Yaburin Sora 99
PBT1 Alatala nan mangan na. Siyane xuruxurunma. A mangaya gbɛdɛn maleka gubugubu kanne tagi. Bɔxɔn xuruxurunma. 2 Alatala gbo Siyon yi! A tan nan siyane birin xun na. 3 Birin xa i xinla tantun naxan gbo, a magaxu. Ala sariɲan han! 4 Mangan Ala sɛnbɛn gbo! Sariya kɛndɛn nafan a ma. I tan nan tinxinyaan daxi. I tan nan sariya kɛndɛn nun tinxinna saxi Yaxuba bɔnsɔnni. 5 Ɛ Alatala batu, en ma Ala. Ɛ yi ɛ xinbi sin a manga gbɛdɛn san bun. A sariɲan! 6 Nabi Musa nun Haruna yi a saraxaraline yɛ. Samuyɛli yi a maxandi muxune yɛ. E yi Alatala maxandima, a yi e yabi. 7 A yi falan tima e xa nɛn keli kundani. E yi na maxadi xuine nun tɔnne suxuma, a yi naxanye soma e yii. 8 Alatala nxɔ Ala, i tan yɛtɛɛn nan yi e yabima, i findi Ala diɲaxin nan na e xa, koni i e fe ɲaxine saran e ra nɛn. 9 Ɛ Alatala en ma Ala batu, ɛ xinbi sin a geya sariɲanxin bun. Amasɔtɔ Alatala en ma Ala sariɲan.