1 Kódin 6

1 Dini ghi nêii ngê nmyi vyêo pini miyó dnyinté a ya nódó, lukwe dîyêo kóté yêenê pyu ka dpî lee knî, kuwa. Lukwe dîyêo mywene yêe dêuudpî ghê. Yinté kópu nmyi chóó pêee dmyinê lêâmolêâmo dé. 2 Angênté, nmyi lama daa tóó Chóó Lémi u yoo knî yêoo dyámê mbêmê tpémi yintómu yêoo wa kóté kalê têoo. Mumdoo dpêee ntââ dé, yinté kópu têdê nmyi chóó daanmyi lêâmolêâmo? 3 Lukwe, nmyi lama myedaa tóó, mu dini ghi ngê enjel yoo amyêoonêaa chámê té. Lukwe dîyêo nmyi chóó nmyi kópu dyuu daanmyi lêâmolêâmo dé. 4 Dini ghi nêii ngê yinté kópu nmyi vyêo dpî pyódu, lukwe dîyêo kóté yêenê pyu knî ye kuwa nmye lêpî nyédi. 5 Mywene nmye choo kwo. Mumdoo nuwêo pyu nmyi vyêo daangma a kwo, pini nêii u ntââ yinté kópu dpî lêâmo? 6 Lukwe dîyêo pi ngmê ngê u mbwó kóté têdê dpî Åuwêo, kuwa pini ngê dpêuu kóté kalê dê. 7 Ndêndê ngê nmye knêaadiknêaadi ngópu. Lukwe dîyêo nmye numo kóté kîgha nyédi. Lukwe dîyêo yi kópu knî dênmyinê vyîmî tumo. Nmyi mbwó ngmê adî mtîkó knomomê, nangê kóté kwolo, dmyina a vyîmî. 8 Lukwe dîyêo numo pêuu nmye dono nyédi. Lukwe dîyêo nmyi chóó nmyi tîdê mbwó yoo yi tpile nmye têâmotêâmo tumo. 9 Mumdoo nmyi lama daa tóó, pi dono yoo Chóó Lémi kóó kêoo daamî ghê dmi. Pi knî yêoo kîngê dóó nmyo. Yélini a pyââ ti nyédi, knêaa yâpwo knî ye a ngêpê nyédi, pi u kuwó a pywuwópywuwó nyédi, ó a numo kpêêpî nyédi, yinté pini Chóó Lémi kóó kêoo daangmamî ghê. 10 Kpáápi yoo, Åuknwe yoo, ndee pyu ndîî yoo, pi u pi dyede pyu yoo, ó nté ndapî yi mbêaami yoo, yinté pini Chóó Lémi kóó kêoo myedaangmamî ghê. 11 Knî ngmê yinté kînmyee a ya, ngmênê nmî Lémi Yesu Kédisu ngê nmyi dono kî chedê too, nmî Mî u Ghê Dmi ngê nmyi nuwêo dmi ngmópu, Chóó Lémi ka yoo mbêaa ngê pyódu nmyoo. 12 Nmî Lémi Yesu ngê daa dêêpî kópu dyuu mbêmê kamî ngê pyódu nmoo. U lêêê dîyêo kópu yilî yi kwódu yé kópu daangma a tóó, ngmênê kópu yilî knî yêoo yoo dpî dyênê têoo. Yi kópu knî namê dêuudêuu dé. Nyââ, kópu yilî yi kwódu yé kópu daangma a tóó, ngmênê kópu ngmê nmyi kada kîngê ghê. Yesu Kédisu nmyi kada vyîlo yichoo kwo. 13 Nté nmî Åuknî yi mênê dpî lê, yi lêêê dîyêo a tóó, nté u lêêê dîyêo nmî Åuknî a pyede, ngmênê mu dini ghi ngê Chóó Lémi ngê miyó dê wa dyênê dê. Pyââ ti mââ ti daa yinté kópu dê. Nmî Lémi ngê daa pyââ ti mââ ti yi lêêê dîyêo a lêâmo nmoo, chóó u lêêê dîyêo a lêâmo nmoo, nmî lêêê dîyêo mye pwene. 14 Chóó Lémi ngê nmî Lémi kpêênî mêdê pyidu ngê, u wêdêwêdê mbêmê yinté amyedê pyidu nmo. 15 Mumdoo nmyi lama daa tóó, nmyo Yesu Kédisu kóó kpâlî dé. Lukwe, pi ngmê ngê Yesu u mbyuu pee ngmê téli pyââ u kêii ngmidi ngê wa pyódu? Apuu! Doo u ntââ. 16 Mumdoo nmyi lama daa tóó, nêii téli pyââ ka dpî lê, u kêii ngmidi ngê dpî pyaa knî. Yi kópu puku yedê mye tóó. 17 Nêii nmî Lémi kêii ngmidi ngê dpî pyaa knî, yi nuwêo dê ngmidi ngê dpî pyaa knî. 18 Pyââ ti mââ ti vyêo a pwii dmyeno. Knêaa dono ngmanyi dêuu, ye knêaa pini ngmanyi dyênê, ngmênê wanmyi pyââ ti, ye nmyi chóóchóó wanmyi dyênê têoo. 19 Nmyi ntêu dmi daa nmyi chóó a pyede, ngmênê Chóó Lémi u Ghê Dmi yi mênê a kwo. Ghéni Dmi nêii Chóó Lémi ngê nmye a kpo, nmyo u yâpwo ghi. 20 Nmyi ntêu dmi daa nmyi chóó nmyi tpile dé, Chóó Lémi ngê kópu ndîî ngmê dêuu ngê, u ngwo pwila nmyoo. Yi kópu u lêêê dîyêo nmyi ntêu dmi mbêaambêaa ngê dmyinê dpodo kîgha dé, Chóó Lémi u pi ndîî ngê u ngwo paa pyaa we.