1 Timoti 1

1 Mwêââkó Timoti, nê Póól, Yesu Kédisu u dyépi ngmê. Nmî Mbwámê Chóó Lémi ngê a dpodo kalê noo, Yesu Kédisu pêuu myinî dpodo, pini nêii pêuu nmî nuwêo dmi a kwo. 2 Timoti, dini ghi nêii ngê Yesu u yoo vyêo nî kaa nyoo, a tpêee ntee pini ngê nî pyódu nyoo. Nmî Mî Chóó Lémi, nmî Lémi Yesu Kédisu u kêii mbêaambêaa ngê ṉga dnyêoo a vyuwo, ye chi chêanêchêanê, ṉuwêo ngmidi ngê dnyêoo a pyépi. 3 Dini ghi nêii ngê Epeso nê kuwo nyoo, ala Másîdóniya Wee u kwo nê loo, yi ngwo kópuni ṉga nê vyu, chi dêuudêuu, Epeso chi ya, yélini yêoo kêomodanê kópu knî yi mbêmê yoo a ndiye kîgha tumo, yi kópu ye chi kwódukwódu. 4 Ala kópu ye chi tpapê, yipi, Wêêê tpémi yi kêomo danêmbum dé nama a njêii dé, myenté yipi, yoo yi knêââ yoo yi pi dmi namê dówodówo dé. Numo ka kwopwepe u knêââ yi kópu knî yi pêuu a kwo. Kópuni nmî Mî ngê u yi u ngwo a kwo, Nî dêuu, yêi daawa a wêee ngmê. Yi kópu kêlîmî mbêmê nmî lama a tóó, daa kwopwepe mbêmê. 5 Yinté danêmbum ye chi kwódukwódu, mu kópu u dîyêo nmî Lémi ka ntênê pîdnyêoo kêlîmî, yi lêêê ghi dmi mbêaambêaa ngê pîchoo ya, yi gha vyêo tupwó daapîchoo ya, yi nuu ghi dmi numo nódo myepîdnyêoo ya. 6 Pi ngmê knî yêoo yi lêêê ghi dmi mbêaa a kuwo tumo, maa ndêndê knêaadi ngópu, módó a danêmbum nyédi. 7 U yi yêe a kwo, Dêêpî kópu dyuu yoo yi lama nmî kwolo, ngmênê yi kópu dyuu dêuuwodê wêee têoo. Kêomo tpile dpodombiyêe a mbumu nyédi, ngmênê daa yi lama a mbumu nyédi. 8 Nmî lama ka tóó, Chóó Lémi u dêêpî kópu dyuu mbêaambêaa, ngmênê pi ngê doo u pee ngê kîngê vyi té. 9 Nyââ, daa yoo mbêaa yi lêêê dîyêo yi dêêpî kópu dyuu nmo a kpo, ngmênê yoo dono yi lêêê dîyêo, yélini yi mênê dêêpî daa tóó, yélini yêoo nmî Mî daa chââchââ ngópu, knêaadi te pyu yoo, yélini yi nuwêo dmi dyámê mbêmê a wee, nmî Mî pêuu daa nuwêo nyédi. Nyââ, yoo dono yi lêêê dîyêo yi dêêpî kópu dyuu nmo a kpo, nêii knî yêoo yi pye mî daa chââchââ tumo, ó pi dpî vya ngmê, 10 ó a pyââ ti nyédi, ó a numo kpêêpî nyédi, ó yoo dpî têâmo têoo, wop dpodo pyu ngê dpî pyódu têoo, ó a kêomodanê nyédi, ó kêomodanê mbêmê pi dpî ndyîko têoo. Nyââ, yinté yéli yi lêêê dîyêo dêêpî kópu dyuu nmo a kpo, mu kópu u dîyêo ndêndê kópu dyuu daa yi nuu u kópu ngê a tóó. 11 Yi kópu nê wêee ngê, mu kópu u dîyêo Chóó Lémi ngê a ngmidi noo, u kópu dyuu tpapê u lêêê dîyêo a dpodo kalê noo. Yi kópu mbêaa u lêêê dîyêo nmî Mî u pi nmo kmîmî ngê. 12 Nmî Lémi Yesu Kédisu nêaa kwunokwuno ngê, nêii ngê a dpodo u ntââ ngê dpo pyódu nê, mu kópu u dîyêo u lama doo ya, dêaa pi dódó pyu, u ngwo a ngmidi noo, u dpodo Åedê a kaa noo. 13 Kêomo tpile mwiyé u pi noo a dyede, u ya a nga doo kwo, U kwee nê châpwo, u yoo knî yi pêuu myenoo a dono, ngmênê u kwo nê chêanê wo, mu kópu u dîyêo daa a lama noo a mêii, u ngwo u kwo dênoo a kêlîmî. 14 Nyââ, nmî Lémi ka ntênê nê chêanê wo, kópu ndîî a nga ngmê dêuu ngê, a kêlîmî ndîî ngê a pyódu ngê, Yesu Kédisu u yoo yi nuu ghi dmi a nódo u ngwo yaa wo. 15 Ala kópu dyuu ndê kópu dyuu, yoo u kwo dnyêoo kêlîmî, Yesu Kédisu pi dono yoo yi dono chedêchedê u lêêê dîyêo dyámê mbêmê a loo. Nê pi dono yoo yi vyêo pini ngmê, dono kópu dêuudêuu têdê pi yintómu nî têee kwólu, 16 ngmênê Yesu Kédisu ngê pi knî ye dyimê pywuu ngê pyódu noo, a dono yilî ghêê too, apê, Pi knî yêoo yi kópu nê pêuu paa mêuu yêe, apê, a ka pêdê kêlîmî mbê dniye, ghê kamî u ngwo pêdê pywêee yêe, ghéni nêii chedê ngê daawa pyódu. 17 King nêii daawa pwêonu, chedê ngê myedaawa pyódu, chaa kîgha koo. Yi pini mu ngmidi yâpwo ndêndê, doo u ntââ daanmî mêuu. Dye ghi yintómu u pi kmîmî koo, yinté choo ya. 18 Timoti, a tpêee, kópuni ṉga dêa dêêê, chi dêuudêuu. Chóó Lémi u komo kapî pyu knî yêoo kópuni wunê m̱êuu a vyi tumo, ṉuwêo Åedê dnyêoo ya, Setan pêuu lêêê têdê dnyêoo a wêdêwêdê kîgha ngi. 19 Nmî Lémi ka mbêaambêaa ngê chi kêlîmî, dono kópu nangmê dêuu. Pi knî ngmê dono pêuu a nuwêo té, yi kêlîmî ntóó ngê u ngwo pyódu tumo. 20 Yi vyêo pi miyó, Haimeneyas pini dê Aleksándê, Setan kóó kêoo wunê nî kaa doo, mu kópu u dîyêo Chóó Lémi u pi daapîdnyêoo dyede.