MATHAYI 12

1 Muna tangwa meni dina, Yesu kakala luta muna bilanga bya ngenza zimosi zenina hanga losu, kyaÌkala kilumbu kya sabata. Balonguki bandi baÌyuka nzala, baÌyandika kuhela misambu yi kudyaka ngenza zandi. 2 Amana Bafwadisi, mu kumona bwabuna, bamuzimbwadini: «Balonguki baku babati hanga mambu mana mafwaniku kuhanga mu kilumbu kya sabata !» 3 Kaasi yandi wubazimbwadini: «Benu lwaÌtangaku mambu kahanga Tavidi, tangwa kaÌyuka nzala, yandi yi batu bana baÌkala yi yandi? 4 Bwosu kaÌkota mu kikumbu kya Nzambi, badya mapha baÌhana mikhayilu, mbatanana bizila bizonzi ni ka yandi ku keti kwena batu bana baÌkala yi yandi, baÌfwana kudyama kaasi banganga-Nzambi lwesi . 5 Holo, lwaÌtangaku kedi mu mitsiku ni mu bilumbu bya sabata, banganga Nzambi bana bisi sala kisalu mu nzu ya Nzambi, bisi kulula kizila kya sabata kaasi ka mutu ku wisi bafundisa? 6 Kinga, yiluzimbwadibwa, dyadi dyena haha kuluta nzu ya Nzambi. 7 Wadi lwazaya biki thendula yayi: “Nzodi khenda kuluta mikhayilu, lwakalaku bazengila mukanu batu bana bakonda zaya kima. 8 Mukuma Mwana wa mutu yandi wenina pfumu wa kilumbu kya sabata.» 9 Bwosu kaÌluta, homa meni, weÌnda kota mu nzu ya kimvuka ya Bayuta ya bawu. 10 Amana tala mutu mosi waÌkala yi koku dyayumuka. Bafwadisi bamuhyudi, mu kuzimbula: «Mitsiku myetu mihani muswa wa kubelula mu kilumbu kya sabata?» Ndangu bamufunda. 11 Amana yandi wubavutwadi: «Khi mutu ha kati dya benu, yuka ni kenina yi mukoku wandi mosi lwesi, amana kabwa mu kati dya dibulu dimosi mu kilumbu kya sabata, wakonda mulubula? 12 Kinga mutu kenina yi mupfunu wa lawu kuluta mukoku! Aketi mitsiku myetu mihani nzila mu kusala mboti mu kilumbu kya sabata.» 13 Hanga wuzimbudi kwena mutu: «Yuna koku dyaku.» Wuyunidya amana divutukisi dya mboti hanga dina dikwawu. 14 Amana Bafwadisi baÌlubuka, baÌmukasila fwongu mu phila ya kumuhondisila. 15 Amana buna kaÌbakulabwa Yesu, waÌkatuka homa meni hana. Amana batu balawu baÌmulanda; waÌbabuka boosu; 16 amana yandi waÌbakandisa ni bamenikaku kwena batu keti nati kenina yandi. 17 BwaÌsalama bwabuna ndangu yalungila ndinga yina kaÌzonza mbikudi Yesaya: 18 «Tala musadi wa meni wuna yiÌsola, wuna yisi tonda, mwena yandi yisi monina tsambu yama. Mwena yandi yisya Kitembu kyama, amana yandi wakwisa samuna masonga kwena makanda ma batu. 19 Yandi kayuÌmanikiku, kathuÌtaku ndinga, amana ka mutu ku wamuÌyuka ndinga yandi mu mabala-bala ma mbuta. 20 KatoÌlulaku muswangina wafutama kedi, amana kaziÌmaku musinga wa mwinda wuna wisi lubula mwisi. Yi kuna kakwisa nungisina masonga. 21 Amana makanda ma baphani masya kivuvu kya bawu mu khumbu yandi.» 22 Hanga bamunatini mutu mosi waÌkala yi kitembu kya mbi kyaÌmuhonda kiphofu yi kamama, amana waÌmubuka mu phila ni mukwa kamama waÌyandika kuzonza yi kumona . 23 Amana milumba-lumba mya batu boosu baÌyituka, bekazimbula: «Ka yandi ku wuna Mwana wa Tavidi?» 24 Amana tangwa baÌyukabwa, bafwadisi baÌzimbula: «Kisi kukwasa bitembu bya mbi mu ngolu za Belezebula, pfumu wa bitembu bya mbi.» 25 Bwosu kaÌzaya mabanza ma bawu; wubazimbwadi: «Kipfumu kyosu kina kyadiÌkabisa kyawu meni, kyaziÌluka, amana mbanza yosu keti nzu yadiÌkabisa yawu meni yateÌlamaku. 26 Yuka ni Satana kakukwasaka Satana, wadikabisa kenina yandi meni; amana abwetisi kipfumu kyandi kyazyaÌmina? 27 Amana yukani, meni, yisi kukwasa bitembu bya mbi mu hamu dya Belezebula, bana benu, mu hamu dya nati bisi kukwasibya? Disonga bakaÌla bawu meni, bazusi benu! 28 Kaasi yukani mu Kitembu kya Nzambi yisi kukwasila bitembu bya mbi, kisongidila ni Kipfumu kya Nzambi kyisa kedi yi kuna kwena benu. 29 «Holo abweti mutu kalenda kota mu nzu ya yakala phandi ndangu kamuyiba bima byandi, konda kusanda theti ni kamukasa, mu misinga, yakala phandi meni wuna? Amana kunima kalunga tambula byosu mu nzu yandi . 30 Wuna weku yi meni, yandi mutendi wama; amana wuna kisiku khoka yi meni, kisi mwanga. 31 Yi hakana ni, yiluzimbwadibwa: disumu dyosu yi ngusi zoosu baloÌlulabya kaasi disumu dya kulewula Kitembu, dyaloÌlukaku. 32 Amana wuna waleÌwula Mwana wa mutu bamuÌlolula; kaasi wuna waleÌwula Kitembu kyatoma yandi kaloÌlukaku keti mu tsi yayi, keti mu tangwa dina dyakwiÌsa.» 33 «Holo yukani miti wa bukheti wenina, kibundu kyandi phi kya bukheti; yuka ni miti wa mbi wenina, kibundu kyandi phi kya mbi kyenina; mukuma miti, bisiwa zayila ku kibundu kyandi. 34 Mbandu ya masawa! Abweti lufwani kuzonza bima bya mboti, bwosu lwenina batu bambi? Mukuma mu kulutuka kwa mambu ku mbundu wisi zonzila munwa. 35 Mutu wa mboti kisi hola mambu ma mboti mu kimvwama kya bukheti kina kyenina muna fuka dya mbundu yandi; mutu wa mbi, kisi hola mambu ma mbi muna kimvwama kya mbi kina kyenina muna fuka dya mbundu yandi. 36 Amana yiluzimbwadibwa: mu kilumbu kya pfundusu, batu baÌmenika kikuma kya ndinga zoosu zakonda mupfunu bakala zonza. 37 Mukuma muna ndinga zaku bakuÌnungisina, amana muna ndinga zaku bakuÌbedisila.» 38 Hanga ndambu ya balongi ba mitsiku yi bafwadisi bazimbudi: «Mulongi, tuzodi kumona kiphadi kimosi kyatuka kwena ngeyi.» 39 Hanga yandi wubavutwadi: «Mbandu yayi ya mbi amana beku basiphi kwena Nzambi! Yibati sosa kiphadi; bataÌmbulaku kiphadi kya hika, kaka kyakina kya mbikudi Yonasi. 40 Mukuma bwosu kaÌnanga Yonasi bilumbu bitatu yi phipha tatu mu kundu dya tsema wa mbuta, phila mosi Mwana wa mutu kanaÌnga bilumbu bitatu yi phipha tatu mu tsi ya mafu. 41 Muna kilumbu kya pfundusu, bisi Ninive baÌtelama ha kimosi yi batu ba mbandu yayi, amana babaÌbedisa, kikuma bawu baÌbalumuna mbundu mu malongi ma Yonasi. Kinga dyadi dyenina haha diluti Yonasi! 42 Pfumu wa mukhetu wa banda kateÌlama, muna kilumbu kya pfundusu, ha kimosi yi batu ba mbandu yayi, amana kabaÌbedisa, kikuma yandi, mu binzunga bya kyana bya tsi kaÌtuka kikuma kya kuyuka mudimu wa Solumoni. Kinga dyadi dyenina haha, diluti Solumoni!» 43 «Tangwa kisi lubuka kitembu kya mbi mu kati dya mutu, kisi luta mu kati dya tseki, kyasaÌnda homa ha kulembwila, amana kimonihoku. 44 Hanga kizimbudini: “Yikwenda vutuka, muna nzu yama, muna yilubuka.” Amana ha kyatuÌla, kiwani nzu yakonda kima, yakukombula bukheti yi yakunenga. 45 Hanga kyendi amana kitambudi bitembu bikwawu tsambwadi bya mbi kuluta kyawu. Amana bikoti mwamuna, bisikidini. Amana khadidi ya mutu wuna yekina hika ya mbi lawu, kuluta yina ya theti. Phila mosi bwakaÌla kikuma kya mbandu yayi ya mbi.» 46 Bwosu kakala zonza hika kwena milumba-lumba mya batu, ngudi wandi yi baphangi bandi baÌkala kuna nzila amana bekasanda phila ya kumuzonzisa. 47 [Mutu mosi wumuzimbwadi: «Ngudi waku yi baphangi baku ku nzila benina, amana babati sanda phila ya kukuzonzisa.»] 48 Kaasi Yesu waÌvutula bwabu: «Nati wenina ngudi wama? Banani benina baphangi bama?» 49 Hanga lambudi koku kwena balonguki bandi amana wuzimbudi: «Tala yandu ngudi wama yi baphangi bama. 50 Mukuma wosu wuna wisi hanga luzolu lwa Tata wama wuna wenina mu mazilu, yandi kenina phangi wama wa yakala yi phangi wama wa mukhetu yi ngudi wama.»