Mukanda kwena bisi Kholosayi Kholosayi 1

1 Pholu, thumwa wa Kidisitu Yesu muna luzolu lwa Nzambi yi phangi Thimoti. 2 Kwena batu ba Nzambi, baphangi babana bisi sila mbundu mwena Kidisitu benina ku Kholosayi: Nzambi Tata wetu kaluheka khenda yi ngemba. 3 Tuvutudini matondu kwena Nzambi, Tata wa Pfumu wetu Yesu Kidisitu, amana thwisi lombila konda kulembwa kikuma kya benu. 4 Kikuma, twayukà mu kuzonzila lukwikilu lwenu mwena Kidisitu Yesu amana yi lungongu luna lwenina lwawu kikuma kya batu ba Nzambi boosu. 5 Mukuma, lwisi sya kivuvu mu mana kaluyidikila Nzambi muna mazilu. Tangwa lwayuka ndinga ya kyedika, Musamu wa Bukheti, ha watula kwa benu, wuluzayikisi kivuvu kyakina . 6 Musamu wa Bukheti wawu waÌtula yi kuna lwena benu, bwosu buna wubutini bibundu wuyalanganini muna tsi ya muthu, phila mosi kwena benu, tukidila buna lwaÌyuka amana lwaÌzaya khenda za Nzambi mu kyedika. 7 Musamu wa Bukheti wawu lwabongilawa kwena Ephafwasi, nduku wetu wa kisalu, kenina musadi wa Kidisitu walunga kikuma kya benu. 8 Amana, yandi waÌtumenika mutindu wa lungongu luna kaÌluheka Kitembu. 9 Yi hakana, betu phi, tuka kilumbu kina twaÌyukilabwa, thwisiku lembwa mu kulombila Nzambi kikuma kya benu, mu kulomba phi ni lwakala babasa mu nzayilu ya luzolu lwandi, muna mudimu wosu yi ngangu za mu kitembu. 10 Ndangu lwadyatilaka mu mutindu wuna kazodini Pfumu, ndangu twamusephidisaka bwosu buna kyisi zola mu mambu moosu; lwabuta bibundu muna mitindu mya mihangu myosu mya bukheti, lwakola muna nzayilu ya Nzambi. 11 Amana lwakituka yi ngolu mu mitindu myosu muna ngolu zandi za khembu, ndangu lwakwaminaka mu kyesi yi sipha dya mbundu ku kimeka kyosu. 12 Vutulenu matondu kwena Tata wuna waÌlukitula batu bana balungini mu kubonga ndambu ya kimvwama kina kaÌswekila batu ba Nzambi muna luyalu lwa mwini. 13 Yandi waÌtukatula ku hamu dya mudima mu kutunata muna luyalu lwa Mwana wandi watondama; 14 mwena yandi tuvwidini luhulusu yi ndoluka ya masumu . 15 Kidisitu kenina kifwani kya Nzambi wuna wisiku monika; Mwana wa tsomi muna bihangwa byosu. 16 Mukuma mwena yandi byaÌhangamina bima byosu muna mazilu yi hana tsi; bina byisi monika yi bina byisiku monika; biti bya luyalu, bipfumu, ngolu za luyalu lwa mbi, hamu; byosu byaÌhangamina mwena yandi yi kikuma kya yandi. 17 Amana Kidisitu kenina ku thwala ya kima kyosu, amana mwena yandi byisi zyamina bima byosu. 18 Yandi kenina mutwa wa lutu, lutu, lwaluna lwenina Dibundu. Kenina luyandiku, mwana wa tsomi hana kati dya bafwa, ndangu kakala wa theti muna bima byosu. 19 Mukuma Nzambi kyesi kaÌmonabwa ni bunzambi bwandi bwosu bwakadila mwena yandi Kidisitu 20 amana muna nzila ya Mwana wandi, waÌvutula kithwadi ha kati dya bima byosu yi yandi-meni; byakala bina byenina ha tsi holo phi bina byenina mu mazilu, tangwa kasya ngemba mu nzila ya menga ma Mwana wandi, mana kaÌtyaka hana kitakani. 21 Amana kwena benu lwaÌkala theti kyana yi Nzambi, lwaÌkala bambeni bandi muna mutindu wa mabanza menu yi muna mihangu myenu mya mbi. 22 Amana buthwena, Nzambi, waÌvutula kithwadi ha kati dya benu yi yandi, muna nzila ya lufwa lwa mu lutu lwa Mwana wandi, ndangu kalunata benu ku thwala ya yandi: batu ba Nzambi, bakonda kifu, bakonda keti dyambu dya kulufundila. 23 Yi hakana ni, yuka lwazingilaka mu lukwikilu, bazyama amana ba kutunga buna bufwanini. Konda kudiyambwadila ni baluhukumuna mu kivuvu kina lwaÌbonga tangwa lwaÌyuka Musamu wa Bukheti. Musamu wa Bukheti meni wuna baÌsamuna kwena bihangwa byosu bina byisi zingila mu sina dya zilu, amana kuna wawuna, meni Pholu, yiÌkitwakila musadi. 24 Buthwena, mbati sangwala muna minyanga myama mina mbati mona kikuma kya benu. Amana, muna lutu lwa meni, ndungisini kina kikondini ku biwayi bya Kidisitu kikuma lutu lwandi luna lwenina Dibundu. 25 Ku Dibundu yiÌkitwakila musadi, bwosu bwenina kiyeka kina kaÌpheka Nzambi kikuma kya benu: ndangu yisamuna ndinga ya Nzambi buna bufwanini. 26 Diswekamu meni dina dyaÌswekama muna matangwa moosu yi kwena makula moosu, kaasi buthwena, dimonikini kwena bakwikidi. 27 Kwena bawu kaÌzola Nzambi kuzayikisa kutoka kwa kimvwama kya khembu kina kitadidini diswekamu meni dyadina kikuma kya bana bakondi kala Bayuta. Amana diswekamu meni dyadina dyenina: kidisitu mwena benu, kivuvu kya khembu. 28 Yandi wuna thwisi samuna, mu kulwengisaka mutu wosu yi mu kulongaka kwena mutu wosu, muna mudimu wosu, ndangu twalenda mu kukitula mutu wosu, mutu walunga mwena Kidisitu. 29 Kyakina kikuma yisi dihekila phasi, mu kunwaninaka muna ngolu zina zisi tuka kwena yandi, zisi sala mwena meni yi ngolu zoosu.