MATHAYI 24

1 Mu kulubuka kwa Yesu mu nzu ya Nzambi, balonguki bandi baÌbwesuka ndangu bamusongila thungidi ya nzu ya Nzambi. 2 Amana yandi mu kubavutwala, wuzimbudi: «Lwisibyoku tala bima byabi byosu? Mu kyedika, yiluzimbwadi, hasaÌlaku keti tadi dimosi ha thandu ya tadi dikwawu dyakonda wulumuka.» 3 Amana buna kaÌzakala yandi hana mongu wuna bisi tela ni mongu wa Olive, balonguki baÌbwesuka kwena yandi, mu kingenga bazimbudi: «Tuzimbwala khi tangwa makaÌla mambu mana amana khi kidimbu kyasoÌngila ngisilu yaku yi tsuka ya tsi?» 4 Amana mu kubavutwala, Yesu wuzimbudi: «Kebenu, ka mutu ku kalutotisa! 5 Kikuma lawu bakwiÌsa mu khumbu ya meni, mu kuzimbula: “Meni yenina Kidisitu” amana lawu babaÌtotisa. 6 Amana lwayuÌka kuzonzila mvita yi pfweta-pfweta za mvita: talenu, lukalaku mu bidilu; mukuma mboti mambu mana masalama, kaasi yakaÌlaku kedi tsuka. 7 Mukuma tsi yimosi yanwaÌnisa tsi yikwawu, amana kipfumu kimosi kyanwaÌnisa kipfumu kikwawu; amana nzala yi kunikana kwa mafu byakaÌla muma mwahika. 8 Amana mambu mana moosu makaÌla hanga misongu mya theti. 9 Hanga balulambudi ku kiwayi amana baluÌhonda amana baluÌmenga muna makanda moosu kikuma kya khumbu ya meni. 10 Muna tangwa meni dina, kyakaÌla kisinza kikuma kya batu balawu, amana bamosi badiÌlambula bawu yi bawu, amana bahika badiÌmenga bawu yi bawu. 11 Amana bambikudi ba bukamvi lawu bateÌlama, bahukumuna batu balawu. 12 Kikuma kya mambu mambi mana ma lawu; lungongu lwa batu balawu lwakuÌlumuka. 13 Kaasi wuna wakwaÌmina tii yi kuna tsuka, yandi kahuÌluka. 14 Musamu wa Bukheti wawu wa Kipfumu kya mazilu basaÌmunawa muna tsi yosu yina bisi zingila, kyakaÌla kimbangi kikuma kya makanda moosu, hanga tsuka yisi.» 15 «Tangwa lwamoÌna muzangi wanzanzi wakutelamisa muna kizika kyahedila, bwosu kaÌzonza mbikudi Tanyela, mutu wuna wubati tanga kabakula! 16 Hanga bana bakala mu kinzunga kya Yuteya batini muna myongu; 17 wuna wakaÌla ha thandu ya mudilu, katulukaku kikuma kya kulubula bima mu nzu yandi; 18 amana wuna wakala mu kilanga kavutukaku kikuma kya kubonga muledi wandi. 19 Khi kyadi kwena mukhetu wuna wakala ku vumu yi kwena wuna wakala yemika muna bilumbu meni bina! 20 Lombilenu ndangu lutinaku mu tangwa dya kyosi kya lawu, keti mu kilumbu kya sabata! 21 Mukuma, kiwayi kya lawu kyakaÌla, hanga kina kyakonda kedi kala tuka ku luyandiku lwa tsi yi buthwena bwabu, amana zakaÌlaku hika. 22 Wadi ni bilumbu bina byaÌkalaku bya khufi, wadi keti mutu kaÌhulukaku, kaasi kikuma kya bana baÌsolama baÌkhufikisilabya bilumbu bina. 23 Yuka ni mutu kaluzimbwala: “Kidisitu haha kenina!” Holo: “Kuna kenina!” Lukwikilaku. 24 Mukuma bamasiya ba bukamvi yi bambikudi ba bukamvi baluÌbuka; basoÌngila biphadi yi mambu ma kuyituka mukuma, yuka bwalendakana, bahuÌkumuna keti bana kaÌsola Nzambi. 25 Tala buna thekidi luzimbwala. 26 «Disongidila yuka ni baluzimbwala: “Talenu, mu nganga kenina, lulubukaku; holo, talenu ku suku kenina, lukwikilaku. 27 Kikuma bwosu wisi lubuka mutsyenzya tuka ku malubwakidi amana wukenzudi yi kuna mazyokidi, bwabuna kwakaÌla kukwisa kwa Mwana wa mutu. 28 Kuna kwakaÌla kivundisila, kwakuna bakuÌtakanina bangandwanganga.» 29 «Hanga kunima dya bilumbu bina bya kiwayi, tangwa kaphiÌnda, ngondi kaseÌngulaku myesi myandi, bathetimbwa babwa tukidila ku zilu, amana ngolu za mazilu zaniÌkana. 30 Hanga kidimbu kya Mwana wa mutu kimoniki muna zilu; amana bikanda byosu bya tsi mu khondu byakaÌla, bamoÌna Mwana wa mutu buna kakwiÌsa hana matuti ma zilu yi ngolu yi khembu ya lawu. 31 KatuÌma banzyo bandi yi phungi ya mbuta, amana bakuÌtikisa batu ba tselu ya bana kaÌsola tukidila tselu ya tsi yi tselu ya zilu.» 32 «Mbandu ya kingana kya mufiki yaluheka dilongi: tangwa lwamoÌna ni miti wusawakidini, zayenu ni tsungi ya pha yibwesukini. 33 Phila mosi yi kwena benu, tangwa lwamoÌna bima bina byosu, zayenu ni Mwana wa mutu wekina mu kukwisa. 34 Mu kyedika, yiluzimbwadi: mbandu yayi, yahiÌtaku kedi yi kuna masaÌlamina mambu mana moosu. 35 Zilu yi tsi byatoÌta, kaasi ndinga zama zalendaku tota.» 36 «Kikuma kya kilumbu meni kina yi tangwa, ka mutu ku wuzayibya, keti banzyo muna mazilu, keti Mwana; kaasi Tata yandi hika. 37 Mukuma bwosu bwaÌkala mu tangwa dya Nowa, yibwana phi bwakaÌla mu kukwisa kwa Mwana wa mutu. 38 Amana bwosu bwaÌkala muna bilumbu meni bina byaÌtekila kithombu, batu bakala dya yi kunwa, bakala kwelana yi kukwedisa, tii yi kuna kilumbu kina kaÌkota Nowa mu nzasa; 39 amana bakalaku bakula kima tii yi kuna kyisila kithombu amana kinati byosu, yibwabuna phi bwakaÌla mu kukwisa kwa Mwana wa mutu. 40 Hanga batu bodi bakaÌla muna kilanga: mosi bataÌmbula amana mosi bamuÌsisa. 41 Bakhetu bodi bakala toka muna yanda, mosi bamuÌnata, mukwawu bamuÌsisa. 42 Disongidila kalenu batemuna, mukuma luzayiku keti khi kilumbu kakwiÌsa Pfumu wenu. 43 Amana zayenu bwabu: Wadi mukwa nzu kazayaka tangwa dina kakwisa mwifi, kakhanaku nimba amana kakhanaku yambwadila ni kalungula nzu yandi. 44 Yihana ni, kalenu bayilama, benu phi, mukuma Mwana wa mutu kakwiÌsa muna tangwa dina lukondi yindula benu.» 45 «Nati si musadi wakwikama yi wa ngangu? Wuna kaÌheka mukwa nzu kiyeka kya basadi bahika ndangu kabahekaka kudya muna tangwa dina difwani? 46 Kyesi kwena musadi wuna, buna kakwiÌsa mukwa nzu, kamuwana bwabuna mu kisalu! 47 Mu kyedika, yiluzimbwadibwa: kamuÌheka kiyeka kya bima byandi byosu. 48 Kaasi yuka ni yandina kakala musadi wa mbi amana kadibanzila muna mbundu yandi: “Pfumu wama kalengaku kwisa," 49 kayandika kubabeta banduku ba kisalu, amana kadyaka, kanwaka phi kumosi yi babana bisi zela malafu, 50 kyedika mukwa nzu wuna katuÌla muna kilumbu kimosi kina kakalaku wayilama musadi wuna yi mu tangwa dina kakondiku zaya; 51 kamuÌheka ndola ya mbuta amana kaÌmusya mu ndonga ya bakavungalosi, kuna kwakala bidilu yi makwenzi.»