YOWANI 5

1 Kunima dya bwabuna, Bayuta bata mukinzi wumosi amana Yesu waÌtombuka kuna Yelusalemi. 2 Kinga, kuna Yelusalemi kwaÌkala yi kiziba kimosi bela-bela yi mwelu wa Mikoku, amana kyaÌkala yi mbalanda tanu; mu ndinga ya hebelu bisikya tela ni Betizata. 3 Muna mbalanda meni zazina, mulumba-lumba wa bambefu baÌkala hahana: baphofu, bitingwa yi bikhumbwa, [bakala hingila kuvuyuka kwa mamba. 4 Mukuma wanzyo mosi wa Pfumu wakala luta muna matangwa mamosi muna kiziba yi kuvuyaka mamba. Mbefu wuna watheti waÌkala didibula bwabuna maÌvuyuka mamba kakala beluka ku maladi mandi, keti bweti menina maladi mana.] 5 HaÌkala yi mutu mosi waÌnanga yi maladi mvula makumatatu yi nana. 6 Tangwa kaÌmumona Yesu bwabuna walandalala amana waÌzaya ni yandi mutu wuzingi lawu mu maladi, hanga wumuhyudini: «Wuzodini ni wabeluka?» 7 Mbefu wumuvutwadini: «Pfumu, yeku yi mutu wandiÌbula mu kiziba tangwa mabati vuyuka mamba; buna yimeka ni yididibula, mutu wahika wundutini.» 8 Yesu wumuzimbwadini: «Telama, bonga kiphoyu kyaku amana kangala.» 9 Muna mbala mosi, mutu waÌbeluka; waÌbonga kiphoyu kyandi amana waÌyandika mu kukangala. Kinga, kyaÌkala kilumbu kya sabata, 10 amana bapfumu ba Bayuta baÌzimbula kwena mutu wuna waÌbeluka: «Lelu, kilumbu kya sabata, weku yi muswa wa kutikula kiphoyu kyaku.» 11 Yandi wubavutwadini: «Mutu wuna wumbeludini, kanzimbwadini: “Bonga kiphoyu kyaku amana kangala."» 12 Hanga bamuhyudini: «Nati kenina wuna wukuzimbwadikini: “Bonga kiphoyu kyaku amana kangala?"» 13 Kaasi mutu wuna waÌbeluka, kaÌzayaku keti nati kaÌkala; mukuma Yesu waÌtota mu vuya dya mulumba-lumba wa batu bana baÌkala hahana. 14 Kunima dya bwabuna, Yesu waÌmutundakana muna nzu ya Nzambi amana wumuzimbwadini: «Tala buna wubelukini, buthwena bwabu; wusumukaku hika ndangu wubwilaku dyambu dya mbi diluti kitesu.» 15 Mutu wuna wenda zimbula kwena Bayuta ni Yesu waÌmubela. 16 Hanga Bayuta beka sanda ni bamuhanga mbi Yesu, kikuma mu kilumbu kya sabata kaÌhanga mambu mana. 17 Kaasi Yesu waÌbazimbwala: «Tata wama mu kisalu kenina yi hadyena dyadi; meni phi mu kisalu yenina.» 18 Kikuma kya ndinga meni yina, bapfumu ba bayuta baÌyandikila mu kusanda phila ya kumuhondisila Yesu. HaÌkalaku lwesi ni kikuma kya buna kakonda zitisa kilumbu kya sabata, kaasi kikuma waÌzimbula hika ni Nzambi kenina Tata wandi wakyedika, hanga bwabuna wekadikhukisa yi Nzambi. 19 Hanga Yesu wubavutwadini: «Mu kyedika, kyedika yiluzimbwadini, mena kyedika: Mwana kafwaniku ni kadihangila kima yandi meni; kisi hanga kaka kina kamoni kwena Tata wandi. Kikuma kyosu kina kisi hanga Tata, Mwana wandi phi kyakina kisi hanga muna mbandu yimosi. 20 Mukuma Tata kisi zola mwana amana kisi musongila kima kyosu kina kisi hanga yandi meni. KamuÌsongila hika mambu ma lawu ma mbuta kuluta, ndangu maluyitwakisa. 21 Kikuma, bwosu kisi futumuna, Tata, bamvumbi amana wubahekini luzingu, yi bwabuna phi Mwana kisi hana luzingu kwena wuna kazodini. 22 Amana Tata kisiku fundisa mutu, kaasi pfundusu yosu waÌhanaya kwena Mwana, 23 ndangu batu boosu bamuzitisa Mwana bwosu bisi muzitisa Tata. Wuna wakonda zitisa Mwana, kazitisiku phi Tata wuna waÌmutuma. 24 «Mu kyedika, kyedika yiluzimbwadini: Wuna wisi yuka ndinga yama, wisi kwikila phi mwena wuna waÌthuma, kenina yi luzingu lwa mvula yi mvula. KahiÌtaku ku pfundusu, kaasi yandi, wuhyiti kedi tukidila ku lufwa yi kuna luzingu. 25 Mu kyedika, kyedika yiluzimbwadini: tangwa dyisi kedi, yi dyadidi phi dina bayuÌkila bamvumbi ndinga ya Mwana wa Nzambi; amana bana bayuÌkaya, baziÌnga. 26 Kikuma, bwosu buna kenina Tata yi luzingu mwena yandi-meni, bwabuna phi kaÌhana muswa kwena Mwana ndangu kakala yi luzingu mwena yandi meni. 27 Amana waÌmuheka hamu dya kufundisa, kikuma yandi kenina Mwana wa mutu. 28 Buluyitukisaku, mukuma tangwa dibati kwisa dina bayuÌkila, boosu bana benina mu mazyamu, ndinga yandi 29 amana baluÌbuka mu mazyamu ma bawu. Babana bakala hanga mambu ma bukheti, baluÌbuka kikuma kya lufutumuku lwa luzingu, kaasi babana bakala hanga mambu mambi bafuÌtumuka kikuma kya lufutumuku lwa pfundusu. 30 Meni yihangaku kima kimosi mu meni-meni. Yisi fundisa bwosu buna ngyukidini, amana pfundusu ya meni yenina ya masonga, kikuma yisiku sanda mu kuhanga luzolu lwama, kaasi luzolu lwa wuna waÌthuma.» 31 «Yuka ni yiditila kimbangi meni-meni, kimbangi kyama, kyeku kya kyedika. 32 Henina yi mutu wahika wisi ta kimbangi kikuma kya meni, amana nzayi ni kimbangi kina kabati thila, kya kyedika kyenina. 33 Benu lwaÌtuma bambambala kwena Yowani, yandi phi kimbangi kitadidini kyedika kaÌta. 34 Kikuma kya meni, kimbangi yisikyoku hingila kwena batu; kaasi yisi zonza bwabuna, ndangu benu lwahuluka. 35 Yowani kaÌkala mwinda wuna wubati lema amana wukyenzudini, amana benu lwaÌtambwasa mu kusephila ku kikhya kyandi mu tangwa dimosi. 36 Meni yenina yi kimbangi kyambuta kuluta kina kya Yowani: kikuma mihangu mina kaÌpheka Tata mu kulungisa, mihangu meni mina mbati hanga, myamina mibati thila kimbangi mu kusongila ni Tata waÌthuma. 37 Amana Tata wuna waÌthuma, yandi-meni phi waÌthila kimbangi. Benu khaku kedi luyuka ndinga yandi, keti kumona mbunzu yandi. 38 Amana ndinga yandi yisiku zingila mwena benu, kikuma lwisiku kwikila mwena wuna kaÌtuma yandi. 39 Lwisi longuka Masonuku yi masingitini, kikuma lwisi banza ni mwamuna lwataÌmbwala luzingu lwa mvula yi mvula: kinga mamana misi thila kimbangi. 40 Kaasi benu lwisiku zola ni lwisa kwena meni ndangu lwatambula luzingu. 41 «Khembu yisiyoku tambwala kwena batu. 42 Kaasi yiluzayi ni lweku yi lungongu lwa Nzambi muna mbundu zenu. 43 Meni yisidi mu khumbu ya Tata wama, amana benu lubwisi mu kuthambula. Yuka ni mutu wahika kisa mu khumbu ya yandi-meni, benu lwamuÌtambula. 44 Abweti lwakwiÌkidila benu lwisi tambula khembu yenu mwena benu yi benu, kaasi khembu yina yisi tuka kwena yandi mosi Nzambi, lwisiyoku sanda? 45 Lubanzaku ni meni yiluÌfunda kwena Tata. Mutu wulufundini Moyize, mwena wuna lwaÌsila kivuvu kyenu. 46 Kikuma, wadi ni lwaÌmukwikilaka Moyize, wadi luka khwikila meni phi, mukuma yandi, kikuma kya meni kaÌsonikina. 47 Kaasi yuka ni lwisimoku kwikila masonuku mandi, abweti lwakwiÌkidilaza ndaka zama?»