YOWANI 11

1 Mutu mosi waÌkala wabela, khumbu yandi Lasalu, mwisi Betaniya, hata dya Madiya yi Malata phangi wandi wa mukhetu. 2 Madiya, yi yandi wuna waÌmusita Pfumu mananasi amana waÌmukumuna bitambi yi tsuki zandi, amana phangi wandi wa yakala, Lasalu, yandi waÌkala wabela. 3 Baphangi ba bakhetu batumini mutu mosi kenda muzimbwala Yesu: «Pfumu, nduku waku wabela kenina.» 4 Buna kaÌyuka bwabuna, Yesu wuzimbudini: «Maladi mana misiku nata ku lufwa; menina kikuma kya khembu ya Nzambi, ndangu muna maladi meni mamana, bamukembisa Mwana wa Nzambi.» 5 Kinga Yesu kakala bazola Malata, Madiya phangi wa mukhetu Malata yi Lasalu. 6 Tangwa kaÌyuka ni Lasalu wabela kenina, kahanga wunangi hika bilumbu byodi kwakuna kaÌkala. 7 Kunima waÌzimbula kwena balonguki bandi: «Tuvutukenu ku Yuteya.» 8 Balonguki bamuzimbwadini: «Mulongi, buthwena baÌkasandaka Bayuta ni bakuhondila ku matadi, amana wavutuka hika kwakuna?» 9 Yesu wuvutudini: «Muna kilumbu mwisiku kala matangwa kumi yi modi? Yuka ni mutu kakangala mu mwini, kisiku tyelumuka, kikuma kabati mona mwini wa tsi yayi. 10 Kaasi yuka ni mutu kakangala mu phipha, kisi tyelumuka, kikuma mwena yandi, mwakonda mwini.» 11 Kunima dya kuzimbula bwabuna, Yesu wuyikini: «Nduku wetu Lasalu wunimbini, kaasi yikwenda mutokamisa ku kilu kyandi.» 12 Balonguki bamuzimbwadini: «Pfumu, yuka ni kanimbini, kahuÌluka.» 13 Lufwa lwandi kaÌzonzila Yesu bwabuna kaasi bawu bakala banza ni kilu kwandi. 14 Hanga Yesu wubazimbwadini phwelele: «Lazalu wufuni. 15 Yenina yi kyesi kikuma kya benu, mukuma khaÌdikikwoku kwana; ndangu lwakwikila. Kaasi thwendenu kuna kenina.» 16 Tomasi wuna bisi tela ni diphasa, hanga wuzimbudi kwena balonguki bahika: «Thwendenu, betu phi, kwakuna ndangu twafwa kumosi yi yandi!» 17 Buna kaÌtula Yesu, wumoni ni bilumbu byekina kedi biya, tukidila buna bamusidikini Lazalu mu mazyamu. 18 Kinga Betaniya bela-bela dyaÌkala yi Yelusalemi, kitesu kya makilometele matatu, 19 Bayuta balawu phi bisa kwakuna mu kubadidisa Madiya yi Malata kikuma kya lufwa lwa phangi wa bawu wa yakala. 20 Malata buna kaÌyuka ni Yesu kabati kwisa, wenda mutundakana; kaasi Madiya yandi kaÌsala wasikuka kuna nzu. 21 Malata waÌzimbula kwena Yesu: «Pfumu, wadi ni waÌkala haka, wadi phangi wama kakhaniku fwa. 22 Kaasi nzayi ni ata buthwena bwabu, moosu mana waloÌmba kwena Nzambi, kakuÌhekama.» 23 Yesu wumuzimbwadini: «Phangi waku kafuÌtumuka.» 24 Malata wumuvutwadini: «Nzayi ni kafuÌtumuka mu kilumbu kya tsuka kya lufutumuku lwa bafwa.» 25 Yesu wumuzimbwadini: «Meni, yenina lufutumuku yi luzingu. Wuna wakwiÌkila mwena meni, ata kafwini, kaziÌnga; 26 amana wuna wisi zinga, wisi kwikila phi mwena meni kafwaÌku mu kimakulu. Wukwikidibwa bwabuna?» 27 Malata wuvutudini: «Eeh, Pfumu, meni khwikidini ni ngeyi wenina Kidisitu, Mwana wa Nzambi, wuna waÌlunga mu kukwisa mu tsi.» 28 Kunima dya kuzimbula bwabuna, Malata wenda amana waÌmutela phangi wandi wa mukhetu Madiya amana wumuzimbwadi mu kitsweki: «Mulongi wutudi kedi, kabati kutela.» 29 Buna kaÌyuka bwabuna, Madiya waÌtelama tswatsu mu kwenda kwena Yesu; 30 mukuma hana Yesu khaniku kedi kakota mu hata; hana kaÌmutundakanina Malata, hahana kaÌkala. 31 Bayuta bana baÌkala yi Madiya mu nzu kikuma kya kumuhomba baÌmumona ni wutelami tswatsu amana wulubukini; hanga bamulandini, kikuma baÌbanza ni wendi dila ku mazyamu. 32 Madiya buna kaÌtula hana kaÌkala Yesu yi buna kaÌmumona, waÌfukama muna malu mandi amana wuzimbudini: «Pfumu, wadi haka wukadikini, wadi phangi wama kakhaniku fwa.» 33 Yesu buna kaÌmumona Madiya ni kabati dila yi Bayuta bana bisa mulanda phi mu kudila, hanga wuyuki kyadi mu mbundu yandi amana mabanza mamuvwalangani. 34 Wuzimbudini: «Kubiki lumusikini?» Bamuvutwadini: «Ah Pfumu, awisa amana wamoÌna.» 35 Yesu waÌnokisa matsanga. 36 Hanga Bayuta bazimbudini: «Talenu buna kaÌmuzola!» 37 Kaasi batu bahika hana kati dya bawu bazimbudini: «Yandi waÌbuka mesu ma phofu, abweti kaÌkondikiku kandisa ni mutu yandu kafwaku?» 38 Yesu, mbundu yaÌmulwala hika, wenda kuna mazyamu. MaÌkala makutunga mu kitadi, baÌkidika kalunga tadi kuna thwala. 39 Yesu wuzimbudini: «Katulenu tadi». Malata, phangi wa mukhetu wa mvumbi, wumuzimbwadini: «A Pfumu, tsudi kaÌbati lubuka, mukuma lelu kilumbu kya ya.» 40 Yesu wumuvutwadini: «Yikuzimbwadikibwoku ni yuka wukwikidini, wamoÌna khembu ya Nzambi?» 41 Hanga bakatudi tadi. Yesu waÌsekula mesu amana wuzimbudini: «Tata, yikuvutwadi matondu kikuma kya buna wungyukidini. 42 Nzayi mboti ni wisi ngyukila kosu tangwa, kaasi nzonzidibwa kikuma kya batu baba banzyetini haka ndangu bakwikila ni ngeyi waÌthuma.» 43 Kunima dya kuzimbula bwabuna, waÌkalunga: «Lasalu, lubuka!» 44 Amana mvumbi waÌlubuka; moku yi malu makuzinga mu bitemba bya muledi; mbunzu yandi phi yakuvunga yi kitemba. Yesu wubazimbwadini: «Mukutumunenu amana muyambulenu kenda.» 45 Bayuta balawu, hana kati dya babana bisa kwena Madiya, baÌmona phi mambu mana kaÌhanga Yesu amana baÌkwikila mwena yandi. 46 Kaasi bakwawu hana kati dya bawu benda wana bafwadisi amana baÌbamenika phi mambu mana kaÌhanga Yesu. 47 Hanga bambuta ba banganga Nzambi yi bafwadisi bakhokisini kimvuka kya mbuta amana bazimbudini: «Biki twahanga? Mukuma mutu yandu kabati sala bidimbu bya biphadi lawu ! 48 Yuka ni twamutanikina bwabuna, batu boosu bakwiÌkila mwena yandi, amana bisi Loma bakwisakya zanga kizika kyetu yi kanda dyetu!» 49 Kaasi mosi hana kati dya bawu, khumbu yandi Khayifu, wuna waÌkala mbuta wa banganga Nzambi muna mvula meni yina, hanga wubazimbwadini: «Benu lubatiku bakisa kima! 50 Lumonibwoku ni bulungi mutu mosi kafwa kikuma kya batu, ndangu kanda dyosu ditotaku?» 51 Kinga mambu mana makalaku tuka kwena yandi-meni, kaasi bwosu kaÌkala mbuta wa banganga Nzambi muna mvula meni yina, hahana kaÌzonzila mu kubikula ni Yesu waÌfwana mu kufwa kikuma kya kanda dyosu. 52 Heku ni kikuma kya kanda lwesi, kaasi kikuma kya kukhundikisa mu kimvuka kimosi bana ba Nzambi babana baÌmwangana. 53 Tukidila kilumbu kyakina, baÌbonga lukanu lwa kumuhonda Yesu. 54 Kikuma kya bwabuna Yesu kaÌyambwala mu kukangadila ha kati dya Bayuta mu kitengeni. Kaasi waÌkatuka hana, wenda ku kinzunga kina kyaÌkala bela-bela yi nganga, muna mbanza ya Efwayimi, waÌnanga kwakuna yi balonguki bandi. 55 Mukinzi wa Phaki ya Bayuta waÌbwesuka amana batu balawu baÌtombuka ku Yelusalemi kikuma kya kudisemisa ku thwala ya mukinzi meni wuna. 56 Hanga beka musanda Yesu muna nzu ya Nzambi, yi kudizimbwalaka bawu yi bawu: «Biki lubati banza? KakwiÌsakwoku hika ku mukinzi?» 57 Kinga bambuta ba banganga Nzambi yi bafwadisi batekila dihanina muswa ndangu, yuka ni mutu wuzayini kuna kenina Yesu, kabazimbwala ndangu bamukwata.