LUKA 24

1 Kilumbu kya theti kya phosa, bakhetu beÌnda ku mazyamu muna suka-suka, mu kunata mananasi mana baÌyidika. 2 Bawani ditadi dyakubundumuna ku thwala mazyamu; 3 baÌkota, kaasi baÌwanalwoku lutu lwa Pfumu Yesu. 4 Bwosu baÌkala mu kitswi kikuma kya mambu meni mana; batu bodi baÌmonika hakana, bavwatiki miledi myaÌkala keÌdyamina. 5 Bwosu baÌkala yi bweya, baÌzenzika mbunzu muna mafu; kaasi batu bana babazimbwadi: «Kikuma kya biki lwisi sosila mutu wena mu luzingu mu kati dya bafwa? 6 Keku haka, kaasi wufutumuki. Banzenu buna kaÌzimbula kwena benu ha kaÌkala hika ku Ngadidi: 7 Bulungi, Mwana wa mutu bamulambula kwena basumuki amana kakhokama ha kitakani, amana kafuÌtumuka mu kilumbu kya tatu.» 8 Amana baÌyubuka ndinga meni zina. 9 Bakhetu baÌkatuka ku mazyamu, kikuma kya kuyadingisa mana mosu kwena Bawu kumi yi mosi yi kwena bakwawu. 10 HaÌkala yi Madiya mwisi Makatala yi Zyani yi Madiya ngudi wa Zyaki. Bakhetu bahika phi baÌkala hakana, bazimbudibwa kwena bathumwa. 11 Kaasi ndinga zina baÌmonaza hanga zina za bilawu baÌkwikilaku kwena bakhetu. 12 Kaasi Phetelu waÌtelama, weÌnda thinu ku mazyamu; amana buna kazenzama, wumoni lwesi bitemba bya miledi bya khatu. Amana waÌvutuka ku nzu yandi, wuyituki lawu kikuma kya mambu mana maluta. 13 Kinga, muna kilumbu mekyana, boodi hana kati dya balonguki, bakala kwenda ku hata dimosi khumbu ya dyawu: Emawusu; tuka Yelusalemi yi kuna, bafwana kusala tangwa zodi. 14 Muna nzila, bekazonzila mambu mana moosu buna maÌlutila. 15 Tangwa bakala zonza yi kuyambilaka bwabuna, yameni Yesu waÌbawana, weÌnda nzila mosi yi bawu. 16 Kaasi mesu ma bawu maÌfwanaku mu kumusengumuna. 17 Hanga wubahyudi: «Biki lubati zonzila mu nzila?» Hanga batelami yi kyadi kyosu. 18 Mosi hana kati dya bawu, khumbu yandi Kolofasi, wumuvutwadi: «Ngeyi lwesi wunangi bilumbu ku Yelusalemi, wukondi zaya mambu mana maÌlutiki mu bilumbu byabi?» 19 Yandi waÌhyula: «Khi dyambu?» Hanga bamuvutwadini: «Mambu mana matadidi Yesu mwisi Nazaleti, wuna wakadi mbikudi wa ngolu mu bisalu yi ndinga zandi ku mesu ma Nzambi yi ku mesu ma batu boosu. 20 Bambuta ba banganga Nzambi yi bapfumu betu bamulambudi ndangu kafwa amana bamukhoki ha kitakani. 21 Twakadi yi kivuvu ni yandi waÌlubula mu kihika Kiseledi. Kaasi bilumbu byekina bitatu, tuka buna mabwidiki mambu mana. 22 Mu kyedika, bakhetu bahika hana kati dya betu batuyitwakisi. Lelu, bendiki muna suka ku mazyamu 23 kaasi bwosu bamoniyoku mvumbi yandi, bisi zimbula ni banzyo babalubwakidi, amana babaheki tsikiningi ni mu luzingu kenina. 24 Batu bahika ha kati dya betu bendiki ku mazyamu, bamoni mambu bwosu buna bazimbudiki bakhetu, kaasi yandi bamumonikiku.» 25 Hanga Yesu wubazimbwadini: «Batu bakonda ngangu, mbundu zenu zisiku lenga kwikila mambu mana baÌsamuna bambikudi! 26 BwaÌfwanaku ni Masiya kanyokuka bwabuna ku thwala kukota mu khembu yandi?» 27 WaÌbatendwala mambu moosu mana mamutadidi muna masonuku moosu, tuka ku mikanda mya Moyize yi kuna mikanda mya bambikudi boosu. 28 Buna baÌtula ku hata dina bakala kwenda, Yesu wuhangi hanga mutu wuzodi kuluta. 29 Kaasi bawu bamubokwadidi mu kuzimbula: «Zakala yi betu; kuma kuyidini, phipa yekina bwa.» Hanga yandi wendi zakala yi bawu muna nzu yina baÌkota. 30 Yesu waÌzakala kuna mesa ha kimosi yi bawu; waÌtambula dipha, wusambudidya; kunima, waÌbukunadya amana waÌbahekadya. 31 Hanga mesu ma bawu makanguki, bawu bamutunguludi kaasi yandi waÌtota hana kati dya bawu. 32 Amana baÌyandika kudizimbwala bawu yi bawu: «Abweti yikondi tuphumwakina mbundu hanga mbawu, tangwa kakatuzonzisaka mu nzila yi kututendwala masonuku?» 33 Hanga baÌtelama muna tangwa meni dina, baÌvutuka phi ku Yelusalemi. Bawani bawu kumi yi mosi mu kimvuka yi banduku ba bawu, 34 beka zimbula: «Mukyedika Pfumu wufutumuki! Mukuma kadimonikisi kwena Simoni!» 35 Hanga balonguki bana bawu bodi babatendwadi mana maÌbalutila mu nzila mu tangwa bakala kwenda yi buna kadisengumuna Yesu kwena bawu mu tangwa dya kubukuna dipha. 36 Buna bakala zimbula bwabuna, hanga yandi meni Yesu wubalubwakidi, waÌtelama hana kati dya bawu amana wubazimbwadi: «Ngemba yakala yi benu!» 37 Bweya bubakwati balonguki, bayandiki phi kubanga lawu, kikuma baÌmona hanga kiphedikisa. 38 Kaasi yandi wubazimbwadi: «Bweya bwa biki lwena bwawu? Biki lubati findila phaka muna mbundu zenu? 39 Talenu moku yi malu mama: mu kyedika, meni yandu; babatenu lutu lwama, talenu phi; kiphedikisa kisiku kala yi musuni keti mufufwa; bwosu lubati mona yenina byawu.» 40 Buna kaÌzimbula bwabuna, hanga wubasongidi moku mandi yi malu mandi. 41 Bwosu kyaÌbalutila kyesi, bafwanaku kedi kukwikila, mu kuyituka baÌkala. Hanga Yesu wubazimbwadi hika: «Kima kya kudya lwena kyawu haka?» 42 BaÌmuheka kitini kya tsema wa kukadinga. 43 Wutambudikya amana wudikya phi muna mesu ma bawu. 44 Hanga wubazimbwadi hika: «Tagwa yikala theti ha kimosi yi benu, yikala luzimbwala ni mana baÌsonika kikuma kya meni, mu mitsiku mya Moyize, mu mikanda mya bambikudi yi mu mikunga, mafwana masalama.» 45 Hanga yandi wubakangudi mabanza ndangu babakisa masonuku, 46 amana wubazimwadi: «BaÌsonika bwabu ni Masiya kanyoÌkuka, amana kafuÌtumuka ku tsi ya bafwa mu kilumbu kya tatu, 47 bufwani bayandikila ku Yelusalemi, mu kulonga malongi mu khumbu ya yandi; kusamuna kwena batu ba tsi ni basoba bikalulu ndangu babonga ndoluka ya masumu. 48 Benu lwenina bambangi ba mambu mana. 49 Amana meni phitiki kwena benu, kina kaÌsila Tata wama. Benu, zakalenu mu mbanza tii yikuna lwavwaÌtila ngolu za ku zilu.» 50 Amana, Yesu waÌbalubula mu mbanza, waÌbanata tii yi kuna bela-bela yi hata dya Betaniya, Hanga waÌtombula moku ku zilu, wubasambudi. 51 Buna kakala basambula, wudihambudi yi bawu amana baÌmutombula ku zilu. 52 Bawu kunima dya kufukama ku thwala yandi, baÌvutuka phi ku Yelusalemi yi kyesi kya lawu. 53 Bilumbu byosu bakala kutakana mu nzu ya Nzambi yi kukumisaka Nzambi.