Njems 3

1 A mbwó yoo, nmyi vyêo daa yilî dêêpî pyu ngê dpî pyaa dmyeno, mu kópu u dîyêo nmî lama ka tóó, dêêpî pyu nêii ngê wa knêaadi, nmî Lémi ngê dpodombiyêe wa kpada, ngmênê nêii daa dêêpî pyu, yi pini ngê yinté wamye knêaadi, nmî Lémi ngê yi pini kyedekyede wa kpada. 2 Nmo yintómu knêaadi te pyu yoo. Pi ngmê u ntââ ngê wo tóó, knêaadi te kópu dêuuwodê vyi, ye yi pini pêuu dyââpe daapê têa, kópuni yintómu dpî dêuu, pê ndê kópu dé. Kêomo tpile pi komo daa ndîî, ngmênê kópu ndîî yilî dpî dêuu. Kópuni dpî vyi, yi kópu ngê pi yilî yi némi dmi dpî dyênê. 3 Hósi tpyuu mye yinté. Kêomo tpile hósi ndîî, ngmênê yedê ngê anya a tpyuu. 4 Nkéli tpyuu mye yinté. Kêomo tpile nkéli ndîî, vyuwó yópu ndîî vyêo a mbêpê yédi, ngmênê nkéli knâpwo tpii nêii wunê kwo, daa ndîî. Tpiipi ngê pee nêii nkéli wunê tpyuu ngê, yi pee dpî nkeÅe. 5 Pi komo mye yinté. Kêomo tpile daa ndîî, ngmênê kópu ndîî yilî dpî dêuu. Kópuni dpî vyi, yi kópu ngê pi yilî yi némi dmi dpî dyênê. Kêomo tpile ndyuwêe puu daa ndîî ngmanyinê ngî, ngmênê chââ ndîî u ngwo anyinê vyuwó. 6 Pi komo mye ndyuwêe ntee tpile. Ndyuwêe ngê tpile yilî yintómu ntee dpî ma té, pi komo ngê yinté yi pini dêudêumbiyêe dpî dyênê. Yélini yi vyêo yi pini a kwo yédi, yi yéli yi némi dmi myoo dyênê. Dyámê mbêmê kópu dono yilî nêii a tóó, pi knî yêoo a nyepênyepê tumo, u nkwo a dêuudêuu tumo, mu kópu u dîyêo Setan ngê yi nuwêo kêoo yinê wunê kéké too. 7 Chii tpile tpêoo dyêêdî daa ngmidi ngmanya a têemî, dono ye anya a kwódukwódu, yi dono mêdaadnyi dêuudêuu, 8 ngmênê doo u ntââ ṉgomo ka dono mêdaanyi kwódu. Dono kópu yilî chóó a tpapê too, u kópu yilî ló ntee tpile dé, pi yilî u ngwo dpî loko té. 9 A tîdê mbwó yoo, nmî komo knî yêoo nmî Mî nmo chaa kîgha ngê, ngmênê yoo yi pi dmi nmî komo knî yêoo nmo dyede too. Apuu! Yinté daadî ya, mu kópu u dîyêo nmî Lémi ntee a tóó, yoo mye yinté lêâmo too. Pi pêuu anyi peede tpapê, nêii ngê yi pini lêâmo ngê, pêuu amêii peede tpapê. 10 Lukwe dîyêo peede tpapê kópu dyuu, chaa kîgha kópu dyuu, komo puu ngmidi ngê a tpapê too. Yinté daadî ya. 11 Doo u ntââ dpuwó nuu ngmidi u mênê ntii mbwaa nipi daadpêaa a mbêpê. 12 Kéme nkwodo chikini kîgha daawa kaalî, kwee nkwodo kéme kîgha daawa kaalî. Ntêee anyi nî, doo u ntââ mbwaa yêi daanyimo vyêââ. A tîdê mbwó yoo, nmî komo knî yêe Chóó Lémi nmo chaa kîgha ngê, doo u ntââ nmî komo knî yêe yoo yi pi dmi daanmî dyede. 13 Dêêpî pyu yoo. Dêêpî nmyi mênê ndêndê ngê choo ya, kópu mbêaa yilî dmyinê dêuudêuu, nmyi chóó nmyi pi dmi kîdmyinêngê kmîmî dé. 14 Nêii ngê u yi adî kwo, Yoo nî chámê, knêaa yoo dyêêdî vyêo nêii a wee, yi nuwêo dmi dpodombiyêe nî ngmêê té, yi yoo dyêêdî nê pwaa té, a yoo vyêo nî kaa té, yi pini kîngê kêomodanê, kîngê vyi, Nê dêêpî pyu ndêndê. 15 Yinté kópu daa dêêpî ndêndê, daa Chóó Lémi ngê yinê a dyêââ ngê, ngmênê yi pini ngê yi dêêpî kópu chóó u mênê dpo ngî, chóó u nuwêo kêoo Setan ngê yinê kéé ngê. 16 Nêii ngê yoo yi nuwêo dpodombiyêe dpî ngmêê té, chóó u yoo vyêo dpêuu kaa té, yi pini dnyepéli pyu ndîî, dono kópu yilî dpî dêuu. 17 Ngmênê dêêpîni Chóó Lémi ngê nmî mênê dpî yé, dyââpe pêuu daa têa. Yi dêêpî ngê yoo dpo kââdî. Nêii u mênê yi dêêpî a tóó, yoo yi dyââpe kyedekyede a pwapî too, yoo yi dnye dmi u ngwo mye nyêmî ngê. Yi pini ka yoo a chêanêchêanê nyédi, kópu mbêaa yilî a dêuudêuu ngê. Yi pini u nuwêo ngmidi, daa kêomodanê pyu, u gha ntee, u kópu yilî yintómu mye yinté dé. 18 Nêii ngê kópu lîmîlîmî ngê a lêâmolêâmo too, yoo mbêaambêaa ngê yinê dpî pyódu.