YOWANI 1

1 Muna luyandiku, Ndinga waÌdikadila amana Ndinga kaÌkala hakimosi yi Nzambi; amana Ndinga kaÌkala Nzambi. 2 Yandi kaÌkala muna luyandiku hakimosi yi Nzambi. 3 Byosu, mwena yandi byaÌhangamina amana kweku kima kyaÌhangama konda yandi; muna byabina byisi monika; 4 mwena yandi mwaÌkala luzingu. Amana luzingu lwaÌkala mwini wa batu. 5 Mwini wukenzudini muna phipha, kaasi phipha yaÌlendaku mu kukwatawa. 6 HaÌtula mutu mosi, baÌtuma kwena Nzambi, mu khumbu ya Yowani. 7 Kisa hanga mbangi, mu kuta kimbangi kitadidini mwini. Ndangu, mwena Yowani, boosu bakwikila. 8 Ka yandi ku waÌkala mwini, kaasi kyisa ta kimbangi kwena mwini. 9 Ndinga yaÌkala mwini wakyedika, wuna wisi temuna mutu wosu, Ndinga yiÌsa muna tsi. 10 Ndinga yaÌkala muna tsi. Amana tsi yaÌhangama mwena yawu, kaasi tsi yaÌmubakulaku. 11 YiÌsa kwena biwutu byandi, kaasi biwutu byandi baÌmutambwasaku. 12 Kaasi kwena boosu babana baÌmutambwasa, waÌbaheka hamu dya kukituka bana ba Nzambi; kwena babana bisi kwikila muna khumbu yandi. 13 Babana baÌbutukaku mu menga, keti mu luzolu lwa lutu, keti mu luzolu lwa mutu, kaasi mwena Nzambi. 14 Ndinga yaÌkituka mutu, amana yisa zingila hana kati dya betu, amana betu twaÌmona khembu yandi, khembu ya Mwana wa yakala yandi mosi wuna waÌbutukila mwena Tata; Ndinga yaÌbasa yi khenda yi kyedika. 15 Yowani waÌmutila kimbangi; kaÌkalunga mu kuzimbula: «Kikuma kya yandi yiÌzimbwala: “Wuna wubati kwisa ku manima ma meni, kenina mupfunu wa lawu kuluta meni, mukuma, waÌdikadila kedi ku thwala ya meni."» 16 Kikuma, muna kuvula kwa kuvwa kwandi twaÌtambwala, betu boosu, khenda hana thandu ya khenda. 17 Mukuma mitsiku myaÌhanama mwena Moyize; kaasi khenda yi kyedika byiÌsila mwena Yesu Kidisitu. 18 Heku mutu waÌmona kedi Nzambi; kaasi Mwana yandi mosi wenina Nzambi, yandi wisi nangina bela-bela yi Tata, yandi waÌmuzayikisa Tata. 19 Tala kimbangi kya Yowani, tangwa baÌmutumina banganga Nzambi yi balefi kwena Bayuta tuka ku Yelusalemi, mu kumuhyula: «Ngeyi nani wenina?» 20 WaÌtambwasabwa, kaÌtunabwoku, waÌtambwasa mu kuzimbula: «Meni yeku Kidisitu.» 21 BaÌmuhyula: «Amana nani wenina? Ngeyi wenina Diya?» Yowani waÌbavutwala: «Yeku phi yandi.» BaÌmuhyula: «Mbikudi wenina?» Wuzimbudini: «Loni», 22 Hanga bamuzimbwadini: «Amana nati wenina? Ndangu twahana mvutu mosi kwena babana baÌtutuma! Biki wuzimbudini kikuma kya ngeyi meni?» 23 Yowani waÌvutula: «Meni yenina “wuna wubati kalunga muna nganga: sungikenu nzila kikuma kya Pfumu!"» â Bwabuna kaÌzimbula mbikudi Yesaya . â 24 Batu babana baÌtuma kwena bafwadisi mu kwenda mumona Yowani; 25 bamuhyudini: «Yuka ni weku Masiya, weku phi Diya, keti mbikudi, amana kikuma kya biki wubati botikila?» 26 Yowani wubavutwadini: «Meni, mbati lubotika mu mamba; hana kati dya benu henina yi mosi wuna luzayiku benu. 27 Kabati kwisa hana manima ma meni. Ndungiku mu kukutumuna misinga mya tsabatu zandi.» 28 Mamana moosu makala hitila ku Betaniya, kuna sambwa dikwawu dya Yolutani, kuna kakala botikila Yowani. 29 Kilumbu kyaÌlanda, Yowani waÌmona Yesu kukwisa kwena yandi, amana wuzimbudini: «Tala Mwana wa mukoku wa Nzambi wuna wisi katula masumu ma tsi. 30 Kikuma kya yandi yiÌzonzila tangwa yiÌzimbula: “Mutu mosi wubati kwisa ku manima ma meni, kaasi kenina mupfunu kuluta meni, mukuma kakala dizingila kedi ku thwala ya meni." 31 Yikalaku zaya keti nati kaÌfwana kukala, kaasi ho yisa botika mu mamba ndangu yimuzayikisa kwena kanda dya Kiseledi.» 32 Amana Yowani waÌta kimbangi kyaki: «Mboni Kitembu kya Nzambi kukulunga tukila ku zilu hanga yembi amana wuzakadini hana thandu ya yandi. 33 Meni-meni yiÌzayaku keti nati kaÌkala, kaasi Nzambi, wuna waÌthuma mu kubotika mu mamba, kaÌnzimbwala: “WamoÌna Kitembu kukulunga yi kuzakala hana thandu ya mutu mosi; yandi wuna waboÌtika mu Kitembu Kyatoma." 34 Bwabuna mbonini meni-meni amana thini kimbangi ni mutu yandu kenina Mwana wa Nzambi.» 35 Kilumbu kyaÌlanda, Yowani hana kaÌkala hika, yi boodi ba balonguki bandi. 36 Buna kaÌmona Yesu wakala hita, wuzimbudini: «Tala Mwana wa mukoku wa Nzambi!» 37 Balonguki boodi babana baÌyuka ndinga zina, hanga balandi Yesu. 38 Yesu waÌbaluka, wumoni ni bakala mulanda amana wubahyudini: «Biki lubati sanda?» Bawu bamuvutwadini: «Kubiki wisi zingila, Labuni?» -Disongidila: «Mulongi». - 39 Yandi wubazimbwadini: «Alwisa amana lwamoÌna.» BeÌnda amana baÌmona kuna kakala zingila; baÌnanga kilumbu mekina kwakuna, hakimosi yi yandi. DyaÌkala hanga tangwa dya kumi yi sambanu dya masikidika. 40 Andele, phangi wa yakala wa Simoni Phetelu, kaÌkala mosi wa bodi babana baÌyuka ndinga za Yowani amana baÌlanda Yesu. 41 Mutu watheti katekila tundakana kaÌkala phangi wandi Simoni; amana wumuzimbwadini: «Tumumoni Masiya.» -Disongidila «Kidisitu» - 42 WaÌmunata Simoni yi kuna kaÌkala Yesu. Yesu waÌmutala amana wuzimbudini: «Ngeyi wenina Simoni, mwana wa Yowani; bakutediki Sefwasi.» -Disongidila «Tadi». - 43 Kilumbu kyaÌlanda, Yesu waÌzola ni kenda ku Ngadidi. Amana waÌtundakana Fidiphu, hanga wumuzimbwadini: «Ndanda!» 44 Fidiphu kaÌkala mwisi Betisayita, mbanza ya Andele yi Phetelu. 45 Fidiphu waÌtundakana Natanayedi amana wumuzimbwadini: «Tumumoni wuna baÌzonzila kwena Moyize yi muna Mitsiku yi bambikudi. Kenina Yesu mwisi Nazaleti, mwana wa Yozefu.» 46 Natanayedi waÌmuzimbwala: «Kuna Nazaleti, kufwani kwalubuka kima kya bukheti?» Fidiphu wumuzimbwadini: «Awisa amana wamoÌna» 47 Yesu waÌmona Natanayedi mu kukwisa kwena yandi, hanga wumuzimbwadini kikuma kya yandi: «Tala mwisi Kiseledi wa kyedika; muna mwa yandi mweku bukamvi.» 48 Natanayedi wumuzimbwadini: «Ku biki wunzayidini?» Yesu wumuvutwadini: «Yikumoniki kedi tangwa wukadikini hana sina dya mufiki , hana Fidiphu khaku kakutela.» 49 Natanayedi waÌvutwakila: «Mulongi, ngeyi wenina Mwana wa Nzambi, ngeyi wenina kyamvu wa Kiseledi!» 50 Yesu wumuvutwadini: «Wukhwikidini kikuma kya buna yikuzimbwadini ni yikumoniki muna sina dya mufiki? WamoÌna hika mambu ma mbuta-mbuta kuluta mama.» 51 Hanga wumuzimbwadini: «Kyedika, kyedika yibatibwa luzimbwala: lwamoÌna zilu dyakanguka amana banzyo ba Nzambi kutombuka yi kukulunga hana thandu ya Mwana wa mutu!»