Yaburin Sora 137
PBT1 Nxu yi dɔxi Babilɔn xude dɛɛne yi waxatin naxan yi nxu wugama, nxu yi lu nxu mirɛ Siyon ma. 2 Nxu yi nxɔ bɔlɔnne singan na yamanan wudi tofaɲine ra. 3 Muxun naxanye nxu suxu, ne yi bɛtine maxɔdin nxu ma. Nxu ɲaxankata muxune yi sɛwa bɛtine maxɔdin nxu ma, e naxa, “Ɛ Siyon bɛtina nde ba nxu xa." 4 Nxu tan bɛtin bama Alatala xa di xɔɲɛ taani? 5 Xa n ɲinan i xɔn Yerusalɛn, Ala xa n yiifanna faxa n ma. 6 Xa n ɲinan i tan xɔn, xa n mi lu Yerusalɛn yatɛ n ma sɛwan birin yi, Ala xa n dɛɛn suxu! 7 Alatala, Edɔn kaane fe xa rabira i ma, e yi naxan falama Yerusalɛn suxu lɔxɔni, e naxa, “Ɛ a kala, ɛ taan naxɔri fefe!" 8 I tan Babilɔn taana, i halagima nɛn fefe! Sɛwan na kanna xa naxan i ya donla saranma alo i a ligaxi nxu ra kii naxan yi, 9 naxanye ɛ dii futene tongoma e yi e yigɔlɔn fanyen ma.