 Kitesu kya matangwa matatu maÌhita, mukhetu wandi waÌkota, konda kuzaya mana maÌbwa. 8 Phetelu wumuhyudi: «Nzimbwala, mu thalu meni yina lutekisidiki kilanga?» Amana yandi wuvutudi: «Mu kyedika, muna thalu meni yina.» 9 Hanga Phetelu wumuzimbwadi: «Abweti lufwaniki kuyukana ndangu lwasokisila Kitembu kya Pfumu? Zayabwa ni bana bamuziki yakala dyaku, mu mwelu benina; bakuÌnata ngeyi phi.» 10 Muna tangwa meni dina, waÌbwa muna malu mandi waÌtabula phi. Mu kukota kwa bangunza, baÌmuwana watabula; baÌmunata, baÌmuzika phi hana kabeta ka yakala dyandi. 11 Amana Dibundu dyosu bweya bwaÌbakwata lawu boosu bana baÌyuka mana maluta. 12 Biphadi yi bidimbu bya khumbwa bya lawu byaÌkala hangama kwena batu ku moku ma bathumwa. Bakwikidi bakala kutakana boosu, yi mbundu yimosi muna mbalanda ya Solumoni. 13 Amana muna kati dya batu bahika, keti mosi kanyotaku kukhundakana kwena bawu; kaasi batu bakala bazola lawu. 14 Kaasi kosu tangwa batu bakala kwikila mwena Pfumu, lawu dya bakhetu yi bayakala bakala yikama ku dingumba. 15 Bakala nata bambefu muna mabala-bala; bakala balubula ha biphoyu yi thangi za bawu, ndangu Phetelu ha kahita, kininga kyandi kyafidinga ndambu batu hana kati dya bawu. 16 Batu lawu baÌtuka mu mbanza zina zaÌkala bela-bela yi Yelusalemi, mu kunata bambefu yi batu bana bakala yangisa kwena bitembu bya mbi, boosu phi bakala beluka. 17 Amana bwosu baÌbasa yi kiphala, mbuta wa banganga Nzambi yi boosu bana baÌkala kumosi yi yandi, disongidila kibuka kya basadusi, bazodi bawakula. 18 Babakwatisi bathumwa, babakotisi phi mu boloku dya batu boosu. 19 Kaasi muna phipha, wanzyo mosi wa Pfumu waÌyafulula mwelu mya boloku amana waÌbalubula, wubazimbwadi: 20 «Alwenda, telamenu kuna nzu ya Nzambi, amana zimbulenu kwena batu mambu moosu mana matadidi luzingu lwalu lwa pha.» 21 Buna baÌyuka bwabuna, benda ku nzu ya Nzambi muna kati kya suka, baÌyandika phi kulonga. Mbuta wa banganga Nzambi yi bana baÌkala kumosi yi yandi baÌtula; baÌkutikisa malemba yi kimvuka kyosu kya bambuta ba bisi Kiseledi amana babatumi kusosa bathumwa muna boloku. 22 Kaasi batsinzidi mu kutula kwa bawu, baÌbawanamwoku mu boloku. Hanga bavutuki kwabawu, bahani phi meni dya bawu mu kuzimbula: 23 «Tuwani boloku dya kuphata buna bufwani; amana batsinzidi bazakala phi muna bifulu bya bawu kuna thwala mwelu. Kaasi tangwa tuyafuludi, tuwaniku keti mutu mosi mu kati.» 24 Buna baÌyuka bwabuna, bapfumu ba batsinzidi ba nzu ya Nzambi yi bambuta ba banganga Nzambi baÌyituka lawu kikuma kya dyambu dina, bakala dihyula keti bweti maÌhwila mambu mana. 25 Muna tangwa meni dina, mutu mosi wisa bazimbwala: «Batu bana lusiki mu boloku, kuna nzu ya Nzambi benina, babati longa phi batu.» 26 Hanga pfumu wa batsinzidi yi batsinzidi bendi basanda bathumwa. BaÌbanata konda kubayangisa, mukuma bweya bakala bwawu ni babahonda nana ku matadi kwena batu. 27 Tangwa baÌbanata, baÌbasya ku thwala kimvuka, amana mbuta wa banganga Nzambi waÌbasambisa. 28 Wuzimbudi: «Aketi tulukandisiki ni lulongilaku hika mu khumbu meni yina? Amana talenu buna lubasisi Yelusalemi mu malongi menu! Luzodi hika lwanokisina ha thandu ya betu, menga ma mutu wuna.» 29 Phetelu waÌvutula, kumosi yi bathumwa bahika: «Bulungi kulemvuka kwena Nzambi kaasi ka batu ku. 30 Nzambi wa batata betu waÌmufutumuna Yesu wuna lwaÌhondisa benu, mu kumukhoka ha kitakani. 31 Nzambi waÌmutombula kuna kitata kyandi, kakala Pfumu yi Muhuludi, ndangu kahana kwena Kiseledi kubalula kwa mbundu yi kuloluka kwa masumu. 32 Betu thwenina bambangi ba mambu mana, kumosi yi Kitembu Kyatoma kina kahana Nzambi kwena bana bisi mulemvukila.» 33 Amana bawu buna baÌyuka bwabuna, khabu zaÌbakwata, baÌzola phi babahondisa. 34 Kaasi Mufwadisi mosi khumbu yandi Ngamadyedi, mulongi wa mitsiku wuna bakala zitisa lawu kwena batu, waÌtelama hana kati dya kimvuka, waÌsenda ni babalubula koma bathumwa. 35 Kunima wuzimbudi phi: «Bisi Kiseledi, kebenu kikuma kya mambu mana lwahaÌnga kwena batu bana. 36 Mukuma mu mvula zilutuki, kaÌtelamiki mutu mosi wukaditsikisa ni yandi lwesi, Thetasi; amana batu bela-bela yi khama ya bakotiki mu dingumba dyandi. Kaasi bamuhondikini, batu bana bakamulandaka, boosu bamwangalakani, keti kima kisadikihoku hika. 37 Ku manima ma yandi kutelamiki hika Yutasi mwisi Ngadidi, mu tangwa dya kusonikisa khumbu, amana batu ba lawu bamulandiki ku manima kaasi yandi phi wufwiki, batu boosu phi hangi bamwangalakaniki. 38 Amana buthwena, yibatibwa luzimbwala, lulandaku hika batu baba, bayambulenu phi benda. Yukani mu lukanu lwa batu holo tsadidi ya batu, lwatoÌta. 39 Kaasi yuka ni kwena Nzambi matuki mamana, lwalendaku kubatotisa. Kebenu, lwakota nana mu mvita yi Nzambi.» BaÌtambwasa dibanza dyandi. 40 BaÌbatela bathumwa, bababetisi phi, amana bababwisisi ni bazonzilaku hika mu khumbu ya Yesu, kunima baÌbasula. 41 Bathumwa baÌlubuka mu kimvuka kya mbuta, yi kyesi kyosu mu kumona ni Nzambi wubatambwasi ni bawu balungidi mu kulewuka kikuma kya Khumbu ya Yesu. 42 Kosu kilumbu, kuna nzu ya Nzambi yi kuna nzu za batu, bakalaku lembwa mu kulonga yi kusamuna Musamu wa Bukheti wa Yesu wuna wenina Kidisitu.