Dpodo 24

1 Wo limi mî loo, u kuwó dini ghi ngê Nju tpémi yi kada pini yoo Sisadiya lee dniye, kpêê yiyé pyu yoo yi kada pini Ananayas u kêii lee dniye, pini nêii u lama Lóma tpémi yi dêêpî kópu dyuu mbêaambêaa ngê doo kwo u kêii mye lee dniye, yi pini mye Nju pi, u pi Têêtulas. Piliks ngîma ghê dniye, Póól ka kópuni u dîyêo dnye nodêenodêe, yi kópu u ntêu kópu Piliks ka vyi ngópu. 2 Dini ghi nêii ngê Póól a Åuwêo ngópu, Têêtulas ngê kóté kpêmî ngê, Piliks ka kwo, Munmîkó nmî Lémi, mbêaambêaa ngê nyinê yêenê nmo, dye ghi daadîî pi lêêê ngê kêê doongê têângo, dono kópu yilî nyi ngmópu, ya mbêaa u ngwo dpêo pywêoo. 3 Kwo, Dye ghi yintómu pêaani pêaani nmo chaa kîgha ngi, myeno kwunokwuno ngi. 4 Kwo, Kópu yilî ṉga daanî vyi, mwada yêi daanî nî, ṉga anî tpapê, a dnye nyeni. 5 Kwo, Ala pini nkéli dono u pye yiyé pyu, Nasalet pi u yoo yi kada pini ngmê, dyámê pee yilî yi mbêmê Nju tpémi yi vyêo dnyengi u pye yilî a yiyé. 6 Kwo, Ala kópu mye dêuu ngê, u yi u ngwo doo kwo, Yélini daa Nju tpémi Chóó Lémi u ngomo kêoo myêaa kmêêê té, wodêoo yêi nmî mgîmî ngê. 7 (-) 8 Kwo, Ala pini chi pêoo knomomê, kwo, kópuni u dîyêo u kwo nmo nodêenodêe té, yi kópu chóó ṉga wa vyi. 9 Dini ghi nêii ngê Têêtulas ngê u danêmbum yó, Nju tpémi yêoo Piliks ka kwo, Kópu yilî nêii ṉga dê vyi, yi kópu yilî yintómu ndê kópu dé. 10 Piliks ngê Póól ka kwo, Ló kópu m̱ênê ngma a tóó? Póól ngê kwo, Mwêââkó a Lémi, mêââ yilî yi kêoo ala dyámê pee Å̱yóó nye yêenê, nmî lêêê ghi dmi yintómu ḻama a tóó, kwo, yi kópu u lêêê dîyêo a lama ka tóó, ndêndê ngê nye kóté kîgha nê. 11 Kwo, Daa dye ghi daadîî yimî loo, yêomye mêii ngê Chóó Lémi ka ngêpê têdê nî loo, Njedusalem. Kwo, Pi knî yêoo yinté ṉga amye vyi ngmê. 12 Kwo, Chóó Lémi u ngomo kêoo pi knî ye kwopwepe ngê kêê dîpêê têângo, ngêpê ngomo knî yi kêoo yi mbodo dmi myedîpî vyuwo ngê, yi pêaani u ghi yintómu knî yi kêoo yinté kópu myedîpî dêuu ngê. 13 Kwo, Ala ngwo kópuni ṉga dê vyi têoo, doo u ntââ yi kópu dyuu ndê kópu ngê ṉga daawa pyódu têoo. 14 Kwo, Kópuni dyuu ṉga dê vyi ngmê, mu ngmidi ndê kópu, ṉga daanê wópu, kwo, Yesu Nasalet pi u yoo vyêo nî ghê wo. Kwo, Kêomo tpile Nju tpémi yêoo ala kópu a tpapê ngmê, apu, Nasalet pi ngê máádini a yó, yi máádi daa ndêndê, kwo, ngmênê yi máádi nêaa kîgha, nmî knêââ yoo yi yâpwo ka ndêndê ngê u ngwo anî lê. Kwo, Ngmênê kópu yilî nêii Mósisi ngê a dêêê ngê, myenté Chóó Lémi u komo kapî pyu knî yêoo kópuni mye dêêê tumo, yi kópu knî ye nêaa kêlîmî. 15 Kwo, Kî yéli kópuni ka a kêlîmî té, yi kópu ka myinê kêlîmî. Kwo, Yi kópu alanté, Pi yilî yintómu mwiyé wa pwêonu, u kuwó dini ghi ngê Chóó Lémi ngê amêdê pyidu té, yoo dono yoo mbêaa chóó wa chámê dê. 16 Kwo, Yi kópu u lêêê dîyêo dye ghi yintómu dpodombiyêe anî dpodo, kópu mbêaa anî dêuudêuu dé, Chóó Lémi ngê a ka daapaa vyi ngê, Chi knêaadi, pi knî yêoo yi kópu a ka myedaapaa vyi yêe. 17 Póól ngê kwo, Mêââ ngmê knî yi kêoo Njedusalem dênoo ya. Dini ghi nêii ngê Njedusalem nê diyé wo, Nju tpémi yi vyêo pinté knî ye yi ndapî knî ngmênî Åuwo, u ya a nga myedoo kwo, nê, Chóó Lémi ka kpêê nêuu yé. 18 Kwo, A tupwó mwiyé nî ghêê ngê, u kuwó dini ghi ngê Chóó Lémi u ngomo kêoo nî kee wo, kpêê yiyé u lêêê dîyêo. Kwo, Pi a pêuu dêpwo ya, pi ngê dnyengi ngê kêê myedîpêê têângo. 19 Kwo, Ngmênê Nju tpémini Esiya Wee u kwo dnyimo a ya, yi yéli yêoo mgîmî noo. Kwo, Lukwe dîyêo yi yéli alêii daa kwo? Kwo, Wo ndê kópu yêaa dêuu ngê, ye pêdê lee dmi, yi kópu ṉga paanêaa vyi ngmê. 20 Kwo, Yélini yêoo Njedusalem kóté kalê noo, yi yéli awêde kêdê taa dmi. Kwo, Ye ngî péé, Kóté têdê ló kópu a pêuu ngma a pywêee ngópu. 21 Kwo, Yi vyêo kópu mu ngmidi nî dêuu ngê, ye nî mbwolo, yenê, Awêde anmye kóté kîgha nê, mu kópu u dîyêo ala kópu ka nêaa kêlîmî, Pi wa pwêonu, amêdê pyidu. 22 Piliks ngê yepê, Nmyi kada pini Lisiyas dini ghi nêii ngê wa têaa, yepê, Póól pêuu kópu u ngwo nmye ngmanî vyi. Wodêoo Piliks ngê kóté chedê ngê, mu kópu u dîyêo Yesu ngê máádini a yó, yi máádi pêuu kópu yilî u lama dnye ya, pi knî yêoo Piliks u ngêêdî mwiyé dnyimo a tpapê dé. 23 Ledeni ngê Póól dpîmo yêenê, Piliks ngê yi pini ka kwo, Póól mbwa kêoo mê kmêêê ngi, yêi choonêaa ya, yêi choonêaa paambwi. Kwo, U pyipe knî yêoo u yi adî kwo, Tpile u kwo ngmênmêuu yêoo, kwo, ye kidingê kwódu. 24 Wo knî ngmêmî loo, Piliks cha yêoo u yi yêe doo kwo, Póól nyi ngêêdî choo danêmbum. (Piliks u kpâm Dîdusila Nju pyââ.) Wodêoo Piliks ngê pi ngmê dyêââ ngê, kwo, Póól a pwiyé we. Póól dini ghi nêii ngê ta, Piliks cha ye Yesu Kédisu ka kêlîmî pêuu ye doo danêmbum. Yi kópu dyuu dpîmo nyêmî dé. 25 U kuwó dini ghi ngê Póól ngê yepê, Doo u ntââ dono kópu yilî daanmî dêuudêuu, ngmênê nmî chóó nmî lêêê ghi dmi ka vyuwo kmêle, mu kópu u dîyêo mu dini ghi ngê Yesu ngê wa kóté kalê nmo. Piliks ngê yi kópu dini ghi ngê nyongo, nkîngê mbê wo, Póól ka kwo, Ala ngwo chi lêpî. Kwo, Dini ghi nêii ngê a dpodo daadî ya, a chóó ṉga anêuu vyi, u ngwo modo pwiyé. 26 Wo knî ngmê ngê Piliks ngê pi ngmê ka dpîmo tpapê, kópu, Póól a ka dpo Åuwêe. Daa ngêêêntómu u kêii danêdanê knopwo, mu kópu u dîyêo Piliks ngê u yi dpîmo kwo, Póól ngê ndapî ndîî a ka ngmêpêda kê ngê, u ngwo pêaa pwêii. 27 Mêââ miyó mî loo, Pósiyas Pestas ngê Piliks u dêaa a kââdî ngê, mu kópu u dîyêo dini ghi nêii ngê Nju tpémi knêaa yéli yi kêii numo pêuu dnye lêêê, Sisadiya, Piliks ngê lede yoo dyêââ too, Nju tpémi yi kada pini yilî vya ngópu. Nju tpémi yêoo Lóma tpémi yi king ka pweepwee pee yilî dêêê ngópu, wodêoo yi king ngê apê, Piliks Lóma modo diyé we. Piliks ngê u yi doo kwo, Nju tpémi yêoo kópu dono a pêuu daamupaa vyi yêe, wodêoo Póól mbwa kêoo a kuwo ngê, Lóma u ngwo mê diyé wo.