Mukanda kwena Titi Titi 1

1 Pholu, musadi wa Nzambi, thumwa wa Yesu Kidisitu. YiÌtambula kiyeka kya kunatisa ku lukwikilu babana kaÌsola Nzambi yi kubazayikisa kyedika bwosu lwenina kyenina kinzambi kya bakidisitu, 2 ndangu babonga kivuvu kya luzingu lwa mvula yi mvula. Nzambi, bwosu kisiku huna, yandi waÌtusila luzingu meni lwaluna ku thwala ya matangwa moosu; 3 amana buna dyaÌlungila tangwa dina kaÌsila, waÌsongila Ndinga yandi muna musamu wawuna baÌhana kwena meni yi wawuna yisi longa muna muswa wa Nzambi, Muhuludi wetu. 4 Kwena Titi mwana wama wa kyedika bwosu lwenina lukwikilu lwetu lwa mu kimvuka. Yambula Nzambi Tata yi Kidisitu Yesu Muhuludi wetu baluheka khenda yi ngemba. 5 Kima yiÌkusisila ku Kheleti, ndangu waÌmeka kusya mu ndonga mambu mahika mana masadi mu kuyidika amana wasikununa bambuta muna kosu mbanza, bwosu buna yikulongikila meni-meni. 6 Mbuta kafweti kala mutu wakonda kifu, yakala dya mukhetu mosi, wenina yi bana ba bakwikidi bana bakonda kedi funda mu mambu matadidini kisaka-saka keti kukonda kulemvuka. 7 Kikuma, bulungi ni mutwadisi kakala wakonda kifu, kikuma yandi baÌheka kiyeka kya mambu ma Nzambi, kaditsikisakaku, kakalaku mukwa khabu, kakalaku kinwa malafu, kakalaku lwasa, kasandakaku lufutu mu nzila za mbi. 8 Kaasi kakala mutu wisi yamba batu, wisi zola mamboti. Kakala mutu wa mabanza ma mboti, mutu wa masonga, watoma, mutu wa kukanga mbundu. 9 Kakala mutu waÌdihana ku Ndinga ya lukwikilu, kisiya sadila phi bwosu buna baÌlongilaya. Muna bwabuna kakadila yi hamu dya kuhana kikesa muna dilongi dya kyedika amana kaleÌnda songila kifu kya bawu kwena babana babati mutendisa . 10 Kikuma, balawu benina, kuluta hana kati dya bakidisitu babana ba Bayuta, benina bakolami amana bisi zonza mambu makonda mupfunu yi kuhunaka bakwenu. 11 Bulungi kubakangisa munwa. Mukuma nzu za muthu bisi vwadingisa, mu kulongaka mambu mana mafwaniku mu kulonga, kikuma kya lufutu lwa mu nzila za mbi. 12 Mosi hana kati dya bawu, mbikudi, kaÌzimbula: «Bakheleti benina kosu tangwa bahunya misamu, bambisi ba nganzi, babolu bana bisi zola lwesi kudya.» 13 Kimbangi kyaki kyenina kya kyedika. Yihana ni baheka phi bikalu bya ngolu, ndangu bakala ba kasemi mu lukwikilu, 14 amana bayekaminaku hika ku mikhenda mya Bayuta yi ku mikuku mya batu mina misiku landa nzila ya kyedika. 15 Byosu byenina bya kasemi kikuma kya batu babana benina ba kasemi; kaasi heku kima kyenina kya kasemi kikuma kya babana baÌsumuka amana bakonda lukwikilu: ngangu za bawu yi katsasa ka bawu byenina bya mvindu. 16 Bisi tambwasa ni bamuzayini Nzambi, kaasi bisi musuwangana muna mihangu mya bawu. Batu ba nzanzi , bisiku lemvuka amana bisiku lenda kuhanga keti kima kimosi kya bukheti.