Nkalásiya 5

1 Wunê wop dpodo pyu ngê nmee a ya, ngmênê Yesu Kédisu ngê yêi a pwêii nmoo, yêi mênangmê diyé, wop dpodo pyu ngê mênangmê pyódu. 2 Nê Póól, ala kópu nmye nînê tpapê. Pi ngmê ngê Chóó Lémi u lêii nmyi too pee pêuu angmê têee knomomê, ye kópuni Yesu Kédisu ngê nmî lêêê dîyêo dêuu ngê, kêomo tpile ngê nmye wa pyódu, daawa ngee nmyo. 3 Kópuni wunê nmye nêuu vyu, nmye mênînê tpapê, pini nêii too pee pêuu Chóó Lémi u lêii dê kaa knomomê, dêêpî kópu dyuu yintómu choo chââchââ dé. 4 Nêii ngê u yi adî kwo, Dêêpî kópu dyuu chââchââ mbêmê Chóó Lémi ka pi mbêaa ngê nî pyódu, yi pini Yesu Kédisu kóó kêoo wa a pwii, u yikî Yesu Kédisu u pwo daa ghay wo. 5 Ngmênê Yesu Kédisu ka nmo kêlîmî té, u lêêê dîyêo nmî lama a tóó, u Ghê Dmi mbêmê Chóó Lémi ka pi mbêaa ngê wa pyódu nmo. 6 Kêomo tpile Chóó Lémi u lêii nmî pêuu a têa, ó daa têa, ngmênê Yesu Kédisu ka nmî kêlîmî mbê dniye, u ngwo u kwo a kââdî nmoo, ala ngwo yoo yi nuu ghi dmi nmî nódo a tóó. 7 Nmî Lémi u maa ndêndê mbêaambêaa ngê kînmyee a kîgha. Nêii knî yêoo yi máádi pêuu a yêee nmyoo, lukwe dîyêo ye nmyi ngêaa mbê dniye. 8 Chóó Lémi ngê yi máádi pêuu mwiyé kaa nmyoo. Nêii knî yêoo nmyi nuwêo dmi ngmêê tumo, doo u dpodo pyu yoo. 9 Nmyi lama kîyedê tóó, yis knî tpêoo daa ndîî anyinê ngî, kpo ndîî u mênê anyi yé, anyi pwiyé, kpo yintómu dpî mbwó. Yi yéli yêoo yinté kîngê dyênê nmyo. 10 Nmî Lémi mbêmê nê wêee ngê, yi yéli yêoo daawa dyênê nmyo, a ka anmyinê ngêaa mbê dmi. Nêii knî yêoo nmyi némi dmi a dyede ngmê, nmî Lémi ngê wa kpada té. 11 A tîdê mbwó yoo, pi knî ye ala kópu wunê tpapê ngê, Chóó Lémi u lêii nmyi pêuu choo kelekele, ye Nju tpémi yêoo daapîdnye kpakakpaka nê, kópuni Yesu Kédisu u kîdosi pêuu nêaa tpapê ngê, yi kópu pêuu daapêdê lvêêdîlvêêdî té. 12 Nêii knî yêoo u yi a kwo, Ala yéli yi pi njini too nmo a ngêêpî dé, kópu dono ye dêuudêuu ngmê, yi yéli yêoo yi chóó yi vyóó wêuu dmi dnyêoo a ngêêpî dé. 13 A tîdê mbwó yoo, dpodoni wunê wop nmyimo a kîgha, nmî Lémi ngê yêi a pwêii nmyoo, ngmênê nangê vyi, Pi ngmê u maknopwo dpêono pyede, kópuni yilî yi yi dmi nmo a kwo, nmo dêuudêuu dé, yi kwódu yé u kópu daa tóó. Yi kópu nangê vyi, ngmênê nmyi nuu ghi dmi numo nódo choo ya, numo pêuu wop dmyinê dpodo. 14 Dêêpî kópu yilî yintómu ala kópu u mênê a pyede, Å̱yóó ṉuu ghi ṉódo ntee a tóó, yoo yi nuu ghi dmi ṉódo yinté myechoo ya. 15 Numo ka namê dnyepéli, numo ka myenamê peede tpapê, kminté dêudêumbiyêe wanmyi numo dyênê té. 16 A tîdê mbwó yoo, Chóó Lémi u Ghê Dmi u pono dmyinê vyápê, nmyi chóó nmyi pono namê vyápê. 17 Nuwêo dono nêii nmyi mênê a tóó, Chóó Lémi u Ghê Dmi pêuu a dêuu yédi, myenté Chóó Lémi u Ghê Dmi yi nuwêo dono pêuu a dêuu yédi. Nmî Mî ngê u yi u ngwo daa kwo, A yoo yi chóó yi pono dnyêoo vyápê. 18 Nmî Mî u Ghê Dmi u pono anmyi vyápê knomomê, ye Nju tpémi yi dêêpî kópu dyuu u maknopwo daanmyi kwo. 19 Nêii yoo yi chóó yi pono a vyápê nyédi, yi lêêê ghi dono dé nmî lama dé. A pyââ ti mââ ti nyédi, yi gha tupwótupwó dé, pi u dnye daa yi ngêaa. 20 Knêaa yâpwo dé a chââchââ tumo, a nkwépinkwépi nyédi. Noko a diya nyédi, numo pêuu a dêuu nyédi, a Åêee kapî nyédi. A nodêenodêe nyédi, yi chóó yi pêuu a nuwêo nyédi, yoo dpî chaa têoo, yi chóó yi pee a kapî tumo. 21 A Åêee kapî nyédi, a mbwaa ndanî nyédi, a ghétighéti nyédi, yinté kópu yilî dpî dêuu ngmê. Yinté kópu dé nmye wunê ntee nêuu kwódu too, ala ngwo nmye myedêa kwódu té. Nêii knî yêoo yi kópu yilî a dêuudêuu tumo, Chóó Lémi kóó kêoo daamî ghê dmi. 22 Nêii yoo nmî Mî u Ghê Dmi pono a vyápê nyédi, yi nuu ghi dmi numo nódo a ya nyédi, wêaa dpo pywêee ngmê, pi knî yi kêii mbêaambêaa ngê nipi a ya nyédi. Lîmîlîmî ngê daa nodêenodêe nyédi, yi lêêê ghi dmi mbêaambêaa dé, pi knî ye mbêaambêaa ngê a vyuwo nyédi. Daa pi dódó nyédi, 23 daa mbodo ndîî mbodo ndîî nyédi, nuwêo dono ka daa ngêaa nyédi. Doo u ntââ yinté yéli ye pi daadî kwódu yé. 24 Yesu Kédisu kîdosi Åedê ntee pwene, yélini u kwo a kââdî too, yi nuwêo dono yinté mye pwene, dono u yi yêe mêdaa kwo. 25 Dini ghi nêii ngê Yesu Kédisu ngê u kwo a kââdî nmoo, u Ghê Dmi ngê ghê kamî nmo a kpo, yi ghéni dmi u pono vyápê kmêle. 26 Doo u ntââ nmî chóó nmî pi dmi daanmî kmîmî dé, doo u ntââ yoo daanmî nodêenodêe kîgha dé, doo u ntââ numo ka daanmî Åêee kapî.