LUKA 21

1 Yesu waÌthuta mesu; wumoni bamvwama bana bakala sya kuvwa kwa bawu mu mukunzu wa nzu ya Nzambi, 2 wumoni phi mufwidi mosi wa phutu, waÌsyamwa ndisu zodi. 3 Amana wuzimbudi: «Mu kyedika, yiluzimbwadibwa: mufwidi yandu wa phutu kasini kuluta boosu. 4 Mukuma, boosu bana baÌhani muna kulutuka kwa kuvwa kwa bawu; kaasi yandi, kahani muna kiphutu kyandi, kyosu kina kafwaniki mu kuzingila.» 5 Bwosu bakala zonzila ndambu ya batu kikuma kya nzu ya Nzambi yi buna baÌtungilaya mu matadi ma kitoku yi makabu mana baÌnenginaya. Hanga Yesu wuzimbudi: 6 «Bilumbu byakwiÌsa, mu byosu byabi lubati mona, kwasaÌlaku keti tadi ha thandu ya dikwawu, dina bakonda wulumuna.» 7 Amana baÌmuhyula: «Mulongi, khi tangwa maluÌta mambu mana? Khi kidimbu kyateÌkidila mu kusongila mambu meni mana?» 8 Yandi waÌvutula: «Kebenu, luhunakanaku. Mukuma balawu bakwiÌsa mu khumbu ya meni, bazoÌnza: “Meni yenina Kidisitu!” batheÌtika hika: “Tangwa dibwesuki!” Kaasi lubalandaku. 9 Tangwa lwayuÌka: kuzonzila mvita yi mvwalangani, lubangaku; mukuma bulungi mambu mana maluta theti, kaasi tsuka yeku kikuma kya tangwa dyadi.» 10 Yesu kakala zimbula hika: «Kanda dimosi dyanwaÌnisa kanda dikwawu amana kipfumu yi kipfumu kikwawu; 11 kwakaÌla yi kunikana kwa lawu kwa mafu amana mu binzunga bya lawu, nzala yi kiphuphu byakoÌta. Mambu ma lawu ma bweya makaÌla yi bidimbu bya mbuta byatuÌka ku zilu. 12 Kaasi ku thwala bina byosu, baluÌkwata, baluÌnyokuna, baluÌlambula mu nzu za kimvuka za Bayuta, amana baluÌsya mu boloku; baluÌnata ku thwala bakyamvu ba tsi yi bapfumu ba binzunga kikuma kya khumbu ya meni. 13 YakaÌla nzila kikuma kya benu ndangu lwata kimbangi kya khumbu ya meni. 14 Zayenu mboti ni lufwaniku kudiyangisa kikuma kya phila yina lwakwenda sambila. 15 Mukuma meni-meni, yiluÌheka ndinga mosi yi mudimu wumosi wuna balendaku kunanama kwena bambeni benu keti kubalumuna. 16 BaluÌlambula kwena batata benu yi bangudi benu, baphangi benu, biwutu byenu yi banduku benu phi; amana balawu babaÌhondisa ha kati kya benu. 17 BaluÌmenga kwena batu boosu kikuma kya khumbu ya meni. 18 Kaasi keti lusuki lumosi lwa mutwa wenu lwatoÌtaku. 19 Muna kikwamina kyenu, lwataÌmbula luzingu.» 20 «Tangwa lwamoÌna basuta bazingidya Yelusalemi, zayenu ni kuzangana kwandi kubwesuki. 21 Amana bana bakaÌla ku Yuteya, batiÌna mu malondi; bana bakaÌla ha kati dya mbanza, baluÌbuka; amana bana bakaÌla mu bilanga, bakotaku mu mbanza. 22 Mukuma byakaÌla bilumbu bya ndola, ndangu malungila moosu mana menina ma kusonika. 23 Khi kyadi kwena bakhetu bana bakaÌla ku mavumu, yi bana bakala yemika muna bilumbu meni byabina! Phasi lawu zakaÌla mu tsi, khabu zamoÌnika kwena batu ba tsi meni yana. 24 Babwa ku mbedi ya phoku, babaÌnata hanga bakwa boloku mu tsi zoosu, amana Yelusalemi badyaÌtadya kwena tsi zoosu za baphani, yi kuna byamaÌnisina bilumbu bina baÌbaheka.» 25 «Bikhwidimba byamoÌnika kuna tangwa yi kuna ngondi yi muna bambweteti. Ha tsi, batu bawoÌkumuka yi tsula ya lawu kikuma kya malokosi ma pfunzi ya yanga dya mbuta yi kimbongila. 26 Batu balawu badiÌmina ku bweya bwa mambu mana mabwiÌla tsi, mukuma ngolu za mazilu, zaniÌkana lawu. 27 Amana bamoÌna Mwana wa mutu kabati kwisa hana thandu ya dituti, yi ngolu za lawu yi khembu. 28 Tangwa mayandiki kusalama mambu mana, vumbukenu, thutenu mutwa kuna zilu, kikuma luhulusu lwenu lubwesukini.» 29 Kunima, Yesu waÌbatila kingana kyaki: «Talenu mufiki yi miti myosu: 30 Buna misi yandika kulubula khaya, muna kutala kwa khatu, lwisi bakula ni tsungi ya bukheti yibwesuki. 31 Phila mosi yi benu phi, tangwa lwamoÌna mambu mana kuluta, zayenu ni Kipfumu kya Nzambi kibwesuki. 32 Mu kyedika yiluzimbwadibwa: mbandu ya batu baba yahiÌtaku kedi yi kuna masaÌlamina mana moosu. 33 Zilu yi tsi byaÌtota, kaasi ndinga zama zalendaku tota.» 34 «Dikebisenu! Mbundu yenu yikalaku mu tsumbi ya mikinzi yi kuzela kwa malafu, yi mu kikuma kya luzingu, ndangu kilumbu kina kiluwanaku mu kithulumukina, 35 hanga wanda; mukuma kyakwiÌsa hana thandu ya boosu bana bisi zinga ha tsi yosu. 36 Kalenu batemuna amana lombilakenu kosu tangwa, ndangu lwakala yi ngolu za kutinina mambu moosu mana maluÌta, lwalenda telama phi ku thwala Mwana wa mutu.» 37 Amana kosu kilumbu, mu mwini, Yesu kakala longa muna nzu ya Nzambi, amana kakala lubuka ndangu kenda nimba, mu phipha, ku mongu wuna bisi tela ni wa ba Olive. 38 Amana muna suka batu boosu bakala kwisa kwena yandi, muna nzu ya Nzambi, ndangu bamuyuka.