Mukanda wa Zyaki Zyaki 2

1 Baphangi bama, benu lwaÌkwikila mwena Pfumu wetu Yesu Kidisitu, yandi wabasa yi khembu, luhangilakaku batu kayengu. 2 Mu mbandu: ho mwisa kota mutu mosi muna dingumba dyenu, wavwata ndamba yimosi ya wolu muna mulembu yi miledi misi kedyamina; amana mwisa kota phi muwayi mosi mu masengi; 3 ho luhungwadini mesu kwena yanduna wuvwatikini miledi myisi kedyamina amana lumuzimbwadini: «Ngeyi sikuka haka, homa ha lukumu!» Kaasi lwisi zimbula kwena muwayi: «Ngeyi, kala kwaku wa mutendendi, kondi loni sikuka kwaku haha, hana tsi, ha malu ma meni.» 4 Yuka ni bwabuna dyenina, lwisi swasisa mambu ha kati dya benu amana lukituki bazusi ba mabanza ma mbi. 5 Hinikinenu, baphangi bama batondama: Nzambi waÌsola bawayi ku mesu ma batu ba tsi ndangu bakituka bamvwama muna lukwikilu yi baswana ba mambu ma Kipfumu kyakina kaÌsila kwena babana bisi tonda. 6 Kaasi benu, lwisi lewula muwayi! Kinga bamvwama bisi lutusuna amana balubulumuni ku mesu ma bazusi, kabwaku? 7 Aketi yi bawu bisi lewula zina dya bukheti dina lwisi sungamina. 8 Ho mu kyedika, lwisi lungisa mutsiku wa Kipfumu, bwosu buna mazimbudi Masonuku: «WazoÌla khunda waku hanga ngeyi-meni, bukheti lwisi hanga.» 9 Kaasi ho lwasongilaka kayengu, luhodi disumu amana mutsiku wulufundisini hanga bakuludi ba mutsiku. 10 Mukuma mutu wuna wisi landa mitsiku myosu kaasi ho kadikhukula ku dyambu dimosi lwesi, wekina mukuludi wa mitsiku myosu. 11 Mukuma, Nzambi kaÌzimbula: «Wukalaku muta mbongi», kaÌzimbula phi: «Wuhondaku mutu.» Amana ho weku kwaku muta mbongi kaasi ho wuhondi mutu, hana wekina mukuludi wa mitsiku. 12 Zonzakenu amana zingakenu hanga batu babana baÌtangama mu kufundisama bwosu bwenina muna mutsiku wuna wisi kutumuna. 13 Mukuma, mu kilumbu kya pfundusu, Nzambi kakaÌlaku yi kheni kikuma kya babana baÌyukilaku bakwawu kheni. Kaasi kheni yisi nunga ku pfundusu. 14 Baphangi bama, khi mupfunu kwena mutu mu kuzimbula: «Yenina yi lukwikilu», ho kasongidilwoku mu mihangu? Kyedika lukwikilu lwaluna lwalenda mu kumuhulula? 15 Ho phangi mosi wa yakala kondi loni phangi wa mukhetu wukondi muledi wa kuvwata keti madya ma kosu kilumbu; 16 amana ho mosi hana kati dya benu kabazimbwala: «Alwendenu mu ngemba, lungwalenu amana dyenu lwayukuta!» Konda kubaheka bina bibafwani kikuma kya lutu, khi wawu si mupfunu? 17 Kitesu kimosi phi yi lukwikilu: ho lumonikiku muna mihangu, lwenina kwalwawu lwafwa lwosu. 18 Kaasi, ho mutu kazimbula: «Ngeyi wenina yi lukwikilu, meni yenina yi mihangu. Tsongileti lukwikilu lwaku konda mihangu! Amana meni yimuÌsongila lukwikilu lwama muna mihangu.» 19 Wisi kwikila ni Nzambi mosi lwesi kenina? Nunga kwaku. Bitembu bya mbi byisi kwikilabwa phi amana byisi tekita yi bweya. 20 Ngata! Amana wuzodini wazaya, ni lukwikilu lukondini mihangu lweku mupfunu? 21 Bulahami tata wetu, abweti baÌmutambwasila hanga mutu wa masonga: ka kikuma kya mihangu myandi ku, ha kaÌtambika mwana wandi Yizaki hana mesa ma kimenga? 22 Wumoni ni lukwikilu lwakala monika muna mihangu myandi: amana muna nzila ya mihangu myamina lukwikilu lwandi lwaÌlungila lwosu. 23 Amana yi bwabuna maÌlungidila mana mazimbudi Masonuku: «Bulahami kaÌkwikila mwena Nzambi, amana Nzambi waÌmunungisa hanga mutu wa masonga.» Ku manima baÌmutela ni nduku wa Nzambi. 24 Lumonibwa ni, mutu mu nzila ya mihangu, kisi tangamina hanga mutu wa masonga kwena Nzambi; heku ni kikuma kya lukwikilu lwesi. 25 Phila mosi phi kikuma kya Lahabi ndumba-leta: muna nzila ya mihangu Nzambi kaÌmutambwasila hanga mutu wa masonga. Mukuma waÌyamba bambambala ba kanda dya Kiseledi amana waÌbatinisina mu nzila yimosi ya hika. 26 Kikuma, phila mosi, konda lwanda lwa moya, lutu lwenina lwafwa, phila mosi phi, konda mihangu, lukwikilu lwenina lwafwa.