JOAN 4

1 Jume’ paiseeom junak, juka’ Jesujta, ju’u Joanta bepa che’a juni’i juebenam aamak eame ane’epo intok che’a yu’in aapo’ik am bato’owaa’uta a’ ju’uneiyaak. 2 Lutula wee’po, ka aapo ju’u Jesus yee bato’owaan o’oben. Ala jume’ aapo’ik majtim. 3 Intok junak, junama’a ju’u Jesus, inika’a ju’une’eiyaakai, Jurea bwiaraa betana yeu siika, junuen Kalilea bwiaraa’ tea’u bicha juchi nottibaekai. 4 Aapo junam bicha weyekai, bwiaraa Samaaria’ tea’po wa’am a’ weenee’uta utte’atukan. 5 Junuen san aapo junama senu ili jo’ara Sikar tea’u yepsak. Samaaria bwiaraa’ tea’po junama waj bwia juka’ Jakoop tuka’uta, a’ yoemiawa Jose’ teamta a’ mikla’u jeela. 6 Junama’a jume’ Jakoop teamta posom teaka ama manekan. Bo’o joo lottilatakai ju’u Jesus junama’a juname bepa yejtek. Junama jumak luula yejteo. 7 Jume’ aapo’ik majtim intok, ili jo’arau Sikar tea’u inime’e bem bwa’anee’uta jinubaeka aman saka’alamtukan. Junak san bwiaraa Samaaria’ tea’po joome, senu jamut junama posou ba’am nu’useka ama yepsak. Ju’u Jesus iniau: âBa’am nee miika âti au jiiak. 9 Junak intok ju’u jamut Samaaria’ tea’po joome, Jesujtau: âJaisaaka empo, jurio yoemtakai, nee bwiaara Samaaria’ tea’po jometau ba’a netane âti au nattemaek. (Bwe’ituk jume’ juriom, jume’ bwiaraa Samaaria’ tea’po joomemmak ka nau tuttu’ireakan.) 10 Junak intok ju’u Jesus, inen a’ yoopnak: âEmpo juka’ tua eiyaawatchik, Liojta betana weyeka, yee a’ mika’uta a’ ju’uneiya’ateko intok juka’ eu ba’a netanemta a’ jabetuka’po, empo neu am a’au ean, ineponee intok ba’am yee jiapsituame enchi am mik ean âti au jiakai. 11 Ju’u jamut intok: âJapchi, kia jita juni’i, ba’am em ae yeu wiknee’uta, empo kaita jipue. Posom intok tua mekka ko’omi. Jaksa empo jume’ ba’am yee jiapsituame nu’uka, nee am mikneekai âti au jiiakâ. 12 Ju’u Jakoobo’ teame, ju’u itom yo’owasuka’u, inime’e posom yaaka, itou am to’o siika. Inime’e betana junako jiba aapo’ik, intok jume’ a’ yoemiawam intok jume’ aapo’ik wakaseka’um inim ji’isuka’po. Intok jaisa empo i’an junae aapo’ik bepa che’a yo’owe ja’ani âti au nattemaek. 13 Ju’u Jesus inen a’ yoopnak: âSi’ime jume’e, inime’e inim ba’am je’ekame, juchi ba’a ji’ipeene. 14 Taa wa’a, jume’ ba’am in a’ miknee’um am je’ekame, juna’a jakwoo juni’i ka intok ba’a ji’ipeene. Bwe’ituk jume’ ba’am in a’ miknee’um, inime’e, jume’ ba’am ka lu’u lu’uteka yeu weyeme benasi aet aune, junuen aapo’ik ammea jiba yuu jiapsine’ betchi’bo âti au jiiak. 15 Junak intok ju’u jamut: âJapchi, juname’e ba’am nee mikne, junuen ka intok in ba’a ji’ipeene’ betchi’bo intok kia ka intok a’abo ba’am maneka’u in babatne’ betchi’bo âti au jiiak. 16 Junak ju’u Jesus: âEm kunabeu aman chaaeka intok junak aapo’iku mak juchi a’abo weene âti au jiiak. 17 Ju’u jamut intok: âKannee kuunak âti au jiiak. Jesus intok junak inen au jiiak: âLutu’uriata’e teuwaa, junuen, ka emo kunak ti jiakai. 18 Bwe’ituk empo i’an tajtia mamnim kunalataka juni’i, kia i’an ju’u em aamak kateka’uta, empo ka a’ kuunak. Inien jiaka’ut empo lutu’uriata teuwaalaa âti au jiiak. 19 Inika’a jikkajaka ju’u jamut: âJapchi, i’an ne ju’unea, Liojta betana ju’uneetuawaka, chukula yeu weenemta em noka’apo âti au jiiakâ. 20 Jume’ che’a bat naataka itom yo’owasuka’um, jume’ inim Samaaria’ tea’po joome, bempo inim ini’i kaupo Liojta yo’orisuk. Taa eme’e jume’ juriom, bwe’u jo’ara Jerusalen tea’po a’ juna’ati jiia, jum itom a’ yo’ori’ea’po âti au jiiak. 21 Ju’u Jesus inika’a inen yoopnak: âIniat nee sualne, taewai yuma’ane, junak enchim, kia ka inia kawiu sajaka, intok kia ka jum bwe’u jo’ara Jerusalen tea’u sajaka juni’i junak achai Liojta enchim a’ yo’orineeo âti au jiakaiâ. 22 Eme’e jume’ Samaaria bwiaraa’ tea’po joomem, kate’em ju’unea ju’u enchim yo’oree’ut. Taa itepo ala, tee ju’unea ju’u itom yo’oree’ut, bwe’ituk ju’u yee jinne’uneeme, juriom betana yeu machine âti au jiiakâ. 23 Taa i’an taewai yuma’asek intok jiba i’an su juna’a, jume’ lutu’uriapo achai Liojta yo’orineeme, inime’e tua junen jiaka intok Liojta tu’u jiapsi betana aniawaka, lutu’uriapo bempo’im a’ yo’orineeo. Bwe’ituk ju’u achai Lios, jume’ aapo’ik yo’orineeme, junuen bem a’ yo’orinee’uta ame tana a’ waata. 24 Ju’u Lios ka inim bittaka aapo jiapsa. Jume’ intoko a’ yo’oreme, inime’e, ju’u aapo’ik tu’u jiapsie aniawaka, tua bem tu’i’eerimmea intok ka jiapsita bepa bem a’ yo’orinee’uta utte’a âti au jiiak. 25 Junak ju’u jamut: âJu’uneanee ala, juka’ Mesiaj teaka juka’ ket Krijtopo ta’eewamta, inim a’ yebijnee’uta. Intok junak aapo a’abo yepsako, aapo si’imeta machisi itou a’ teuwaane âti au jiiak. 26 Ju’u Jesus iniau: âInepo nee juna’a ju’u em teuwaa’u, jiba inepo emak etejome âti au jiiak. 27 Junen su jume’ Jesujta majtim au yajak. Intok bempo kaachin jiu machi, juka’ Jesujta junuen jamuttamak a’ etejomta bichakai. Taa kaabe, ju’u a’ waata’ut oo ju’u aamak a’ etejoo’u betana au nattemaek. 28 Junako ju’u jamut, juka’ a’ babu soto’iwata ama to’o sika intok aapo junama ili jo’arau bicha siika intok jume’ junaman jo’aakammeu inen jiiak: 29 âA’abo kateka, eme’e senu o’outa, tua si’imeta in ya’arita neu teuwaarita a’ bitne. Jumak juni’i ini’i juna’a, ju’u Krijto’ teame âti ameu jiiak. 30 Junak juname’e, junama’a ili jo’arapo yeu sajakai, intok Jesujta ane’u bicha yeu kat japtek. 31 Imin intok ketunia jume’ aapo’ik majtim Jesujtau nookan: âYee majtame, ili’e ji’ibwa âti au jiakai. 32 Taa aapo inimmeu: âIneponee bwa’amta benaka in bwa’anee’uta inepo a’ jipue, enchim tua ka ta’aa’uta âti ameu jiiak. 33 Jume’ aapo’ik majtim junak bempo nau: âJaisa senu jita a’ bwa’anee’uta au tojak ja’ani âti nau jiian. 34 Taa ju’u Jesus inimmeu: âJuka’ a’abo nee bittuakamta ea’po aman in aunee’u, intok juka’ aapo’ik betana tekilta in a’ chupa’anee’u, ini’i juna’a, wa’a bwa’amta benasi in bicha’u âti ameu jiiakâ. 35 Kati’in eme’e inen jijia: “Ketuni naiki mecham be’ee echimuta chuktana’ betchi’bo.” Taa ineponee inen emou jiia, jume’ a’abo kateka, jinne’uimtuneeme, eme’e mammatene, inime’e echimuta jaibu a’ chuktanaa’u a’ tu’ireaka’a benasi maachi âti ameu jiiakâ. 36 Wa’a am jinne’uimtune’ betchi’bo ameu nokakame, ini’i, echimuta toboktamta benasi maachi. Intok aapo, a’ tekilwa betchi’bo au tu’ik bitne. Ju’u intoko a’ ya’ari, ini’i, jume’ jinne’uimtukame, bem jiba yuu jiapsinee’u juna’a. Junuen juka’ echakamta intok juka’ junaka’a toboktakamta, inime’e nau aet alleene’ betchi’bo. 37 Bwe’ituk lutu’uria ju’u inim inen jijiuwame: “Ju’u senu etne, ju’u intok inika’a toboktaneeme, ta’abwine." 38 Ineponee jum tekilta ka enchim ya’ariu, echita a’ toboktanee’u enchim aman bittuala. Junuen san, waate che’a bat juname’e jume’ tekipanoalame. Eme’e intok juname’em, jume’ bem tekil ya’ariapo juka’ ili ama be’eemta joaka, ae betana tu’ik mabetneeme. 39 Juebenaka jume’ junama bwiaraa Samaaria’ tea’po ili jo’arapo joome Jesujta sualek juka’ jamutta, juka’ a’ lutu’uria ti jiaka ameu a’ teuwaaka’u betchi’bo: “Si’imeta juka’ in ya’ari neu teuwaala”, ti jiakai. 40 Junuen san jume’ bwiaraa Samaaria’ tea’po joome aman au yajakai, au ujbwanak bempo’immak a’ tawane’ betchi’bo. Ju’u Jesus wooi ta’apo junama amemak taawak. 41 Intok junama’a waate che’a juebenaka jiba aapo’ik juka’ a’ teuwaa’uta jikkajakai a’ susualek. 42 Junak intok inime’e ju’u jamuttau: âI’an ka ju’u em itou teuwaaka’u betchi’bo jiba te a’ suale. Ala junuen jiba itepo tee ket aapo’ik jikkajilamtakai. Intok aapo’ik tua lutu’uriapo a’ Krijtotuka’uta, ju’u inim yoemrata jinne’uneeme ket itepo ju’unea. 43 Wooi taewaim simsuk chukula ju’u Jesus, bwiaraa Samaaria’ tea’po yeu sika intok bwiaara Kalilea’ tea’u bicha yebijbaeka bo’o joo taitek. 44 Bwe’ituk jiba aapo’ik Jesujta junuen jiaka’a benasia: “Seenuk, waka’a Liojta betana ju’uneaka chukula yeu weenemta tetteuwamta, ini’i, tua a’ bwiaraapo ka eiyaatune”, ti jiakai. 45 Junak aapo’ik jum bwiaraa Kalilea’ tea’u juchi a’ yepsako, jume’ junama’a joome tu’isi a’ mabetak. Bwe’ituk inime’e ket jum bwe’u jo’ara Jerusalen tea’po, bwala jissu’awaka pajkowaka’u aanen. Intok inime’e si’imeta juka’ junama pajkopo aapo’ik yaaka’uta a’ bitlatukan. 46 Junak intok ju’u Jesus, bwiaraa Kalilea’ tea’po, ili jo’ara Kanaa’ tea’u juchi nottek. Junama aapo’ik a jita a’ joa’apo aman, ba’am pa’asi ba’awata am yaaka’po. Junama intok ju’u che’a yo’o ya’arita nesawe’po tekilta joame, ini’i jum bwe’u jo’ara Kapernao’ tea’u senuk ko’okoemta usekai. 47 Junako, ju’u yo’oraata betana tekilta joame, juka’ Jesujta, Jurea’ tea’a betana jum bwiaraa Kalilea’ tea’u a’ yepsaka’ut ju’uneakai, aman a’ ane’u au noiteka intok a’ jo’au sika intok juka’ a’ yoemiawata au a’ ine’etetuane’ betchi’bo au ujbwanak, inika’a jaibu abe mukemta. 48 Junak ju’u Jesus iniau inen jiiak: âJitaa machilaata intok juka’ jita senuk a joa’uta suum watchika senuk a joa’uta ka a’ bichakai, eme’e kaita sualne âti au jiiak. 49 Taa ju’u yo’oraata betana tekilta joame inen au jiiak: âAchai, lauti aman weene, juka’ in yoemiata kee a’ mukeo âti au jiiak. 50 Junak ju’u Jesus iniau: âEm jo’aau nottine. Ju’u em yoemia tu’isuk âti au jiiak. Ini’i, juka’ Jesujta au teuwaaka’uta a’ sualeka intok junuen siika. 51 Junak a’ jo’au aapo’ik yebijsuseeo, jume’ aapo’ik tekoka tekipanoame, a’ nankika: âEm yoemia tu’isuk âti au jiiak. 52 Junak intok ameu nattemaek jak weyeo aapo’ik au a’ ine’ete taiteka’po. Bempo intok: âTuuka, luula yejtesuka ko’om kuakteo, ju’u taji wechia a’ su’u tojak âti au jiiak. 53 Ju’u yo’owe junak ju’uneak, jiba junama orapo juka’ Jesujta: “Ju’u em yoemia tu’isuk”, ti au a’ jiaka’po a’ tu’ireaka’po. Junak aapo intok si’ime jume’ aamak jo’aakame juka’ Jesujta sualek. 54 Ini’i san juna’atuk, iniamak woika, juka’ Jesujta aapo’ik suum watchik machilaata a jita a’ joa’ue a’ yaaka’u, aapo’ik Jurea’ tea’a betana bwiaraa Kalilea’ tea’u nottekai.