LUKA 5

1 Kilumbu kimosi, Yesu waÌtelama kuna kabeta ka yanga dya mbuta dya Ngenezaleti amana kibuka kya batu bakala lundakana mu kuwongama kikuma kya kuyuka ndinga ya Nzambi. 2 Yesu waÌmona midimba myodi kuna khungu ya mamba: balobi ba batsema baÌtuluka mu midimba, bekasukula mawanda ma bawu. 3 Yesu waÌzanza muna mudimba wumosi, wuna waÌkala wa Simoni, wumulombi ni kanunguna koma ku mamba, kakatuka mu tsenga. Yesu waÌzakala muna mudimba, waÌyandika kulonga malongi mandi kwena kibuka kya batu. 4 Tangwa kaÌmanisa kulonga, waÌzimbula kwena Simoni: «Phusana kuna dingu dya ndindi amana losenu mawanda menu ndangu lwaloba.» 5 Simoni wumuvutwadini: «Mulongi, tunyokuki phipha yosu mu kuloba, keti kima tukwatiku. Kaasi muna ndinga ya ngeyi, yitiÌmbula mawanda.» 6 Buna baÌtimbulama, baÌkwata mbumba yi mbwiti ya batsema: mawanda maÌyandika kutheta. 7 Hanga batekudi bakwawu khunda bana baÌkala mu mudimba wahika ndangu bisa basimbisa. Ha biÌsa bawu, baÌmona amana mu kimosi bawu boosu, baÌbasisa midimba myodi, hanga miyandiki kuzyonda. 8 Simoni Phetelu, ha kaÌmona bwabuna, waÌfukama kuna mesu ma Yesu, wuzonzi phi: «Haluka, kwena meni, Pfumu, mukuma yenina musumuki!» 9 Amana Simoni yi boosu bana baÌkala bawu, hanga kitswi kibakwati lawu, kikuma kya mbumba yi mbwiti ya batsema yina baÌkwata. 10 Phila mosi phi kwena bakwawu khunda ba kisalu bana baÌkala bawu Simoni, Zyaki yi Yowani bana ba Zebeteya. Bawu phi kitswi kyaÌbakwata lawu. Kaasi Yesu wuzimbudi kwena Simoni: «Yukaku bweya; tuka lelu, ngeyi, batu walobiki.» 11 Bazakudini midimba mya bawu ku tseki, basisi bima bya bawu byosu, bendi landa Yesu. 12 Amana Yesu kaÌkala muna hata dimosi, mutu mosi, waÌkala lutu yi bwasi, wutudini. Yandi ha kaÌmona Yesu, wudilosi kuna mesu mandi, mbunzu mu mafu, wuyandiki kumubokwadila: «Pfumu, yuka ni wuzodibwa, fwani watsemisa.» 13 Yesu waÌlambula koku, waÌmusimba, wuzonzi phi: «Nzodibwa, sema!» Muna mbala mosi bwasi bumuwaluki. 14 Yesu wumuheki mulongi wawu: «Wuzimbulaku kwena mutu, mambu mama. Kaasi ndawenda disongila kwena banganga Nzambi amana hana makabu ma kudisemisa bwosu kaÌsilabwa Moyize, kyakaÌla kimbangi kikuma kya bawu.» 15 Muna tangwa medina, khululuka ya Yesu yaÌyalangana muma mwosu; milumba-lumba mya batu myakala khokana mu kumuyuka yi kubeluka mu makhasi ma bawu. 16 Kaasi Yesu kakala hunga mu tseki yi kulombilaka. 17 Amana kilumbu kimosi, Yesu kakala longa ha mesu ma Bafwadisi yi balongi ba mitsiku; bakala tuka mu mahata ma lawu ma Ngadidi yi ma Yuteya yi ma Yelusalemi. Ngolu za Pfumu zaÌkala kumosi yi Yesu, zazina kakala bukilaka bambefu. 18 Batu bisa nata kiphoyu kyaÌkala mukwa khonzu; bakala sanda phila ya kumukotisila mu nzu ndangu bamutulula kuna mesu ma Yesu. 19 Kaasi bakalaku lenda kikuma kya mulumba-lumba wa batu. Hanga bazanzi yandi ha mudilu wa nzu, batubudi hundu hana kati dya matolu amana bamukulwamini hana kiphoyu kyandi hana kati dya lukutakanu kuna mesu ma Yesu. 20 Buna kaÌmona lukwikilu lwa bawu, Yesu wuzimbudi kwena mbefu: «Yakala, masumu maku makulolukini.» 21 Balongi ba mitsiku yi Bafwadisi baÌyandika kudihyula: «Nati kenina mutu yandu wubati lewula Nzambi? Nani fwani kalolula masumu, yukani ka yandi meni ku Nzambi lwesi!» 22 Kaasi Yesu waÌzaya mabanza ma bawu, hanga wubazimbwadi phi: «Kikuma kya biki lwenina yi mabanza ma buna mu mbundu zenu? 23 Biki byakonda phasi mu kuzonza?: “Masumu maku malolukini”, ho “Telama, kangala”? 24 Ndangu lwazayabwa ni Mwana wa mutu kenina yi hamu ha tsi haha, dya kulolula masumu.» Hanga wuti ndinga kwena mukwa khonzu: «Yikuzimbwadi, telama, bonga kiphoyu kyaku, vutuka ku nzu yaku!» 25 Muna mbala mosi, mutu waÌtelema ku mesu ma batu boosu, waÌzangula kiphoyu kyandi, hana kakala waleka amana wendi ku nzu yandi yi kuzatulaka Nzambi. 26 Boosu baÌyituka lawu, baÌmuzatula Nzambi, baÌyuka bweya bwa lawu, bazonzi phi: «Lelu, tumoni mambu ma kuyituka!» 27 Kunima dya mambu mana, Yesu waÌlubuka, waÌmona phi kalaki ka phaku mosi, khumbu yandi Lefi, wasikuka muna nzu ya kisalu ya yandi. Yesu wumuzimbwadi: «Ndanda!» 28 Amana Lefi waÌtelama, waÌsisa byosu, wenda mulanda phi. 29 Ku nima, Lefi waÌmuyidikila lawu dya madya muna nzu yandi; tulaki twa phaku lawu yi batu bahika bakala kuna mesa. 30 Bafwadisi yi balongi ba mitsiku bakala hana, kuna dingumba dya bawu, baÌyandika kubakumba; bendi zonza kwena balonguki ba Yesu: «Kikuma kya biki lubati dila yi kunwa ha kimosi yi tulaki twa phaku yi batu bahika basumuki?» 31 Yesu wubavutwadi: «Batu bana bena mu malutu yi ngolu, bisiku kala yi mupfunu wa munganga; kaasi bambefu bisi kala yi mupfunu wa munganga. 32 Meni yisaku tela batu basungama, kaasi basumuki yisa tela ndangu basoba bikalulu.» 33 Bafwadisi baÌhyula kwena Yesu: «Balonguki ba Yowani yi bana ba betu bayikana kuzila kudya yi kulombila; Kaasi balonguki ba ngeyi, bawu, bisi dya yi kunwa.» 34 Yesu wubavutwadini: «Pfwani lwabazidisa kudya, banduku ba kikwedi mu tangwa dina kenina kikwedi hakimosi yi bawu? Bwalendaku salama! 35 Kaasi tangwa dyakwiÌsa dina babakatula yandi kikwedi, hahana nana baziÌla kudya.» 36 Yesu wubatidi kingana kyaki: «Kweku mutu wayata muledi wa pha, kitemba kalondila muledi wa khulu, kondilo, kayata muledi wandi wa khatu, mukuma kitemba kya muledi wa pha kisiku kwelana yi sengi dya khulu. 37 Amana ka mutu ku wulongulula vinu dya pha mu bilungu bya khulu; kondilo, vinu dya pha dyabula bilungu, vinu dityakani amana bilungu bizangani. 38 Kaasi loni! Vinu dya pha, mboti mu bilungu bya pha! 39 Ka mutu ku waÌtonda kunwa hika vinu dya pha yukani wunwi kedi mulala. Mukuma, bisi zonza: “Mulala wenina wa bukheti."»