LOMA 8

1 Yihana ni, buthwena, kweku ata kubela kwa mukanu kikuma kya bana benina mwena Kidisitu Yesu. 2 Kikuma, mitsiku mya Kitembu kya luzingu mu Kidisitu Yesu myaÌkukatula mu mitsiku mya disumu yi mya lufwa. 3 Mukuma, kima kyakonda lendakana kwena mitsiku, kikuma lutu lwaÌlembwasamya, Nzambi kaÌhanga bwabuna, mu nzila ya kuhitika Mwana wa wandi-meni, yi lutu hanga mutu wa disumu. Amana mutindu wumosi disumu, kaÌbedisila disumu dyadi dyenina mu lutu lwa mutu, 4 ndangu masonga mana kafwana hana mitsiku, mabasa mwena betu baba thwisiku dyatila mu lutu, kaasi mu Kitembu. 5 Kikuma, babana benina yi bikalulu bya musuni bisi banza bima bya musuni, kaasi babana benina yi bikalulu bya Kitembu bisi banza bima bya Kitembu. 6 Kinga, mabanza ma musuni misi nata ku lufwa; kaasi mabanza ma Kitembu, mawu, misi nata ku luzingu yi ku ngemba. 7 Mukuma kudyatila mu mabanza ma musuni kwisi tukitula bambeni ba Nzambi, kikuma misiku lemvuka ku mitsiku mya Nzambi: mwena mawu meni phi malendaku hanga kima. 8 Babana benina mu musuni balendaku hana tsambu kwena Nzambi. 9 Kinga benu, lweku mu mambu ma musuni, kaasi mu kati dya Kitembu, yuka ni kyedika Kitembu kya Nzambi, mwena benu kenina. Amana yuka ni mutu keku yi Kitembu kya Kidisitu, keku phi wa yandi. 10 Kinga, honi Kidisitu kenina mwena benu, bwena kyedika ni, lutu lwenina lwafwa kikuma kya disumu, kaasi Kitembu kyenina luzingu kikuma kya masonga. 11 Amana yuka ni Kitembu kya yandi waÌfutumuna Yesu mu kati dya bafwa kazingilaka mwena benu, yandi waÌfutumuna Kidisitu mu kati dya bafwa kaziÌngisa hika lutu lwenu luna lwisi fwa mu Kitembu kyandi kina kyisi zingila mwena benu. 12 Yihana ni, baphangi bama, pfuka thwenina yawu, kaasi yeku pfuka ya musuni ndangu twazingilaka muna buna buzodini musuni. 13 Kikuma, honi lubati zingila mu musuni, lwaÌfwa; kaasi, honi mu Kitembu lubati honda miza mya lutu, lwaziÌnga. 14 Mukuma batu boosu bana kisi twadisa Kitembu kya Nzambi benina bana ba Nzambi. 15 Kikuma, benu lwaÌbongaku Kitembu kya kihika, kina kyisi nata ku bweya, kaasi Kitembu kina lwaÌbonga, kyaÌlukitula bana ba Nzambi, mwena kyawu thwisi kalungina: «Aba, Tata!» 16 Yandi meni Kitembu kisi ta kimbangi kwena kitembu kyetu ni betu thwenina bana ba Nzambi. 17 Kinga, yuka ni bana thwenina, thwenina phi baswana ba kimvwama: baswana ba kimvwama ba Nzambi, amana baswana ba kimvwama hakimosi yi Kidisitu, honi kyedika thwisi nyokuka hakimosi yi yandi ndangu batukembisa hakimosi yi yandi. 18 Kikuma, mbati tambwasa kaka ni phasi za buthwena zifwanakaniku yi khembu yina yakwisa monika kwena betu ku thwala. 19 Mukuma phangamu yosu yibati hingila, yi kisukidila kyosu, kudimonikisa kwa bana ba Nzambi. 20 Kikuma, phangamu banatiya mu mambu makonda mupfunu. Bwabuna bweku mu luzolu lwa yawu-meni, kaasi kikuma kya Nzambi wuna waÌmunatabwa. Kinga kivuvu hana kyenina hika kikuma kya tsi meni yayina: 21 Phangamu meni yayi phi yaluÌbuka mu kihika kyaki kisi vunda kikuma kya kubonga kiphwanza kya khembu kya bana ba Nzambi. 22 Kinga tuzayi ni, yi kuna lelu dyadi, phangamu yosu yibati tata yi kunyokuka mu misongu mya kubuta. 23 Kuluta hika betu phi, baba twenina yi bibundu bya theti bya Kitembu, betu phi thwisi humwakina mwena betu-betu kukutumuka kwa lutu lwetu, kuna yi kuhingilaka batutambwasa ni thwenina bana ba kutsatsa, 24 Mukuma mu kivuvu kaka twaÌhulwakila. Kinga kivuvu kina kimoniki kedi, kyeku hika kivuvu: kima kina kimoniki kedi basilakya hika kivuvu? 25 Kaasi yuka ni twasyaka kivuvu mu kima kina thwisiku mona, thwisikya hingila yi kikwamina. 26 Yi bwabuna phi, Kitembu kisi kwisa tuyakidila mu kati kya lebakani dyetu, mukuma thwisiku zaya mana tufweti lomba muna bisambu byetu. Kaasi Kitembu yandi meni kisi tusambidila mu ndinga zina thwisiku lenda mu kuzonza. 27 Amana wuna wisi zikisa mbundu wuzayi keti bweti menina mabanza ma Kitembu: bwosu buna kazodi Nzambi bwabuna kisi sambidila mu mamboti ma ba Nzambi. 28 Tuzayibwa kwetu, ni mambu moosu misi salamina kikuma kya mamboti ma babana bisi muzola Nzambi, babana kaÌtela bwosu bwakala mabanza mandi. 29 Mukuma bana katekila zaya, waÌbayidika ku thwala ndangu kabafwanikisa yi kifwanisu kya Mwana wandi, ndangu kakala tsomi mu kubutuka mukati dya baphangi balawu. 30 Amana babana katekila yidika ku thwala, waÌbatela phi; babana kaÌtela, waÌbakitula batu ba masonga phi; babana kaÌkitula batu ba masonga, waÌbakembisa phi. 31 Biki hika twaziÌmbula kikuma kya mambu mama? Yuka ni Nzambi kenina kikuma kya betu, nani watuÌtendisa? 32 Yandi wuna wakonda yekula mwana wa yandi-meni, kaasi waÌmulambula kikuma kya betu boosu; abweti kakonda tuhekila bima byosu hakimosi yi yandi, muna khenda? 33 Nani wafuÌnda bana kaÌsola Nzambi? Nzambi wisi bakitula batu ba masonga! 34 Nati wabeÌdisa mukanu? Kidisitu [Yesu] yi yandi waÌfwa! Hana thandu, waÌfutumuka, kenina kuna koku dya kitata dya Nzambi, amana kabati sambila kikuma kya betu! 35 Nati watuÌhambula ku zola dya Kidisitu? Kiwayi, phasi za ku mbundu, munyanga, nzala, lungwa, lufwa ho mbedi ya phoku? 36 Bwosu baÌsonikabwa: «Kikuma kya ngeyi, bisi tuhondila kosu tangwa, bisi tubonga hanga mikoku mina bisi kudika .» 37 Kaasi mu mambu mama moosu, betu thwisi nunga kaka mu nzila ya wuna waÌtuzola. 38 Mukuma yenina yi kikumbwala ni keti lufwa, keti luzingu, keti banzyo, keti bipfumu bina byenina mu zilu, keti mambu ma lelu, keti mana makwiÌsa, keti ngolu, 39 keti kuleya, keti nzinda, keti kosu phangamu yina yaleÌndaku mu kutuyekula ku lungongu lwa Nzambi mwena Kidisitu Yesu, Pfumu wetu.