Mukanda kwena bisi Hebelu Hebelu 11

1 Kinga lukwikilu, lwenina kikumbwala mu kubonga kedi kina bisi sila kivuvu, kyenina kusya mbundu muna bima bina byisiku monika hangambedi ni hana byenina. 2 Kikuma kya lukwikilu Nzambi kaÌbatambwasila bambuta bakhulu. 3 Muna nzila ya lukwikilu, tubati kwikila ni tsi yaÌhangamina ku ndinga ya Nzambi, mu phila ni tsi yayi yisi monika kisina kya yawu ka byabi ku thwisi mona. 4 Muna nzila ya lukwikilu, Abelu kaÌtambikila mukhayilu wa lukumu lwa lawu kwena Nzambi, kuhita wuna wa Khayina. Muna nzila ya lukwikilu, Nzambi waÌmutila kimbangi ni mutu wa masonga kaÌkala, kikuma yandi meni Nzambi waÌtambwasa makabu mandi. Muna nzila ya lukwikilu, Abelu kisi zonza hika mbata nana kenina wafwa. 5 Muna nzila ya lukwikilu, Noki baÌmunata kwena Nzambi konda kafwa. Keti mutu kaÌmumonaku, kikuma Nzambi waÌmunata kwena yandi meni. Masonuku mazimbudi ni ku thwala ya kumutombula, baÌmutila kimbangi ni Nzambi kaÌsephidisa. 6 Kinga, konda lukwikilu, ka mutu ku wasephidisa Nzambi. Kikuma, wuna wisi khundakana kwena Nzambi kafweti kwikila ni Nzambi kenina amana kisi bafuta babana bisi musanda. 7 Muna nzila ya lukwikilu, kaÌyukila Nowa, ngwisi za Nzambi kikuma kya mambu mamana maÌfwana mu kusalama kaasi khaniku kedi masalama. KaÌlewulazoku ngwisi zazina amana waÌtunga nzasa ndangu kahulwasila nzu yandi. Muna bwabuna kaÌzengila mukanu wa batu ba tsi amana waÌmutambwasa hanga mutu mosi wa masonga Nzambi waÌmutambwasa kikuma kya lukwikilu lwandi. 8 Mu nzila ya lukwikilu, Bulahami kaÌlemvwakila ku mbila ya Nzambi: waÌtambwasa mu kukwenda ku tsi yina kakhana muheka Nzambi. Mbatanana kaÌkonda zaya kuna kakala kwenda. 9 Muna nzila ya lukwikilu, kaÌzingila hanga munzenza mosi muna tsi yayina kaÌmusila Nzambi kilangi. Kakala nangina muna masombolu, yi Yizaki yi Yakobi bawu baÌtambula kilangi kimosi kya Nzambi. 10 Mukuma Bulahami kakala hingila mbanza yina yenina yi mipfundila mya ngolu, yayina kaÌyidika, kaÌtunga phi yandi meni Nzambi. 11 Muna nzila ya lukwikilu Sala, yandi phi mbatanana bukhobu bwandi yi kinunu kyandi, kaÌbongila hamu dya kubuta bana. Kikuma waÌsya mbundu ni kilangi kina kaÌsila Nzambi kyakhana lungila. 12 Yi hakana ni kwena mutu mosi lwesi, waÌkala mununu bela-bela yi kufwa, kwaÌbutukila lawu dya mabutuka hanga bathetimbwa muna zilu yi tsekengi kuna kabeta ka yanga dya mbuta, balendaku mu kutanga. 13 Batu babana boosu muna lukwikilu baÌmana fwila. Konda kubonga bima bina kaÌsila Nzambi, kaasi baÌmonabya amana baÌhekabya mboti muna kyana. BaÌtambwasa hana mesu ma boosu ni banzenza baÌkala yi bakangadi ba nzila hana tsi. 14 Mukuma babana bisi zonza bwabuna basongidini wengele ni tsi babati sanda. 15 Wadi ni bakalaka yi dibanza dya kuyananaka tsi yina baÌlubuka, wadi bakhana mona phila ya kuvutwakilaya. 16 Amana mu masonga, tsi mosi yihitina kitoku bakala sanda, disongila tsi ya ku zilu. Yi hakana ni Nzambi keku yi tsoni za ku mutela Nzambi wa bawu; kikuma, tsi mosi kaÌbayidikila. 17 Muna nzila ya lukwikilu, Bulahami kaÌtambikila Yizaki mu kimenga tangwa kaÌmusya Nzambi mu kimeka. Mwana wandi mosi kwandi kakhana tambika, mbatanana kaÌkala yi kilangi kya Nzambi 18 wuna waÌmuzimbwala: «Muna nzila ya Yizaki, mwamuna waÌvwila butuka dyaku dina yiÌkusila.» 19 Bulahami kakala banza ni Nzambi kaÌkala yi hamu dya kufutumuna mvumbi, yi hakana kaÌmuvutwala yandi Mwana hanga mbedi ni kidimbu kya lufutumuku kaÌkala. 20 Muna nzila ya lukwikilu, mwamuna Yizaki kaÌsakwamina Yakobi yi Kizawu kikuma kya mambu ma bawu mana maÌkwisa. 21 Muna nzila ya lukwikilu, Yakobi mu tangwa dya kufwa, kaÌsakwamina kosu mwana wa Yozefu, amana waÌzyaminina kuna tsongi ya koka dyandi mu kufukamina Nzambi. 22 Muna nzila ya lukwikilu, Yozefu, ha kaÌtula mu kufwa, kaÌsamwana ni bana ba Kiseledi baluÌbuka ku Ngiphiti amana waÌhana muswa mu mana matadidini bifufwa byandi. 23 Muna nzila ya lukwikilu, mwamuna Moyize mu lubutuku lwandi, baÌmuswekila ngonda tatu kwena bibuti byandi. Mukuma baÌmona ni mwana wa kitoku kakaÌla, amana baÌyukaku keti bweya mu kukolama ku mukuku wa kyamvu. 24 Muna nzila ya lukwikilu, mwamuna Moyize, tangwa kaÌkituka mbuta, kaÌbusila ni bamutelakaku mwana wa mwana mukhetu wa Fwalawo. 25 WaÌtambwasa mu kunyokuka yi kanda dya Nzambi kuluta mu kukala mu tsambu za tangwa dimosi za disumu. 26 KaÌmona ni kulewuka hanga Masiya kuhiti kimvwama kya mbuta kya Ngiphiti, mukuma mesu mandi maÌkala ma kutadisa kuna lufutu luna lwakwiÌsa. 27 Muna nzila ya lukwikilu, Moyize waÌkatuka ku Ngiphiti konda kuyuka bweya bwa khabu za kyamvu; waÌzyama ngolu, hanga mbedi ni kakala mumona Nzambi wuna wisiku monika. 28 Muna nzila ya lukwikilu, mwamuna Moyize kaÌtila mukinzi wa Phaki yi kusophula kwa menga muna mwelu mya nzu, ndangu wanzyo wa lufwa kahondaku bana ba batsomi ba bisi Kiseledi. 29 Muna nzila ya lukwikilu, mwamuna bana ba Kiseledi baÌlabwakila yanga dya mbuta dya Kabengi hanga mu mafu mamosi maÌyumuka; kaasi Bisi Ngiphiti ha baÌmeka mu kulabuka bwabuna meni, mamba maÌbazyondisa. 30 Muna nzila ya lukwikilu, mwamuna bibaka bya Yediko byaÌwulumukina, amana bana ba Kiseledi baÌzyetabya bilumbu tsambwadi. 31 Muna nzila ya lukwikilu, mwamuna Lahabi, ndumba-leta, kaÌfwilaku yi bambeni ba Nzambi, kikuma kya buna kaÌbayamba bukheti ba mbambala ba Kiseledi. 32 Biki hika yizoÌnza? Tangwa dyakhoÌnda mu kuzonzila Zeteyo, Balaki, Samisoni, Zefite, Tavidi, Samwela, yi bambikudi. 33 Kibinga, muna nzila ya lukwikilu, baÌnungina bipfumu, baÌhangila masonga amana baÌbongila bilangi bina kaÌsila Nzambi. BaÌkasa munwa mya bathambu, 34 baÌzima mbawu za ngolu, baÌhuluka ku lufwa lwa mbedi ya phoku. Maladi maÌbazokisa amana ku nima ngolu zaÌbavutwakila; muna tangwa dya mvita, kikesa kyaÌbavutwakila amana baÌkukwasa bibuka bya basuta ba banzenza. 35 Muna nzila ya lukwikilu, mwamuna bakhetu baÌmonina bamvumbi ba bawu mu kufutumuka amana baÌvutwakila luzingu. Batu bahika baÌbanyokuna mu kuthaba; kaasi baÌbwisa mu kubasula, ndangu balenga bonga kutokama kwa bukheti kwa ku lufwa. 36 Batu bahika baÌkala baseya, bakwawu baÌkala bazyatula mafimbu, bakwawu hika mu miyololu amana baÌbatimbula mu boloku. 37 Bahika baÌbahondila ku matadi, bahika kubabukununa ho lo kubahondila ku mbedi ya phoku. Amana bakwawu hika bakala kwenda homa hamosi yi hakwawu. Bakwawu bakala vwata mikanda mya mikoku kondi lo mya bakhombu hanga miledi. Bakwawu baÌkala bahwa-dya-hwa. Bakwawu bakala banyokuna yi kubamonisaka minyanga. 38 BaÌmonika ku mesu ma batu hangambedi ni bakalaku balunga mu kuzingila mu tsi yayi. Bakala ngata muna tseki za khatu yi muna myongu, muna bitadi yi mabulu bakala zingila. 39 Nzambi waÌbatambwasa boosu kikuma kya lukwikilu lwa bawu; mbatanana baÌbongabyoku bina kaÌsila Nzambi. 40 Kikuma, Nzambi kaÌyidikila kima kimosi kya mbuta kikuma kya betu. Yi hakana ni byakhanaku lungila kedi konda betu.