Yaburin Sora 43

1 Ala, yoon fi n ma, i n xun mayɛngɛn so dɛnkɛlɛyatare yamaan xili ma. N natanga wuledene nun muxu ɲaxine ma! 2 N kantan muxun nan i tan na. Nanfera i n nabeɲinma? Nanfera n sunuxin luma tɔrɛ muxu ɲaxine xɔn? 3 I ya kɛnɛnna nun i ya ɲɔndin nafa n ma! E xa ti n yɛɛ ra, siga i ya geya sariɲanxin fari i yɛtagi. 4 Nayi, n sigama nɛn Alaa saraxa ganden dɛxɔn, Ala naxan findixi n ma sɛwan nun n ma ɲaxanna ra. N na n ma bɔlɔnna maxa n tantun bɛtin ba i tan Ala xa, n ma Ala. 5 Nanfera n niin sɔxɔlɛxi? Nanfera n bɔɲɛn sunuxi? N xa n yigin sa Ala yi. N mɔn a tantunma nɛn n ma Ala, n nakisimana.