YOWANI 21

1 Kunima dya ndambu ya bilumbu, Yesu waÌdimokisa hika kwena balonguki, kuna yanga dya mbuta dya Tibediyadi. Tala buna kaÌdimonikisina: 2 Simoni Phetelu, Tomasi wuna bisi tela ni diphasa, Natanayedi mwisi mbanza ya Kana, kuna kinzunga kya Ngadidi, bana ba Zebeteya yi balonguki bahika bodi muna kati dya balonguki bandi, boosu baÌkala homa hamosi. 3 Simoni Phetelu wubazimbwadini: «Yendi loba.» Bawu phi bamuzimbwadini: «Betu phi twakweÌnda yi ngeyi.» BaÌlubuka amana baÌkota mu masuwa. Phipha meni yina yosu baÌkwataku keti kima. 4 Kuma buna kwaÌkhya, Yesu hana sambwa kaÌkala watelama; kaasi balonguki baÌkalaku zaya ni yandi wuna Yesu. 5 Yesu wubazimbwadini: «Bana bama, tsema lukwatini?» Bawu bamuvutwadini: «Loni», 6 Yandi wubazimbwadini: «Timbulenu wanda kuna koku dya kitata kya masuwa amana lwakwaÌta.» BaÌtimbuladya phi, amana baÌlendaku mu kuthutadya kikuma dyaÌbasa yi batsema balawu. 7 Hanga mulonguki wuna kakala zola lawu Yesu, wuzimbudini kwena Phetelu: «Wuna, Pfumu!» Simoni Phetelu buna kaÌyuka: «Pfumu wuna!» waÌkasa muledi wandi muna mbunda, mukuma kikhonga kaÌkala, amana waÌditimbula muna yanga dya mbuta. 8 Balonguki bahika bisa yi masuwa, kuna yi kukokaka wanda dyakabasi yi batsema, mukuma baÌkalaku kyana yi mafu, kitesu kya metele khama. 9 Buna baÌtula ku tseki, baÌwana mbawu yi batsema hana ziku, yi dipha. 10 Yesu wubazimbwadini: «Natenu ndambu ya batsema babana lukwatini.» 11 Simoni Phetelu, waÌzanza muna masuwa amana waÌkoka yi kuna tseki, wanda dyakabasi yi batsema ba mbuta-mbuta: kitesu kya khama mosi yi makumatanu yi tatu. Mbatanana baÌkala batsema lawu, wanda dyaÌyatukaku. 12 Yesu wubazimbwadini: «Alwisa dya.» Keti mulonguki wandi mosi kaÌlendaku mu kumuhyula: «Nati wenina ngeyi?», Mukuma bakala zaya ni wuna Pfumu. 13 Yesu waÌbwesuka, waÌtambula dipha amana waÌbahekadya; waÌbaheka hika phi tsema. 14 Yayina yaÌkala mbala ya tatu, Yesu waÌfutumuka ku bafwa mu kudimonikisa kwena balonguki bandi. 15 Buna baÌmanisa kudya, Yesu waÌzimbula kwena Simoni Phetelu: «Simoni, mwana wa Yowani, keti lungongu lwa meni wenina lwawu kuluta baba?» Phetelu wumuvutwadini: «Yibwana, Pfumu, wuzayi bukheti ni yisi kuzola.» Yesu wumuzimbwadini: «Disa bana bama ba mikoku.» 16 Wumuzimbwadi hika mu mbala ya zodi: «Simoni, mwana wa Yowani, ngeyi lungongu lwa meni wenina lwawu?» Yandi wumuvutwadini: «Yibwana Pfumu, wuzayi ni yisi kutya.» Yesu wumuvutwadini: «Kala muhungudi wa mikoku myama.» 17 Wumuzimbwadi hika mu mbala ya tatu: «Simoni, mwana wa Yowani, keti wisi thya meni?» Phetelu waÌyuka kyadi kikuma kya buna kaÌmuhyula mu mbala ya tatu: «Keti wisi thya meni?» Yandi wumuvutwadini: «Yibwana Pfumu, wuzayi moosu! Wuzayi phi ni yisi kuzola.» Yesu wumuzimbwadini: «Disa mikoku myama. 18 Mu kyedika yikuzimbwadibwa: tangwa waÌkala sanda, wakala dikasa ngeyi meni tsibu yaku, amana wakala kwenda kwosu wakala zola; kaasi tangwa wanuÌna, wayaÌla moku, mutu wahika wakuÌzika tsibu yaku mu kukunata kuna wuzodiku.» 19 Yesu kaÌzimbula bwabuna mu kusongila mutindu wa lufwa luna kaÌfwila Phetelu kikuma kya kuhana khembu kwena Nzambi. Kunima dya kuzonza bwabuna, Yesu wumuzimbwadini: «Ndanda!» 20 Phetelu buna kaÌbaluka, wumoni mulonguki wuna kakala zola Yesu, kakala balanda, wuna waÌyekamina ha thulu ya Yesu tangwa baÌkala ku mesa, waÌmuhyula phi: «Pfumu, nati yanduna wukulambuni?» 21 Phetelu buna kaÌmumona, wuzimbudi kwena Yesu: «Pfumu, yandu biki byamuÌbwila?» 22 Yesu wumuzimbwadini: «Yuka yizola ni kazinga tii yikuna yikwiÌsila, makutadini? Ngeyi landa meni!» 23 Amana musamu waÌyalangana ha kati dya baphangi ni mulonguki wuna kafwaÌku. Kinga Yesu kaÌmuzimbwalaku: «Yandi kafwaÌku», kaasi kaÌzimbula: «Yuka yizola ni kazinga tii yikuna yikwiÌsila, makutadini?» 24 Yandi wuna mulonguki meni wuna wubati ta kimbangi kya mambu mana, yandi waÌsonikama, amana tuzayi ni kimbangi kyandi kyenina kyedika. 25 Henina hika yi mambu makwawu ma mbuta kaÌhanga Yesu. Wadi ni baÌsonikakama dimosi-dimosi, mbanzi ni yameni tsi yosu yakhanaku lungila mu mikanda mina bakhana sonika.